போலீஸை தாக்கிய பூனை கைது! கெஞ்சி கூத்தாடி ஜாமீனில் எடுத்த ஓனர்; தாய்லாந்தில் விநோதம்!

இந்தநிலையில், வீதிகளில் தனியாக சுற்றித் திரிந்த நுட் டாங்கை கண்ட ஒருவர், மே 9-ம் தேதியன்று தனது அருகிலிருந்ந்த காவல்நிலையத்தில் பாதுகாப்பாக ஒப்படைத்துள்ளார். அழகாக உடை அணிந்து பார்ப்பதற்கு க்யூக்டாக இருந்த பூனை நுட் டாங்கை அங்கிருந்த போலீசார் செல்லம் கொஞ்ச ஆரம்பித்துள்ளனர். அப்போது அந்த பூனை போலீசாரை தனது நகத்தால் பிறாண்டி தாக்கியுள்ளது. இதனையடுத்து நடந்த சம்பவங்கள் அனைவரின் கவனத்தையும் பெற்றுள்ளது.

அதாவது மீட்பு பணியில் ஈடுபட்ட தங்களைத் தாக்கியதாக கூறி அந்த பூனை மீது போலீசார் வழக்குப்பதிவுச் செய்தனர். மேலும் , அழகாக அந்த பூனை கொடுத்த போஸ் கொண்ட புகைப்படத்தையும் பகிர்ந்த காவல்துறை அதிகாரி பக்கீசுக், “இந்த பூனை காவல்துறை அதிகாரிகளைத் தாக்கிய குற்றத்தின் பேரில், கைது செய்யப்பட்டுள்ளது. தயவு செய்து இந்த பதிவை பூனையின் உரிமையாளர் கண்ணில் படும்வரை பகிரவும். அவர் வந்து ஜாமினில் எடுத்தால்தான் பூனையை விடுவிக்க முடியும்.” என்று நகைச்சுவையாக பதிவிட்டிருந்தார்.