இ-ரிக்சா ஓட்டுநர் டூ மாடல்... அசரடிக்கும் மேக்ஓவர் வீடியோ வைரல்!

சாதாரண ரிக்‌ஷா ஓட்டுநருக்கு இன்ஃப்ளூயன்சர் ஒருவர் கொடுத்த அசத்தலான மேக்ஓவர் வீடியோ, இணையத்தில் பெரும் வரவேற்பைப் பெற்று வைரலாகி வருகிறது. அவரது எளிமையான தோற்றத்தில் இருந்து ஸ்டைலான மற்றும் கம்பீரமான தோற்றத்திற்கு மாறியதைப் பார்த்த பலரும், அந்த ஓட்டுநரை சர்வதேச மாடலுடன் ஒப்பிட்டுப் புகழ்ந்து வருகின்றனர்.

இன்ஸ்டாகிராமில் பகிரப்பட்ட இந்த வீடியோ, கடின உழைப்பாளி ஈ-ரிக்‌ஷா ஓட்டுநரின் "before" மற்றும் "after" தோற்றங்களை மிகத் தெளிவாகக் காட்டுகிறது. வழக்கமான தோற்றத்தில் இருந்து, டிரெண்டியான ஹேர்ஸ்டைல், நேர்த்தியாக ட்ரிம் செய்யப்பட்ட தாடி, புதிய ஆடைகள் என அவர் மாறி நிற்கும் காட்சி பார்ப்பவர்களை ஆச்சரியப்படுத்துகிறது. இந்த மாற்றம் அவருக்கு தன்னம்பிக்கை மற்றும் தனித்துவமான கவர்ச்சியையும் கொடுத்துள்ளது.

View this post on Instagram

A post shared by Karron S Dhinggra (@theformaledit)

மேக்ஓவர் வீடியோவின் தொடக்கத்தில், ஓட்டுநருக்கு முதலில் முறையான, ஷார்ப்பான ஆர்மி சைடு பார்ட் ஹேர்கட் செய்யப்படுகிறது. அதன் பிறகு, நீளமாக வளர்ந்திருந்த அவரது தாடியை, டைமண்ட் கட் ஸ்டைலில் நேர்த்தியாக ட்ரிம் செய்கிறார். அடுத்ததாக, முகத்தில் உள்ள கருமை நீக்க, கஸ்தூரி மெத்தி (Kasuri methi), தயிர் கலவை பயன்படுத்தி ஃபேஷியல் செய்யப்படுகிறது. அதன் பிறகு, தலைமுடிக்கு கூடுதல் வலுவையும், பொலிவையும் அளிக்க, பிருங்கராஜ் (Bhringraj) மற்றும் வைட்டமின் ஈ கேப்சூல்களைப் பயன்படுத்தி பராமரிக்கிறார்.

முடி மற்றும் முகத்திற்கான பராமரிப்பு முடிந்ததும், அவரது உடைகளுக்கு கவனம் செலுத்தப்படுகிறது. அவரது நிறம், உடலுக்கு ஏற்றவாறு, சுருக்கங்கள் கொண்ட பழுப்பு நிற சட்டை ஒன்றைத் தேர்ந்தெடுத்து, அதனுடன் வெள்ளை நிற பேன்ட் அணிவிக்கிறார். இறுதியாக, பிரவுன் நிற வாட்ச் மற்றும் லோஃபர்கள் (Loafers) அணிந்து, அவரது முழு தோற்றமும் நிறைவுபெறுகிறது. இந்த அசரடிக்கும் மாற்றம் அனைவரையும் பிரமிக்க வைக்கிறது.

இந்த வீடியோ சமூக வலைதளங்களில் வெளியான ஒரே நாளில், 13.3 மில்லியனுக்கும் அதிகமான பார்வைகளையும், 8 லட்சத்திற்கும் அதிகமான லைக்குகளையும் பெற்றுள்ளது. பெரும்பாலான பயனர்கள், ஒருவரின் தோற்றத்தை உயர்த்துவதற்காக தனது திறமைகளைப் பயன்படுத்திய இன்ஃப்ளூயன்சரை வெகுவாகப் பாராட்டினர். இன்னும் சிலர், அந்த ஈ-ரிக்‌ஷா ஓட்டுநர் ஒரு சர்வதேச மாடல் போல இருப்பதாகப் புகழ்ந்து, அவரைப் பற்றிய பாராட்டுக்களை கமெண்டுகளில் பதிவிட்டு வருகின்றனர். ஒரு பயனர், "அதிரடி மாற்றம்!" என்று பிரமிப்புடன் கமெண்ட் செய்தார். மற்றொருவர், "அவர் ஒரு மாடலாகப் பிறந்துள்ளார், அருமையான வேலை!" என்று பதிவிட்டார். "அவர் ஒரு ரிக்‌ஷா ஓட்டுநரிலிருந்து ஹாலிவுட் நடிகர் போல மாறிவிட்டார்," என ஒருவர் வியப்புடன் குறிப்பிட்டார். "நிஜமாகவே அவர் ஒரு சர்வதேச மாடல் போல தெரிகிறார்," என இன்னொருவர் கூறினார். "நம்பவே முடியாத ஒரு மாற்றம்!" என்று மற்றொரு கமெண்ட் இருந்தது. இந்த ஈ-ரிக்‌ஷா ஓட்டுநரின் மாற்றம் இணைய சமூகத்திற்கு மிகவும் பிடித்திருந்தது. பல பயனர்கள் தாங்களும் இதுபோன்ற மேக்ஓவரை செய்ய விரும்புவதாகவும் தெரிவித்தனர்.