பாகிஸ்தானின் கைபர் பக்துன்க்வா மாகாணத்தில் உள்ள ஸ்வாட் ஆற்றில் ஏற்பட்ட திடீர் வெள்ளப்பெருக்கில் ஒரே குடும்பத்தைச் சேர்ந்த 18 பேர் அடித்துச் செல்லப்பட்டனர். இவர்களில் 9 பேரின் உடல்கள் சடலமாக மீட்கப்பட்டுள்ள நிலையில், மற்றவர்களைத் தேடும் பணி தீவிரமாக நடைபெற்று வருகிறது. இந்த சம்பவத்தின் திகிலூட்டும் வீடியோ சமூக ஊடகங்களில் வைரலாகி வருகிறது.
ராய்ட்டர்ஸ் செய்தி நிறுவனத்தின் தகவலின்படி, கைபர் பக்துன்க்வா மாகாணத்திற்கு சுற்றுலா வந்திருந்த இந்தக் குடும்பத்தினர் (18 பேர்), ஸ்வாட் ஆற்றில் ஏற்பட்ட வெள்ளத்தில் சிக்கிக் கொண்டனர். கனமழை காரணமாக ஆற்றில் வெள்ளம் பெருக்கெடுத்து ஓடியதால், அவர்கள் வெள்ளத்தில் இழுத்துச் செல்லப்பட்டனர். திடீரென வெள்ள நீர் சூழ்ந்து குழந்தைகளை அடித்துச் சென்றது. நீரோட்டம் மிகவும் வலுவாக இருந்தது, தடுப்பணை உடைக்கப்பட்டது போல் ஏற்பட்டது என்று தனது பெயரை வெளியிடாத குடும்பத்தின் உறவினர் ஒருவர் ராய்ட்டர்ஸ் நிறுவனத்தினடம் கூறினார்.
மீட்புப் படையினர் தற்போது ஆற்றின் 5 வெவ்வேறு பகுதிகளில் தேடுதல் பணிகளை மேற்கொண்டு வருகின்றனர். 9 சடலங்கள் மீட்கப்பட்ட போதிலும், வெள்ளத்தில் அடித்துச் செல்லப்பட்ட 18 பேரில் யாரும் உயிர் பிழைத்திருக்க வாய்ப்பில்லை என அஞ்சப்படுகிறது. ஸ்வாட் ஆறு, கைபர் பக்துன்க்வா மாகாணத்தில் வற்றாத ஆறுகளில் ஒன்றாகும். இது அதன் இயற்கை அழகுக்காக அறியப்பட்டாலும், கனமழை காலங்களில் ஆபத்தான திடீர் வெள்ளப்பெருக்குகளுக்கு ஆளாகக்கூடியது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/06/28/pakistan-flood-2025-06-28-18-47-37.jpg)