அகமதாபாத் நரேந்திர மோடி திடலில் ஐபிஎல் தொடர் 18-வது சீசனின் நேற்றிரவு நடைபெற்ற இறுதிப் போட்டியில் பஞ்சாப் கிங்ஸ் அணியை 6 ரன்கள் வித்தியாசத்தில் வீழ்த்தி பெங்களூரு அணி வெற்றி பெற்றது.18 ஆண்டுகளுக்குப் பின்னர், முதல்முறையாக பெங்களூரு அணி கோப்பை வென்றுள்ளதால், ஆர்.சி.பியின் கோடிக்கணக்கான ரசிகர்கள் மகிழ்ச்சியில் திளைத்து வருகின்றனர்.
ஐ.பி.எல். தொடங்கியது முதல் பெங்களூரு அணிக்காக விளையாடி வரும் விராட் கோலி ஆட்டத்தின் இறுதி ஓவரை ஹேசில்வுட் வீசியபோது ஆர்.சி.பி. வெற்றி பெறுவது உறுதியானதும் ஆனந்த கண்ணீர் விட்டு அழுதார். இதுதொடர்பான வீடியோக்கள், புகைப்படங்கள் இணையத்தில் வைரலாகி வருகிறது.
/indian-express-tamil/media/post_attachments/2025/06/RCB-Virat-Kohli-crying-293794.jpg?w=640)
வெற்றி கொண்டாத்தில் இருக்கும் ஆர்.சி.பி. அணி ரசிகர்கள், நம்ம ஜெயிச்சுட்டோம் மாறா என்று முழங்கி வருகின்றனர். அதோடு இல்லாமல், சி.எஸ்.கே., மும்பை அணி ரசிகர்களையும் வம்புக்கு இழுக்கின்றனர். ஐ.பி.எல்.லில் 5 முறை கப் அடிச்ச சி.எஸ்.கே. அணி ரசிகர்கள் பழைய சம்பவங்களையெல்லாம் நினைவுபடுத்தி பதிலடி கொடுத்து வருகின்றனர். இதனை பற்றி ஒரு மீம்ஸ் தொகுப்பை இந்தப் பதிவில் காணலாம்.
மணி ரத்னத்தின் தக் லைஃப் படத்தில் நடிகர் சிம்பு, “இனிமே இங்க நான்தான் ரங்கராய சக்திவேல்” என்பார். அந்த வசனத்தை ஆர்.சி.பி. டீம் சொல்வது போல இனிமேல் இங்க நாங்கதான் IPL யை ஆளும் பரம்பரை என்று ஆர்.சி.பி. ரசிகர்கள் மீம்ஸ்களைக் கொளுத்தி போட்டுள்ளனர்.
/indian-express-tamil/media/media_files/2025/06/04/qBOIN4xXK068AAGgwFTi.jpg)
”எங்களிடம் வராதீர்கள் தோழர்களே” என்று ஆர்.சி.பி.யை பார்த்து 5 முறை ஐ.பி.எல். கப் அடிச்ச சி.எஸ்.கே. அணி கூறுவதுபோல மிரட்டல் மீம்ஸ் வீடியோ ஒன்று எக்ஸ் தளத்தில் பகிரப்பட்டுள்ளது
மாரி படத்தில் நடிகர் தனுஷ், புறா ரேஸ் பறக்கவிடுவது தொடர்பாக மைம் கோபியிடம் விட்டுக்கொடுப்பார். அதனை, சி.எஸ்.கே அணி ஆர்.சி.பி. அணிக்கு விட்டு கொடுப்பது போல சி.எஸ்.கே. ரசிகர்கள் வீடியோ மீம் போட்டுள்ளனர்.
ஐ.பி.எல். போட்டிகள் முடிஞ்சிருச்சு, இனி வாழ்க்கையை பார்க்க போலாம் என்று நினைக்கும்போது, என்ன அவசரம்? என்று வசூல் ராஜா எம்.பி.பி.எஸ். படத்தில் கமல் கேட்பதுபோல், நம் மைண்ட் நம்மிடம் WTC பைனல்ஸ் வர போது, இந்தியா VS இங்கிலாந்து போட்டிகள் நடக்கபோது, தக் லைஃப் வரப் போகுது, ஆக்ஸ்ட்-ல தமிழ் சினிமாவின் முதல் ரூ.1,000 கோடி படமான கூலி வரப்போகுது என்று சொல்வதுபோல் மீம் பகிரப்பட்டுள்ளது.
வேலாயுதம் படத்தில் திருடனாக வரும் சந்தானம், பல போராட்டங்களுக்குப் பிறகு ஒருவழியாக கூரையை பிரித்து பணத்தை திருடுவிடுவார். அதேபோல், 18 வருடத்திற்குப் பிறகு ஆர்.சி.பி. அணி கஷ்டப்பட்டு கப் ஜெயிச்சதற்கு இதனை ஒப்பிட்டு மீம் போட்டுள்ளனர்.
மேலும் பல பதிலடி மீம்ஸ்களை ஆர்.சி.பி. ரசிகர்கள் இணையதளத்தில் பகிரவிட்டு கெத்து காட்டி வருகின்றனர். ஐ.பி.எல்.லில் ஒரு கப் அடிச்சதுக்கே இவ்வளவா அலப்பறையா? என சி.எஸ்.கே., மும்பை, குஜராத் அணி ரசிகர்கள் கேள்வி கேட்டு வருகின்றனர்.
மீம்ஸ் தொகுப்பு: அருண் தமிழ்ராஜ், மதுரை
/indian-express-tamil/media/agency_attachments/33Ho9XHwZawzDekwDLnu.png)
/indian-express-tamil/media/member_avatars/2025/03/15/2025-03-15t100634324z-sundar.jpg )
Follow Us/indian-express-tamil/media/media_files/2025/06/04/QXNmvsjiIdtXwAHDC3Lz.jpg)