இது என்னடா பாம்புக்கு வந்த சோதனை! ஜப்பான் வீதியில் இன்ஃப்ளூயன்சர் செய்த செயல்!

ஜப்பானின் பரபரப்பான வீதியொன்றில், பாம்பு போன்ற வினோத உடையணிந்து ஊர்ந்துசென்ற பிரேசில் இன்ஃப்ளூயன்சர், இணையத்தில் அனைவரின் கவனத்தையும் ஈர்த்துள்ளார். இது உண்மையான பாம்பா? என ஒரு கணம் அனைவரையும் திகைக்கவைத்த இந்த வினோத நிகழ்வு, இணையத்தில் கலவையான விமர்சனங்களைப் பெற்று வருகிறது. இந்த வீடியோ 9 மில்லியனுக்கும் அதிகமான பார்வைகளைப் பெற்று வைரலாகி வருகிறது.

View this post on Instagram

A post shared by Junior Caldeirão (@juniorcaldeirao)

வீடியோவில், ஜூனியர் கல்டெய்ராவ் (Junior Caldeirao) உண்மையான பாம்பைப் போலவே அலை அலையாக ஊர்ந்துசெல்கிறார். அவரது வினோதமான தோற்றத்தைக் கண்ட பொதுமக்கள் திகைத்து நின்று பார்க்கின்றனர். இந்த பாம்பு போன்ற ஆடை, அவரை ஒரு ஊர்வன போல் தோற்றமளிக்கச் செய்தது.

இந்த வைரல் வீடியோ இணையத்தில் இருவேறுபட்ட கருத்துகளைத் தூண்டியுள்ளது. பல சமூக ஊடகப்பயனர்கள் ஜூனியரின் படைப்பாற்றலையும், தோற்றத்தையும் பாராட்டினர். அதேசமயம், மற்றவர்கள் இந்தச் செயலின் நோக்கம் என்ன என்று கேள்வி எழுப்பினர். "இவ்வளவு கூச்ச சுபாவமுள்ள ஒருவரை நான் பார்த்ததில்லை," என்று பயனர் வேடிக்கையாகக் கூற, மற்றொருவர், "அடடா? மக்கள் அவரைப் பார்த்து பயப்படுகிறார்கள்," என்று பதிவிட்டுள்ளார். 

ஜூனியர் கல்டெய்ராவின் இந்தச் செயல், விசித்திரமாக இருந்தாலும், தற்போது உலகளவில் தலைப்புச் செய்திகளில் இடம்பிடித்துள்ளது. அவரது நோக்கம் எதுவாக இருந்தாலும், சமூக வலைத்தளங்களில் அனைவரின் கவனத்தையும் ஈர்த்து, கோடிக்கணக்கான பார்வைகளைப் பெற்று, இணையப் போக்கையே மாற்றியுள்ளது என்பதில் சந்தேகமில்லை.