வனத்துறையினர் வாகனத்தை தாக்க முயன்ற காட்டுயானை - வைரலாகும் வீடியோ!

கோவை மேற்குத் தொடர்ச்சி மலையடிவாரத்தில் உள்ள வெள்ளிங்கிரி ஆண்டவர் கோயில் பகுதியில் தினம் இரவு மற்றும் பகல் நேரங்களில் காட்டுயானைகள் அசால்டாக சுற்றித் திரிவது வழக்கம். அதேபோல காட்டுயானை வனப்பகுதியிலிருந்து வெளியே வருவதற்கு முன்பாகவே வனத்துறையினர் அடர்ந்த வனப்பகுதிக்குள் மீண்டும் காட்டுயானையை விரட்டும் பணியில் ஈடுபட்டு வருகின்றனர். 

இந்நிலையில், நேற்றிரவு வெள்ளிங்கிரி மலைக் கோவிலுக்குச் செல்லக்கூடிய தண்ணீர் பந்தல் என்ற இடத்தில் காட்டுயானை விவசாய தோட்டத்திற்குள் உள்ளே நுழைய முற்பட்டபோது வனத்துறையினர் காட்டு யானையை விரட்ட 2 வாகனங்களில் சென்றனர்.

வனத்துறையினர் வாகனத்தை தாக்க முயன்ற காட்டு யானை – வீடியோ வைரல்!#coimbatore #elephant pic.twitter.com/HKeR64yb2K

— Indian Express Tamil (@IeTamil) July 5, 2025

அப்போது, வனப் பகுதிக்குள் சென்ற காட்டுயானை மீண்டும் வனத்துறையினரின் வாகனத்தை பார்த்து ஆக்ரோசமாக வந்து மிரட்டி முட்டி தள்ளமுயன்றது. இது தொடர்பான வீடியோ காட்சிகள் தற்போது வெளியாகி அதிர்ச்சி ஏற்படுத்தி உள்ளது.  இந்த சம்பவம் வனப்பகுதிகளில் சுழலும் காட்டு யானைகள் ஏற்படுத்தும் அபாயத்தையும், வனத்துறையினரின் சவாலான பணியையும் வெளிக்கொண்டு வந்துள்ளது.