Social Media Viral | Viral News: தமிழில் முன்னணி நடிகரான வலம் வருபவர் மன்சூர் அலிகான். நடிகர், வில்லன் என பல்வேறு குணச்சித்திர வேடங்களில் நடத்து வரும் அவர் "சரக்கு" என்ற படத்தில் ஹீரோவாக நடித்திருக்கிறார். இப்படத்தை ஜெயக்குமார் ஜே இயக்கியிருக்கிறார். ஹீரோயினாக வலினா பிரின்ஸ் நடித்துள்ளார். பிரபல அரசியல் தலைவரான நாஞ்சில் சம்பத்தும் இப்படத்தில் நடித்துள்ளார்.
இந்நிலையில், சரக்கு படத்தின் இசை வெளியீட்டு விழா நேற்று சென்னையில் நடந்தது. இதில் மன்சூர் அலிகான் உட்பட படக் குழுவினர் கலந்துகொண்டனர். பாக்யராஜ் சிறப்பு விருந்தினராக கலந்துகொண்டார்.
இந்த விழாவில் கலந்துகொண்ட நடிகர் கூல் சுரேஷுக்கு மாலை அணிவித்து சிறப்பிக்கப்பட்டது. மேடையில் பேச வந்த அவர், அருகில் இருந்த தொகுப்பாளினிக்கு திடீரென்று மாலையை போட்டார். இதனை சற்றும் எதிர்பாராத அந்த தொகுப்பாளினி கடுமையாக கோபமடைந்தார். தொடர்ந்து பேசிய கூல் சுரேஷ், எல்லோருக்கும் மாலை போடுகிறோமே நம்மை வித்தியாசமான வார்த்தைகளால் வரவேற்கும் ஒருவருக்கு போடுகிறோமா என்று கூறினார்.
இந்நிலையிம், கூல் சுரேஷின் இந்த செயலுக்கு சினிமா பிரபலங்கள் உள்ளிட்ட பலரும் கடுமையான கண்டனத்தை பதிவிட்டு வருகிறார்கள். தனது செயலுக்காக கூல் சுரேஷ் மற்றும் நடிகர் மன்சூர் அலிகான் சம்பவம் நடந்த இடத்திலே மன்னிப்பு கேட்டிருந்தாலும், பலரும் கடுமையாக விமர்சித்து வருகின்றனர். இந்த நிலையில், கூல் சுரேஷ் தொகுப்பாளினிக்கு மாலை போட்டதை கடுமையாக கண்டித்துள்ள நெட்டிசன்கள் அவரை வறுத்தெடுத்து வருகிறார்கள்.
கூல் சுரேஷ் இதுபோன்ற கோமாளித்தனத்தை பல பட விழாக்களில் செய்துள்ளார் என்றும், அவரை ஏன் எல்லா பட விழாக்களுக்கும் அழைக்கிறார்கள் என்றும் கேள்வி எழுப்பியுள்ளனர். மூளை இல்லாதவர் போல அவர் செயல்படுகிறார் என்றும், அவரது பெயரை ஃபுல் சுரேஷ் என மாற்றிக்கொள்ள வேண்டும் என்றும் கமெண்ட் செய்துள்ளனர்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/o0ira9FpD89KrukPE3ZY.jpg)