ஒரு லட்சத்திற்கு ஏலம் போன விநாயகர் லட்டு

புதுச்சேரி யூனியன் பிரதேசம், ஏனாம் கோதாவரியில் நடைபெற்ற லட்சுமி கணபதி தெப்போத்ஸவம் நிகழ்வைத் தொடர்ந்து பூஜையில் வைக்கப்பட்ட விநாயகர் லட்டு ரூ.1 லட்சத்துக்கு ஏலம் போனது.

புதுச்சேரி யூனியன் பிரதேசம்ஏனாம் கோதாவரியில் வெள்ளிக்கிழமை இரவு லட்சுமி கணபதி தெப்போத்ஸவம் நடைபெற்றது. 

வெள்ளிக்கிழமை கோயில் வளாகத்தில் லட்சுமி கணபதிக்கு காணிக்கையாக வழங்கப்பட்ட 54 கிலோ எடையுள்ள கணேஷ் லட்டு ஏலத்தில் விடப்பட்டது. ஒரு வியாபாரி அதை ரூ.1.11 லட்சத்திற்கு ஏலத்தில் வாங்கினார். இந்த பணம் கோவிலுக்கு வரும் பக்தர்களுக்கு அன்னதானம் வழங்குவதற்காக பயன்படுத்தப்படுகிறது. 

மேலும், அக்னி குல க்ஷத்திரிய சம்க்ஷேம சேவா சங்கம் நிகழ்ச்சியை நடத்தியது. முன்னாள்  அமைச்சர் மல்லாடி கிருஷ்ணராவ் மனைவி உதயலட்சுமி, மண்டல நிர்வாகி அங்கித்குமார், டிடிஆர் ஜோதி வெங்கடேஸ்வரராவ், என்ஆர் காங்கிரஸ் தலைவர் எம்.சாமுவேல் உள்ளிட்டோர் பங்கேற்றனர்.

செய்தி: பாபு ராஜேந்திரன் - புதுச்சேரி