5 ஆண்டுகளில் அறுவை சிகிச்சை நிபுணர்களை ரோபோக்கள் மிஞ்சும்; எலான் மஸ்க் கணிப்புக்கு டாக்டர்கள் ரியாக்ஷன்ஸ் என்ன பாருங்க!

டெஸ்லா மற்றும் ஸ்பேஸ்எக்ஸின் தலைமை நிர்வாக அதிகாரி எலான் மஸ்க், ரோபோக்கள் ஐந்து ஆண்டுகளில் உலகின் சிறந்த அறுவை சிகிச்சை நிபுணர்களை விட சிறப்பாக செயல்படும் என்ற மருத்துவத்தின் எதிர்காலம் குறித்த ஒரு தைரியமான கணிப்பு மூலம் புதிய விவாதத்தைத் தூண்டியுள்ளார்: 

ஆங்கிலத்தில் படிக்க:

எக்ஸ் தளத்தில் செல்வாக்கு செலுத்துபவர் மரியோ நவ்ஃபால் வெளியிட்ட பதிவுக்கு பதிலளிக்கும் வகையில் இந்த கருத்து வந்தது. அறுவை சிகிச்சையில் மேம்பட்ட ரோபோட்டிக்ஸின் திறன்களை மஸ்க் எடுத்துரைத்தார். மூளை-கணினி இடைமுக மின்முனைகளை மிகத் துல்லியமாக உள்வைக்கப் பயன்படுத்தப்படும் நியூரோலிங்கின் அறுவை சிகிச்சை ரோபோவைக் குறிப்பிட்டு மஸ்க், "ரோபோக்கள் சில ஆண்டுகளில் நல்ல மனித அறுவை சிகிச்சை நிபுணர்களை விஞ்சும், மேலும், சிறந்த மனித அறுவை சிகிச்சை நிபுணர்களை 5 ஆண்டுகளில் மிஞ்சும். மூளை-கணினி மின்முனை செருகலுக்கு @நியூரோலிங்க் ஒரு ரோபோவைப் பயன்படுத்த வேண்டியிருந்தது. ஏனெனில், தேவையான வேகம் மற்றும் துல்லியத்தை மனிதனால் அடைய முடியவில்லை” என்று எழுதினார்.

புரோஸ்டேட், சிறுநீரகம் மற்றும் சிறுநீர்ப்பை அறுவை சிகிச்சைகள் உட்பட 137 நிஜ உலக நடைமுறைகளில் சோதனை செய்யப்பட்ட மெட்ரானிக் நிறுவனத்தின் ஹ்யூகோ ரோபோடிக் அமைப்பை முன்னிலைப்படுத்தும் அறிக்கையை நவ்ஃபால் பகிர்ந்துள்ளார். இதன் முடிவுகள் வியக்க வைக்கின்றன:  “சிக்கல் விகிதங்கள் குறிப்பிடத்தக்க வகையில் குறைவாக இருந்தன... ஹ்யூகோ 85% இலக்கை விட அதிகமாக 98.5% வெற்றி விகிதத்தை எட்டியது” என்று அறிக்கை குறிப்பிட்டது.   

எலான் மஸ்க் கருத்தைப் பாருங்கள்:

Robots will surpass good human surgeons within a few years and the best human surgeons within ~5 years. @Neuralink had to use a robot for the brain-computer electrode insertion, as it was impossible for a human to achieve the required speed and precision. https://t.co/ipPhQK8z1j

— Elon Musk (@elonmusk) April 27, 2025

ரோபோக்கள் இன்னும் அறுவை சிகிச்சை நிபுணர்களால் வழிநடத்தப்படும் கருவிகளே தவிர மாற்றுகள் அல்ல என்று ஆய்வு ஒப்புக்கொண்டாலும், அறுவை சிகிச்சை அறைகளில் ரோபோட்டிக்ஸின் வளர்ந்து வரும் பங்கை அது பரிந்துரைத்தது. இருப்பினும், எலான் மஸ்க்கின் நம்பிக்கையான கணிப்பு கலவையான எதிர்வினைகளைப் பெற்றுள்ளது.

ஒரு பயனர் எலான் மஸ்க்கின் கருத்தைக்கேள்வி எழுப்பினார், வேலைகளை அகற்றக்கூடிய ஆட்டோமேஷன் மயமாக்கலை அதே நேரத்தில் மக்கள் தொகை வளர்ச்சிக்கு அவர் எவ்வாறு பரிந்து பேச முடியும் என்று கேள்வி எழுப்பினார். ரோபோ- உதவி நடைமுறைகளில் விரிவான அனுபவமுள்ள மூத்த அறுவை சிகிச்சை நிபுணர் டாக்டர் சங்கர் ஆடுசுமில்லியும் இந்த உரையாடலில் கலந்து கொண்டு இந்த கருத்து "தவறாக வழிநடத்துகிறது" என்று கூறினார். "ரோபோக்கள் உண்மையில் அறுவை சிகிச்சை செய்வதில்லை, அறுவை சிகிச்சை நிபுணர் ரோபோவை ஒரு அதிநவீன கருவியாகப் பயன்படுத்தி கன்சோல் மூலம் செய்கிறார்" என்று அவர் விளக்கினார்.

“அறுவை சிகிச்சை நிபுணர் ஒவ்வொரு நகர்வையும் செய்கிறார், ரோபோ அந்த நகர்வை விரிவுபடுத்தி செம்மைப்படுத்துகிறது. அவை சிறந்த கருவிகள். ஆனால், அறுவை சிகிச்சை நிபுணர்கள் அல்ல!! சிக்கலான ஜிஐ நோய்களுக்கு நான் 2400-க்கும் மேற்பட்ட ரோபோ- உதவி அறுவை சிகிச்சைகளை செய்துள்ளேன். ஒவ்வொரு நோயாளியும் வித்தியாசமாக இருப்பதால், சிக்கலான முடிவுகளை எடுக்க நான் ரோபோவை அனுமதிக்க முடியாது” என்று அவர் மேலும் கூறினார்.

“அதிக அளவில் உற்பத்தி செய்யப்படும், உயர்தர ரோபோடிக் அறுவை சிகிச்சை நிபுணர்கள் சுகாதாரப் பாதுகாப்பு மற்றும் தொழிலாளர் வரம்புகளின் செலவைக் குறைப்பதன் மூலம் எத்தனை உயிர்களைக் காப்பாற்ற முடியும் என்று யோசித்துப் பாருங்கள்” என்று மற்றொரு பயனர் பதிலளித்தார்.

நியூரோலிங்க் என்பது எலான் மஸ்க்கின் மூளை-இம்பிளான்ட் ஸ்டார்ட்அப் ஆகும், இது 2023-ல் $5 பில்லியன் அமெரிக்க டாலராக மதிப்பிடப்பட்டது, மேலும் தற்போது முதுகு தண்டு காயங்களால் பாதிக்கப்பட்ட நபர்களுக்கு உதவும் நோக்கில் மனித சோதனைகளை நடத்தி வருகிறது. நியூஸ்பைட்ஸில் உள்ள அறிக்கையின்படி, மஸ்க் ஒரு எதிர்காலத்தை கருதுகிறார், அங்கு நியூரோலிங்கின் மூளை சிப் ஊனமுற்றோர் மற்றும் ஆரோக்கியமான நபர்கள் இருவருக்கும் பயனளிக்கும், உள்ளூர் கிளினிக்குகளில் விரைவான, குறைந்தபட்ச ஊடுருவும் நடைமுறைகளை வழங்கும்.