விளையாட்டில் 200 ஆண்டு கால வரலாற்றை எடுத்துக்கொண்டால், இந்தியாவில் மட்டுமல்ல, ஆஸ்திரேலியாவிலும் கிரிக்கெட் மிகவும் விரும்பப்படும் விளையாட்டுகளில் ஒன்று. 'கங்காருக்கள்' என்று அன்புடன் அழைக்கப்படும் ஆஸ்திரேலிய தேசிய கிரிக்கெட் அணி, பல ஐ.சி.சி கிரிக்கெட் உலகக் கோப்பைகள் மற்றும் சர்வதேசப் போட்டிகளுக்குப் பெருமை சேர்த்துள்ளது. இருப்பினும், சமீபத்திய வோக்ஸ்-பாப் வீடியோ, இணையத்தில் பரவி வருகிறது, ஆஸ்திரேலிய கிரிக்கெட் வீரர்கள் பாட் கம்மின்ஸ் மற்றும் டிராவிஸ் ஹெட் ஆகியோரை மக்கள் அடையாளம் காணத் தவறியதைக் காட்டுகிறது.
ஆங்கிலத்தில் படிக்க: ‘Cricket is dying in Australia’: Video of people failing to recognise Pat Cummins, Travis Head goes viral
இந்த வைரல் வீடியோவானது வாக்ஸ் பாப் நடத்தும் ஒரு நபருடன் தொடங்குகிறது. அவர் கேட்கிறார், “நீங்கள் பாட் கம்மின்ஸ் மற்றும் டிராவிஸ் ஹெட் பற்றி கேள்விப்பட்டிருக்கிறீர்களா?” அவர் நட்சத்திர கிரிக்கெட் வீரர்களைப் பற்றி பலரிடம் சென்று கேட்கிறார். ஆனால், அவர்கள் பதிலளிக்கத் தவறிவிட்டனர். வீடியோவின் முடிவில், இந்திய வம்சாவளியைச் சேர்ந்த ஒருவர், தான் விராட் கோலியைப் பற்றி கேள்விப்பட்டதாகவும், பேட் கம்மின்ஸ் பற்றி கேள்விப்படவில்லை என்றும் கூறுகிறார்.
இந்த வீடியோவைப் பகிர்ந்துள்ள ஒரு எக்ஸ் பயன (@rathor7_) எழுதியுள்ளார், “ஐ.சி.சி-க்கு என்னே ஒரு அவமானம், ஆஸ்திரேலியாவில் கிரிக்கெட் செத்துக் கொண்டிருக்கிறது.” என்று பதிவிட்டுள்ளார்.
வைரல் வீடியோவை இங்கே பாருங்கள்:
ஆகஸ்ட் 10-ம் தேதி பகிரப்பட்ட இந்த வைரல் வீடியோவை 4,80,000 பார்வைகளைப் பெற்றது. ஏனெனில், பல கிரிக்கெட் ஆர்வலர்கள் கருத்துப் பிரிவில் குவிந்தனர். இதற்கு பதிலளித்த ஒரு பயனர், “இந்தியா, பாகிஸ்தான், வங்கதேசம் மற்றும் ஆப்கானிஸ்தானில் கிரிக்கெட் விரும்பப்படுகிறது” என்று எழுதினார். மற்றொரு பயனர், “இந்தியாவுக்கு வெளியே கிரிக்கெட் பற்றி யாரும் கண்டுகொள்வதில்லை” என்று கருத்து தெரிவித்துள்ளார்.
“கிரிக்கெட் இந்திய துணைக்கண்டத்தில் மட்டுமே விரும்பப்படுகிறது. 10 நாடுகளால் ஆடப்படும் விளையாட்டை நாம் விளையாட விரும்புகிறோம். ஆம், பல ஆண்டுகளாக வலியுறுத்திய பிறகு இப்போது மேலும் 10 நாடுகளைச் சேர்க்க முடிந்தது. அதனால், நாம் உலகக் கோப்பையை ஏற்பாடு செய்து நம்மை நாமே சரிபார்த்துக் கொள்ளலாம். நேர்மையாக இருக்க கிரிக்கெட் ஒரு நடுவாந்திர விளையாட்டு மட்டுமே” என்று மூன்றாவது பயனர் கூறினார்.
ஆஸ்திரேலிய கிரிக்கெட் அணியின் முக்கிய வீரர்களில் ஒருவர் பேட் கம்மின்ஸ். அவர் டெஸ்ட் மற்றும் ஒருநாள் போட்டிகள் மற்றும் இந்தியன் பிரீமியர் லீக்கில் (ஐ.பி.எல்) சன்ரைசர்ஸ் ஹைதராபாத் ஆகிய இரண்டிற்கும் கேப்டனாக உள்ளார். 2018-19-ம் ஆண்டின் சிறந்த ஆஸ்திரேலிய கிரிக்கெட் வீரருக்கான ஆலன் பார்டர் பதக்கத்துடன் கம்மின்ஸ் கௌரவிக்கப்பட்டார். மேலும், 2019-ம் ஆண்டுக்கான ஐ.சி.சி ஆண்களுக்கான சிறந்த டெஸ்ட் கிரிக்கெட் வீரருக்காகவும் பரிந்துரைக்கப்பட்டார்.
மறுபுறம், டிராவிஸ் ஹெட் 2023 ஐ.சி.சி உலக டெஸ்ட் சாம்பியன்ஷிப் இறுதி மற்றும் 2023 ஐ.சி.சி கிரிக்கெட் உலகக் கோப்பை இறுதிப் போட்டியை வென்ற ஆஸ்திரேலிய அணியின் முக்கிய உறுப்பினராக இருந்தார். மேலும், அந்த இரண்டு இறுதிப் போட்டிகளிலும் ஆட்டநாயகன் விருதையும் வென்றார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/AQhgjg2iCl5GwlsGGsaM.jpg)