கடைசி நேர சமயோசிதம்... காட்டுக்குள் உயிரைக் காப்பாற்றிக் கொண்ட பெண்! வீடியோ

சுற்றுலா சென்ற இடத்தில் காட்டெருமை அருகே சென்ற பெண்ணை காட்டெருமை துறந்த அதனிடம் இருந்து அந்த பெண் சமயோசித புத்தியால் உயிர் பிழைத்த வீடியோ சமூக ஊடகங்களில் வைரலாகி வருகிறது.

பலரும் விலங்கியல் பூங்காக்களுக்கு சுற்றுலா செல்லும் இடங்களில் தாங்கள் தைரியமான நபர் என்பதைக் காட்டிக்கொள்ள விலங்குகளுக்கு மிக அருகே சென்று ஆபத்தில் சிக்கிக்கொள்வது உண்டு. அந்த சமயங்களில் எப்படியோ சமயோசிதமாக செயல்பட்டு உயிர் பிழைத்த சம்பவங்களும் நடந்துள்ளது.

'PLAY DEAD REALLY WORKED’

A woman in Yellowstone National Park was unharmed after a bison charged toward her as frightened onlookers urged her to lay still on the ground..

????ABC News pic.twitter.com/4U7laaD3X2

— Susanta Nanda IFS (@susantananda3) July 22, 2020

அந்த வகையில், இந்திய வனத்துறை அதிகாரி வீடியோ ஒன்று காட்டெருமையின் துறத்தலில் சிக்கிய பெண் ஒருவர் சமயோசித புத்தியால் உயிர் பிழைத்த வீடியோ வைரலாகி வருகிறது. அந்த வீடியோவில், சுற்றுலா சென்ற இடத்தில் காட்டெருமை அருகே சென்ற ஒரு ஆணும் ஒரு பெண்ணும் செல்கின்றனர். அப்போது அவர்களைப் பார்த்து மிரண்ட காட்டெருமை ஒன்று அவர்களை மூர்க்கமாக துரத்துகிறது. அந்த பெண்ணுடன் இருந்த நபர் வேகமாக ஓடிவிட அந்த பெண் ஓட முடியாமல் கீழே விழுந்து விடுகிறார். துரத்தி வந்த காட்டெருமை அவர் அருகே சென்று தாக்குவதற்கு தலை குனிந்து பார்க்கிறது. அந்த பெண் அசையாமால் அப்படியே படுத்து கிடக்கிறார். இதனைப் பார்த்ஹ்ட அங்கே இருந்த பார்வையாளர்கள் அந்த பெண்ணை இன்னும் அப்படியே படுத்து இருக்கச் சொல்லி அறிவுறுத்தினர். சிறிது நேரம் அங்கே இருந்த அந்த காட்டெருமை பின்னர் அந்த இடத்தை விட்டு சென்றுவிடுகிறது.

அந்த பெண், கடைசி நேர சமயோசித புத்தியால் காட்டெருமையிடம் இருந்து தனது உயிரைக் காப்பாற்றிக் கொண்டார்.

இந்த வீடியோ குறித்து, சுஸந்த நந்தா குறிப்பிடுகையில், “யெல்லோஸ்டோன் தேசிய பூங்காவில் ஒரு பெண்ணை காட்டெருமை ஒன்று தாக்க வந்ததால், பயந்துபோன பார்வையாளர்கள் அந்த பெண்ணை இன்னும் தரையில் படுக்குமாறு அறிவுறுத்தினர்.” என்று தெரிவித்துள்ளார்.