சிறுத்தையை விரட்டியடித்த துணிச்சலான நாய்; விழுந்து விழுந்து சிரிக்கும் நெட்டிசன்கள்: வைரல் வீடியோ

இயற்கை எப்பொழுதும் நம்மை ஆச்சரியத்தில் ஆழ்த்துகிறது. நாம் எவ்வளவுதான் புரிந்துகொள்ள முயன்றாலும், அது எப்போதும் எதிர்பாராத திருப்பங்களை வைத்திருக்கிறது. சமீபத்தில் வைரலான ஒரு வீடியோ அதற்குச் சிறந்த உதாரணம். இந்த முறை, ஒரு நாய் ஒரு சிறுத்தையை பயமுறுத்தியுள்ளது. இதைப் பார்த்து நெட்டிசன்கள் விழுந்து விழுந்து சிரித்து வருகின்றனர். இது மற்றொரு சுவாரசியமான தருணம் என்று வர்ணிக்கப்படுகிறது. 

சமூக ஊடகங்களில் வைரலாகி வரும் இந்த வீடியோவில், ஒரு சிறுத்தை ஒரு குடியிருப்புப் பகுதிக்குள் அமைதியாக நுழைகிறது. அது படிக்கட்டுகளை நெருங்கும் நேரத்தில், வாசலில் காவலுக்கு இருந்த ஒரு நாய் திடீரென அதைத் தாக்கியது. திடுக்கிட்ட அந்த பெரிய பூனை, முழு உடலையும் திருப்பி ஒரு பெரிய குதி குதித்து அங்கிருந்து மின்னல் வேகத்தில் ஓடியது.

ரந்தம்பூர் தேசிய பூங்காவின் (@ranthamboresome) இன்ஸ்டாகிராம் பக்கத்தில் பகிரப்பட்ட இந்த வீடியோவை இதுவரை 3.5 மில்லியனுக்கும் அதிகமானோர் பார்த்துள்ளனர். இதன் தலைப்பில், "சகிப்புத்தன்மை" என்று குறிப்பிடப்பட்டுள்ளது.

இந்த வீடியோவை பாருங்கள்:

View this post on Instagram

A post shared by Ranthambore National Park (@ranthamboresome)

இந்த வீடியோவின் சரியான இருப்பிடம் உறுதி செய்யப்படவில்லை என்றாலும், இணையவாசிகள் தங்கள் நகைச்சுவையான கருத்துக்களைப் பதிவிடுவதை இது தடுக்கவில்லை. ஒரு பயனர், “அந்த நாய் இப்போது உள்ளூர் நாய்கள் குழுவில் ஹீரோவாகி இருக்கும்" என்று நகைச்சுவையாகக் கூறினார். மற்றொருவர், “அந்த நாய் எதிர்பாராத தாக்குதலைப் பயன்படுத்தியது, அது வேலை செய்தது” என்று கருத்து தெரிவித்தார்.

மற்றொருவர் சற்று தீவிரமான கருத்தை முன்வைத்தார்:  “சிறுத்தை பயந்து ஓடியது, ஏனென்றால், அதுதான் முதலில் திடுக்கிட்டது. சிறுத்தை நாயை முதலில் கவனித்திருந்தால், அந்த நாய் இந்நேரம் இறந்திருக்கும்.” நான்காவது நபர், “அது என்ன சத்தம் என்று கூட பார்க்கவில்லை” என்று குறிப்பிட்டார்.