தலையை அடகு வைத்த மதுப் பிரியர்: மதுபானக் கடை கம்பியில் தலை மாட்டிகொண்ட வைரல் வீடியோ!

மூடப்பட்ட மதுக்கடையின் கவுண்டரில் இருந்து மதுபானம் எடுக்க முயன்ற ஒரு நபரின் தலை இருப்பு கம்பிகளுக்கு இடையே சிக்கிக்கொண்ட வீடியோ இணையத்தில் வைரலாகி, வேடிக்கையான எதிர்வினைகளைத் தூண்டியுள்ளது. மது போதையில் இருந்ததாகக் கூறப்படும் அந்த நபர், கடைக்குள் இருந்து மற்றொரு பாட்டிலை எடுக்க முயன்றபோது, அவருடைய தலை இரும்புக் கம்பிகளுக்கு இடையில் சிக்கிக்கொண்டது.

ஆங்கிலத்தில் படிக்க:

இன்ஸ்டாகிராமில் @jist.news என்ற பக்கத்தில் பகிரப்பட்ட இந்த வீடியோவில், அந்த நபர் ஒரு மதுபாட்டிலைப் பிடித்துக்கொண்டு, தனது தலையை விடுவிக்கப் போராடுகிறார். இரும்புக் கம்பிகளில் இருந்து வெளியே வர முடியாமல் அவர் தவிப்பதைப் பார்த்த பார்வையாளர்கள் அவருக்கு உதவ முன்வந்து, அவரது தலையை மெதுவாக வெளியே எடுக்க உதவுகிறார்கள். இந்தச் சம்பவம் நடந்த இடம் மற்றும் தேதி தெரியவில்லை.

"ஒரு நபர், மூடிய மதுக்கடைக்குள் இருந்து ஒரு பாட்டிலை எடுக்க முயன்றபோது, அவருடைய தலை இரும்புக் கம்பிகளில் சிக்கிக்கொண்டது. மதுவுக்காக அவர் செய்த தீவிர முயற்சி அவருக்கு சிக்கலை ஏற்படுத்தியது" என்று வீடியோவின் தலைப்பு கூறுகிறது.

வைரல் வீடியோவை பாருங்கள்:

View this post on Instagram

A post shared by Jist (@jist.news)

இந்த வீடியோ உடனடியாகப் பலரின் கவனத்தை ஈர்த்து, வேடிக்கையான எதிர்வினைகளைத் தூண்டியது. "தாரு கா சக்கர் பாபு பையா" (இது மதுவால் வந்தது நண்பா), என்று ஒரு பயனர் எழுதினார். 

"தலையை வெளியே எடுக்கத் தீவிரமாகப் போராடும்போதும், ஒரு வினாடி கூட பாட்டிலைப் பிடிக்கத் தவறிவிடவில்லை! அர்ப்பணிப்பு!" என்று மற்றொரு பயனர் கருத்து தெரிவித்தார்.

"இரும்புக் கம்பியை வளைத்து நேராக்க வாகன ஜாக்கை பயன்படுத்தியிருக்க வேண்டும்" என்று ஒரு மூன்றாவது பயனர் கூறினார். "என் ஓ.சி.டி மூளை வீடியோ சுதந்திரத்துடன் முடிவடைய வேண்டும் என்று மிகவும் விரும்பியது. என் நாளை கெடுக்காததற்கு நன்றி," என்று ஒரு நான்காவது பயனர் எழுதினார்.

இதேபோன்ற ஒரு சம்பவம் 2018-ல் நடந்தது. மினசோட்டாவைச் சேர்ந்த 19 வயது பெண் ஒருவர், நிறுத்தப்பட்டிருந்த டிரக்கின் பெரிய புகைபோக்கிக்குள் தனது தலையை வைக்க முயன்று, 45 நிமிடங்கள் சிக்கிக்கொண்டார். வின்ஸ்டெட், மிச்சிகனில் நடந்த வின்ஸ்டாக் நாட்டுப்புற இசை விழாவில் அவர் கலந்துகொண்டபோது இந்தச் சம்பவம் நடந்தது.