Advertisment

விளைநிலத்தில் வைரம்... அங்குலம் அங்குலமாக தோண்டி தேடுதல் வேட்டை!

ஆந்திராவில் நிலத்தை அங்குலம் அங்குலமாக தோண்டி வைர வேட்டையில் பொதுமக்கள் ஈடுபட்டு வருவது தொடர்பான புகைப்படங்கள் தற்போது சமூக வலைதளத்தில் வைரலாகி வருகிறது.

author-image
WebDesk
New Update
Diamond hunt in Andhra Pradesh Kurnool dist Guntakal Pathikonda areas agricultural fields viral News in tamil

ஆந்திராவில் விளைநிலத்தை அங்குலம் அங்குலமாக தோண்டி வைர வேட்டை - வைரல் புகைப்படம்.

Listen to this article
0.75x 1x 1.5x
00:00 / 00:00

Viral News | Andhra Pradesh | ஆந்திர மாநிலம் கர்னூல் மாவட்டம் குண்டக்கல் பதிகொண்டா பகுதியில் உள்ள விளைநிலங்கள், காடுகள் ஆகியவற்றில் மழைக் காலங்களில் வைர கற்கள் கிடைப்பதாக கூறப்படுகிறது. இதனால், ஒவ்வொரு ஆண்டும் மழைக் காலங்களில் அந்தப் பகுதியை சேர்ந்த மக்கள் மட்டுமல்லாது கர்நாடகா, தெலங்கானா,  மகாராஷ்டிரா ஆகிய மாநிலங்களில் இருந்தும் ஏராளமான பொதுமக்கள் அந்த பகுதிக்கு வந்து வைரக்கற்களை தேடுவதை வழக்கமாக கொண்டுள்ளனர். 

Advertisment

இந்நிலையில், பெருவழி கிராமத்தை சேர்ந்த விவசாயி ஒருவர் தன்னுடைய நிலத்தை உழுது கொண்டிருந்த போது அவருக்கு விலை மதிப்பு வாய்ந்த வைரம் கிடைத்ததாகவும், அந்த வைரத்தை அதே பகுதியை சேர்ந்த வியாபாரி ஒருவர் 5 லட்ச ரூபாய் பணம் மற்றும் 3 சவரன் தங்க நகைகள் ஆகியவற்றை கொடுத்து குறைந்த விலைக்கு வாங்கியதாகவும் கூறப்படுகிறது.

இந்த நிலையில், தற்போது பெருவழி கிராம பகுதியில் வைர கற்கள் எளிதாக கிடைப்பதாக கருதி, அந்தப் பகுதியை சேர்ந்த பொதுமக்கள் மழைக்காலம் துவங்குவதற்கு முன்னதாகவே வைர வேட்டையில் ஈடுபட்டுள்ளனர். இதற்காக கட்டடம் கட்டும் தொழிலாளர்கள் சிமெண்ட் பூசுவதற்காக பயன்படுத்தும் உபகரணத்தை பயன்படுத்தி நிலத்தை அங்குலம் அங்குலமாக தோண்டி வைர வேட்டையில் அந்தப் பகுதியை சேர்ந்த பொதுமக்கள் ஈடுபட்டுள்ளனர். இது தொடர்பான புகைப்படங்கள் தற்போது சமூக வலைதளத்தில் வைரலாகி வருகிறது. 

இதற்கிடையில், பட்டிகொண்டா சுற்றுவட்டாரத்தில் வசிக்கும் 3 வியாபாரிகள் தங்களுக்குள் கூட்டணி அமைத்து ஒவ்வொரு ஆண்டும் கிடைக்கும் வைரக்கற்களை குறைந்த விலைக்கு வாங்குவதாகவும் குற்றச்சாட்டுகள் உள்ளன.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil

Andhra Pradesh Viral News
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment