உண்மையான ஃபேன் நீதான் யா... தோனியை ட்ரோல் செய்தவர்களை வெளுத்து வாங்கிய ரசிகர்; தூக்கி வைத்து கொண்டாடும் நெட்டிசன்கள்!

முதல் போட்டிக்கு இருந்த டிக்கெட் தேவை, தற்போது குறைந்துள்ளது. இதனால், சி.எஸ்.கே. ரசிகர்கள் பலரும் நேரில் சென்று போட்டிகளை கண்டுரசித்து வருகின்றனர். ஐதராபாத் அணிக்கு எதிராக சி.எஸ்.கே அணி தோல்வியடைந்த பின் ரசிகர் ஒருவர் அளித்த பேட்டி சமூக வலைதளத்தில் ட்ரெண்டாகி வருகிறது. அந்த ரசிகர் பேசுகையில், 2010-இல் தென்னாப்பிரிக்காவுக்கு சாம்பியன்ஸ் லீக் விளையாடுவதற்காக சி.எஸ்.கே அணியை அழைத்து சென்றான் என் தலைவன்.. என்ன பிட்ச், என்ன நிலை எதுவும் தெரியாது. 

அப்போது இந்தியாவில் இருந்து சென்ற மும்பை, ஆர்.சி.பி அணிகளும் திணறினார்கள்.. முதல் போட்டி நியூசிலாந்து அணி சென்ட்ரல் டிஸ்ட்ரிட் அணிக்கு எதிராக ஆடினோம்.. மொத்த நியூசிலாந்து அணியுடன் அதில் இருந்தார்கள். அந்த போட்டியில் வென்றுவிட்டு, அடுத்ததாக ஜெயவர்தனேவின் வயாபா அணியை எதிர்கொண்டோம். மொத்த இலங்கை அணியும் இருந்தார்கள். அதிலும் வென்றோம்.

சாம்பியன்ஸ் லீக் பற்றி சில தற்குறிகளுக்கு தெரியாது. அதன்பின் ஆஸ்திரேலியாவின் விக்டோரியா அணிக்கு எதிராக சி.எஸ்.கே ஆடியது. ஆரோன் ஃபின்ச் தலைமையில் மொத்த ஆஸ்திரேலியா அணியும் ஆடினார்கள். அந்த போட்டியை டிரா செய்த போதும், சூப்பர் ஓவரில் தோல்வி அடைந்தோம். அதன்பின் தென்னாப்பிரிக்காவின் வாரியர்ஸ் அணியை சொந்த மண்ணிலேயே வென்றோம். ஆனால் மீண்டும் சாம்பியன்ஸ் லீக் இறுதிப்போட்டியில் வாரியர்ஸ் அணி வந்து நின்றது. அப்போது முதல் பேட்டிங் ஆடிய சி.எஸ்.கே அணி வெறும் 132 ரன்கள் மட்டுமே எடுத்தது. ஆனாலும், வாரியர்ஸ் அணியை மண்ணை கவ்வ வைத்தான் என் தலைவன் தோனி. தென்னாப்பிரிக்கா சென்று கோப்பையை தூக்கிவந்தாரு.அன்றிலிருந்து தென்னாப்பிரிக்கா, ஆஸ்திரேலியா கூட தோனியால் மிரண்டுபோனார்கள்.