குஜராத்தில் ஞாயிற்றுக்கிழமை கனமழை பெய்ததையடுத்து காந்திநகரில் உள்ள ஒரு சாலையில் ஏற்பட்ட ஒரு பெரிய பள்ளத்தில் வெள்ளை கார் ருப்பதைக் காட்டும் வீடியோவை பி.டி.ஐ ஆன்லைனில் பகிர்ந்துள்ளது.
குஜராத்தில் கனமழை பெய்து வருவதால் பல நகரங்களில் இயல்பு வாழ்க்கை பாதிக்கப்பட்டுள்ளது. குறிப்பாக அஹமதாபாத் மற்றும் சூரத் ஆகிய நகரங்களில் தண்ணீர் தேங்கியுள்ளதால் போக்குவரத்துக்கு இடையூறு ஏற்பட்டுள்ளது. சூரத் மாவட்டத்தில் உள்ள பல்சானா, மாநிலத்தில் அதிகபட்சமாக 10 மணி நேரத்தில் 153 மிமீ மழை பதிவாகியுள்ளது.
வீடியோவுக்கு கம்மெண்ட் செய்த ஒரு எக்ஸ் பயனர் எழுதியுள்ளார், “குஜராத் மாடல் சவால்களை எதிர்கொண்டாலும், பொறுப்புக்கூறல் அமைப்புக்கு மட்டுமல்ல, ஒருமுறை அதன் தொடக்கத்திற்கு பெருமை சேர்த்தவர்களிடமும் உள்ளது. வெளிப்படைத்தன்மை, ஊடகங்களின் முயற்சி மற்றும் சுறுசுறுப்பான குடிமக்கள் பங்கேற்பைக் கோருவோம்.” என்று குறிப்பிட்டுள்ளார்.
இரண்டாவது பயனர், “குஜராத் சாலைகள் மிகவும் பலவீனமாக உள்ளதா?” என்று கேட்டுள்ளார். மூன்றாவது பயனர், “வெட்கமில்லாதவர்கள் அங்கு நின்று உதவி செய்யாமல் இருக்கிறார்கள்” என்று கருத்து தெரிவித்துள்ளார்.
நான்காவது பயனர் பதிலளித்தார், “இது ஒரு ஐஸ்கிரீமாக மாறியது... குஜராத் மக்களே, இந்த வீடியோவைக் கொண்டு ரீல்களை உருவாக்கி உங்களைப் பின்தொடர்பவர்களை அதிகரிக்கலாம்” என்று குறிப்பிட்டுள்ளார்.
பெரிய பள்ளத்தில் வெள்ளை கார் சிக்கிய வீடியோவை இங்கே பார்க்கலாம்:
புஜ், வாபி மற்றும் பருச் போன்ற பிற நகரங்களிலும் பெய்த கனமழை குறிப்பிடத்தக்க சிக்கல்களை ஏற்படுத்தியுள்ளது. அங்கு பல சாலைகள் மற்றும் சுரங்கப்பாதைகள் வெள்ளம் காரணமாக அணுக முடியாததாகி, போக்குவரத்தை கடுமையாக பாதித்துள்ளது.
இந்திய வானிலை ஆய்வு மையத்தின்படி, ஈரமான வானிலை அடுத்த 4 நாட்களுக்கு தொடரும் என்று எதிர்பார்க்கப்படுகிறது, மேலும் மாநிலம் முழுவதும் மழை பொழியும் என்று முன்னெச்சரிக்கையாக அறிவிக்கப்பட்டுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/Qqgup7eAv5KgrOTwF5Cv.jpg)