‘கொடூர கொலை’: 20 ஆண்டுகளுக்கு முன் நட்ட அரச மரம் வெட்டப்பட்டதால் கதறி அழுத சத்தீஸ்கர் மூதாட்டி; நெட்டிசன்கள் கொந்தளிப்பு

உணர்ச்சிபூர்வமான ஒரு சம்பவத்தில், சத்தீஸ்கரில் உள்ள கைராகர் மாவட்டத்தின் சரா கோண்டி கிராமத்தைச் சேர்ந்த 85 வயதான தேவலா பாய் என்ற மூதாட்டி, தான் 20 ஆண்டுகளுக்கும் மேலாக நட்டுப் பராமரித்த அரச மரம் வெட்டப்பட்டதால் மிகுந்த மனவேதனை அடைந்தார்.

ஆங்கிலத்தில் படிக்க:

இப்பகுதியைச் சேர்ந்தவரான நரேந்திர குமார் சோனி, இந்த மூதாட்டி சுமார் 20 ஆண்டுகளுக்கு முன்பு தன் வீட்டின் முற்றத்தில் இந்த மரக்கன்றை நட்டார் என்று கூறினார்.  “அவர் அந்த மரத்தை தன் சொந்தக் குழந்தையாகவே கருதினார்” என்று சோனி கூறினார். மூதாட்டி தினமும் விடாமுயற்சியுடன் அதற்குத் தண்ணீர் ஊற்றிப் பாதுகாத்ததை அவர் நினைவுகூர்ந்தார் என்று டைம்ஸ் ஆஃப் இந்தியா செய்தி வெளியிட்டுள்ளது.

இந்த அரச மரம் தனிப்பட்ட ஆதாயத்திற்காக வெட்டப்பட்டதாகத் தெரிகிறது. வைரலான வீடியோவில், தேவலா பாய் தேற்ற முடியாதபடி அழுதுகொண்டிருக்க, விழுந்து கிடக்கும் மரத்தண்டைச் சுற்றி மனமுடைந்த கிராம மக்கள் திரண்டிருப்பதைக் காணலாம்.

வீடியோவைப் பாருங்கள்:

20 years ago, she had planted a Peepal tree with her own hands.

Land dealer Imran Memon from the village of Sarragondi in Chhattisgarh had the tree cut down.

The woman cried bitterly after seeing this💔 https://t.co/RPRruvvU5jpic.twitter.com/9K1cMQn6vO

— Rakesh Kishore 🇮🇳 (@RakeshKishore_l) October 10, 2025

இந்த வீடியோ விரைவில் பரவி, குற்றம் சாட்டப்பட்டவர்களுக்கு எதிராகக் கடும் எதிர்ப்பைத் தூண்டியது. “மரம் நடுபவர்களால் மட்டுமே இந்த மூதாட்டியின் வலியைப் புரிந்துகொள்ள முடியும். இவ்வளவு அழகான மரத்தை வெட்டியது எவ்வளவு கொடூரமான படுகொலை. நான் சுமார் 30 ஆண்டுகளுக்கு முன்பு என் நிலத்தில் சுமார் 30 மரங்களை நட்டேன், அவற்றில் ஒவ்வொன்றும் இப்போது 30-50 அடி உயரம் உள்ளது. அவை என் பொக்கிஷமான உடைமைகளும், பாரம்பரியமும் ஆகும், மேலும், அவை என்னைக் காட்டிலும் பல பத்தாண்டுகள் உயிர் வாழும், ஏனெனில் அவற்றில் சில 200 ஆண்டுகள் வாழக்கூடியவை” என்று ஒரு பயனர் எழுதினார்.

🚩Sanatana Dharma worships Cows like mothers(Gau Mata).

The Vedas, Upanishads, and Puranas describe the divine qualities of the cow and its importance in Hindu life. https://t.co/9m25ACGvakpic.twitter.com/KBNFTLdYOg

— Rakesh Kishore 🇮🇳 (@RakeshKishore_l) October 9, 2025

“நம்பமுடியாத அளவுக்கு மனதை நொறுக்குகிறது” என்று மற்றொரு பயனர் கருத்து தெரிவித்தார். “அவரது கண்ணீருக்கு ஏதாவது மதிப்பு இருக்கிறதா?? பணம் என்ற பளபளப்பில், எப்படியாவது சம்பாதிக்கலாம் என்ற எண்ணத்தில், நமது சமூக வாழ்க்கை முன்னுரிமைகள் இறந்துவிட்டன” என்று மூன்றாவது பயனர் கருத்து தெரிவித்தார்.

டைம்ஸ் ஆஃப் இந்தியா செய்தியின்படி, இந்த கிராமத்தைச் சேர்ந்த பிரமோத் படேல் அளித்த புகாரைத் தொடர்ந்து, உள்ளூர் போலீசார் விசாரணையைத் தொடங்கினர். இந்தச் சம்பவம் தொடர்பாக 2 பேர் கைது செய்யப்பட்டதை கைராகர்-சுய்காதன்-கண்டை (KCG) மாவட்ட காவல்துறை உறுதிப்படுத்தியது. காவல் நிலைய பொறுப்பு அதிகாரி (எஸ்.எச்.ஓ) அனில் சர்மா, மரம் அரசாங்க நிலத்தில் அமைந்திருந்தாலும், கிட்டத்தட்ட 20 ஆண்டுகளாக சமூகத்தின் ஒரு ஒருங்கிணைந்த பகுதியாக மாறிவிட்டது என்று கூறினார்.

மத உணர்வுகளைப் புண்படுத்தும் நோக்குடன் கூடிய செயல்களுக்கான பிரிவு 298, தீங்கிழைத்தலுக்கான பிரிவு 238 மற்றும் பிரிவு 3(5) உள்ளிட்ட பாரதிய நியாய சன்ஹிதாவின் (BNS) பல பிரிவுகளின் கீழ் வழக்குப் பதிவு செய்யப்பட்டுள்ளது. பொதுச் சொத்துக்களுக்கு சேதம் விளைவிப்பதைத் தடுக்கும் சட்டத்தின் பிரிவு 3-ன் கீழ் கூடுதல் குற்றச்சாட்டுகளும் சேர்க்கப்பட்டுள்ளதாக அந்த அறிக்கை தெரிவித்தது. கைது செய்யப்பட்ட 2 நபர்களும் நீதிமன்றத்தில் ஆஜர்படுத்தப்பட்டு, நீதிமன்றக் காவலுக்கு அனுப்பப்பட்டனர்.