விண்டேஜ் ரோல்ஸ் ராய்ஸ் காரில் தோனி; துரத்திச் செல்லும் இளம் ரசிகர்: வைரல் வீடியோ

முன்னாள் இந்திய கிரிக்கெட் வீரர் எம்.எஸ். தோனி, கிரிக்கெட் களத்தில் தனது ஆட்டத்தின் மூலம் கோடிக்கணக்கான ரசிகர்களைக் கவர்ந்தது மட்டுமன்றி, கார் மற்றும் பைக்குகள் மீதான தனது ஆர்வத்திற்காகவும் நன்கு அறியப்பட்டவர். தோனி தனது குடும்பத்துடன் வசிக்கும் ராஞ்சியில் உள்ள வீதிகளில் தனது கிளாசிக் ரோல்ஸ் ராய்ஸ் காரில் வலம் வந்த புதிய வீடியோ இணையத்தில் வைரலாகி வருகிறது.

ஆங்கிலத்தில் படிக்க:

இந்த வீடியோவில், தோனி தனது வீட்டை விட்டு வெளியே வரும்போது, 'தல'யைப் பார்க்க, பல ரசிகர்கள் பிரதான வாசலுக்கு வெளியே காத்திருப்பதைக் காணலாம். வீடியோவில், தோனி தனது ரோல்ஸ் ராய்ஸ் காரில் செல்கிறார். அப்போது ஒரு இளம் ரசிகர் காரைப் பின்தொடர்ந்து ஓடுகிறார், மற்றொரு ரசிகர் இந்த காட்சியைக் காணொலி எடுக்கிறார். இந்த வீடியோவைப் பகிர்ந்த எக்ஸ் பயனர் (@7_MSDthala), “ராஞ்சி வீதிகளில் தோனி தனது விண்டேஜ் ரோல்ஸ் ராய்ஸ் காரில்” என்று எழுதினார்.

வைரல் வீடியோவைப் பாருங்கள்:

MS Dhoni with his vintage Rolls-Royce on the streets of Ranchi 😍 pic.twitter.com/svT4agvKwN

— Ne𝟘n (@7_MSDthala) September 7, 2025

இந்த வீடியோ விரைவில் வைரலாகி, கிட்டத்தட்ட ஒரு மில்லியன் பார்வைகளையும் பல எதிர்வினைகளையும் பெற்றது.  “அவர் இப்போது ஒரு 'போஸ்டர் பாய்' ஆகிவிட்டார்” என்று ஒரு ரசிகர் எழுதினார். “விலை உயர்ந்த கார், ஆனால் அவர் ரசிகர்களைச் சந்திக்கவில்லை” என்று மற்றொரு பயனர் குறிப்பிட்டார்.  “தோனி = ஸ்டைல் மற்றும் கிளாஸிற்கான ஒரு சொல்! ராஞ்சி வீதிகளில் விண்டேஜ் ரோல்ஸ் காரைப் பார்ப்பது ஆச்சரியமாக உள்ளது” என்று மற்றொரு பயனர் கருத்து தெரிவித்தார்.

2023-ம் ஆண்டில், முன்னாள் இந்திய கிரிக்கெட் வீரர் வெங்கடேஷ் பிரசாத், தோனியின் கார் சேகரிப்பின் ஒரு காட்சியைப் பகிர்ந்து கொண்டார். அதில் ஹார்லி டேவிட்சன், கவஸகி நிஞ்சா உள்ளிட்ட குறைந்தது 70 பைக்குகளும், லேண்ட் ரோவர், ஆடி Q7, ஹம்மர் H2 உள்ளிட்ட 15 சொகுசு மற்றும் விண்டேஜ் கார்களும் உள்ளன.

One of the craziest passion i have seen in a person. What a collection and what a man MSD is . A great achiever and a even more incredible person. This is a glimpse of his collection of bikes and cars in his Ranchi house.
Just blown away by the man and his passion @msdhonipic.twitter.com/avtYwVNNOz

— Venkatesh Prasad (@venkateshprasad) July 17, 2023

இந்த வீடியோவைப் பகிர்ந்த வெங்கடேஷ் பிரசாத், “நான் ஒரு நபரிடம் பார்த்த மிக அற்புதமான ஆர்வம் இது. தோனி ஒரு அற்புதமான சேகரிப்பாளர். ஒரு சிறந்த சாதனையாளர். மேலும், ஒரு அற்புதமான நபர். இது ராஞ்சியில் உள்ள அவரது வீட்டில் இருக்கும் பைக்குகள் மற்றும் கார்களின் சேகரிப்பின் ஒரு பகுதி. இந்த மனிதரையும் அவரது ஆர்வத்தையும் பார்த்து நான் வியந்து போனேன்” என்று எழுதினார்.

ராஞ்சியில் உள்ள அவரது பண்ணை வீட்டில் தோனிக்கு ஒரு சிறப்பு 'காட்சி அறை' உள்ளது.