viral video: விமான நிலையத்தின் ஓடு பாதையில் 3 கீரிப்பிள்ளைகளுக்கும் ஒரு பாம்புக்கும் இடையே நடந்த சுவாரசியமான ஒரு செம சண்டை வீடியோ சமூக வலைதளங்களில் வைரலாகி வருகிறது.
பொதுவாக 80ஸ் கிட்ஸ்கள், 90-ஸ் கிட்கள் பலரும், வித்தை காட்டுபவர்கள் கீரிக்கும் பாம்புக்கும் சண்டைவிடும் ஒரு வேடிக்கை நிகழ்ச்சியைப் பார்த்திருக்கலாம். அதே நேரத்தில், கீரிக்கும் பாம்புக்கும் சண்டை விடுவதாகச் சொல்லி, அந்த நேரத்தில் பார்வையாளர்களுக்கு விபூதி அடித்துவிட்டு அவர்களின் பாக்கெட்டில் இருந்து பணத்தை அடித்துக்கொண்டு ஏமாற்றிவிட்டு ஓடிய ஏமாற்று வித்தைக்காரர்களும் உண்டு.
பாம்பு என்றால் படையும் நடுங்கும் என்பார்கள், ஆனால், பாம்பு என்றாலே ஆக்ரோஷம் கொண்டு பாம்பையே தாக்கும் ஒரு ஜீவன் உண்டு என்றால் அது கீரிப்பிள்ளைதான். மற்ற விலங்குகளுடன் மோதும்போது சீறும் பாம்புகூட, கீரிப்பிள்ளையிடம் சிக்கினால், தற்காப்பு தாக்குதலுடன் அங்கிருந்து தப்பிக்கவே முயலும். ஆனால், இந்த கீரிகள் விடுவதே இல்லை.
அப்படி, கீரிப்பிள்ளைக்குமான சண்டையை இந்த 2கே கிட்ஸ்கள் பெரும்பாலும் டிஸ்கவரி சேனலில் பார்த்திருப்பீர்கள், அல்லது வேறு எங்காவது ஒரு காட்டுப் பகுதி ஒதுக்குப் புறமான பகுதியில் இந்த கீரிப்பிள்ளை - பாம்பு சண்டையைப் பாத்திருப்பீர்கள்.
வழக்கமான இந்த இடங்களுக்கு மாறாக, கீரிப்பிள்ளை - பாம்பு சண்டை ஏர்போர்ட்டில் பயங்கரமாக நடந்திருக்கிறது. கீரிப்பிள்ளைகளுக்கும் ஒரு பாம்புக்கு ஏர்போர்ட்டில் நடந்த பயங்கர சண்டை சமூக வலைதளங்களில் வைரலாகி வருகிறது.
ஏர்போர்ட்டில் விமான ஓடுதளத்தில் நடந்த இந்த சுவாரசியமான கீரிப்பிள்ளை - பாம்பு சண்டை வீடியோவை ஐ.எஃப்.எஸ் அதிகாரி சுசந்தா நந்தா தனது எக்ஸ் பக்கத்தில் பகிர்ந்துள்ளார்.
அந்த வீடியோவில், ஒரு விமான நிலையத்தில் விமான ஓடுதளத்தில், ஒரு பாம்பு செல்கிறது. அதை ஒரு கீரிப்பிள்ளை விரட்டி சென்று தாக்குகிறது. அந்த பாம்பு ஆக்ரோஷமாக படமெடுத்து எழுது பதிலுக்கு தாக்குகிறது. ஆனால், அந்த கீரிப்பிள்ளை விடாமல ஜகா வாங்கி திரும்ப பாம்பை தாக்குகிறது. பாம்பு திருப்பி தாக்கிக்கொண்டே அங்கே இருந்து தப்பிச் செல்ல நகர்கிறது. அதற்குள் மேலும் 2 கீரிப்பிள்ளைகள் பாம்பை தாக்க வருகின்றன. ஒரு கட்டத்தில் 3 கீரிப்பிள்ளைகளும் அந்த பாம்பை சுற்று வளைத்துவிடுகின்றன. ஆனாலும், அந்த பாம்பு தற்காப்பு தாக்குதலுடன் அங்கிருந்து தப்பிச்செல்ல முயல்கிறது. ஆனால், இந்த கீரிப்பிள்ளைகள் விடுவதாக இல்லை.
இந்த வீடியோவில், விமான நிலைய ஓடுதளத்தில் பின்னணியில் விமானங்கள் தரையிரங்கும், புறப்படும் சத்தம் கேட்கிறது. காதைக் கிழிக்கும் அந்த சத்தத்தை பொருட்படுத்தாமல் ஏர்போர்ட்டில் விமான ஓடுதளத்தில் கீரிப்பிள்ளைகளுக்கும் பாம்புக்கும் நடந்த சுவாரசியமான சண்டை வீடியோ சமூக வலைதளங்களில் வைரலாகி வருகிறது.
பின்னணியில் விமானங்களின் சத்தம் கேட்க, ஓடுதளத்தில் ஒரு பாம்பை 3 கீரிப்பிள்ளைகள் ரவுண்டு கட்டி தாக்க, பதிலுக்கு பாம்பு படமெடுத்து ஆக்ரோஷமாகத் தாக்கும் ஏர்போர்ட்டில் நடந்த செம சண்டை வீடியோ சமூக வலைதளங்களில் வைரலாகி வருகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/QJk2ml3Oq3CPgmdJJRPf.jpg)