சனிக்கிழமை குஜராத்தின் ஜாம்நகரில் திருமணத்திற்கு முந்தைய விழாக்களில் தனது மகன் ஆனந்த் அம்பானியின் இதயப்பூர்வமான உரையைக் கேட்ட ரிலையன்ஸ் இண்டஸ்ட்ரீஸ் லிமிடெட் (RIL) தலைவர் முகேஷ் அம்பானி கண்ணீர் விட்டு அழுதார். வைரலான வீடியோவில், ஆனந்த் அம்பானி தனது மணமகள் ராதிகா மெர்ச்சன்ட் உடன் மேடையில் இருப்பதைக் காணலாம்.
ஆங்கிலத்தில் படிக்க: Watch: Mukesh Ambani gets emotional during Anant Ambani’s heartfelt speech about his health issues
தனது கனவுத் திட்டமான வந்தாராவை நம்பி, அதை வெற்றியடையச் செய்ததற்காக, தனது தாயார் நீடா அம்பானிக்கு நன்றி தெரிவித்து ஆனந்த் அம்பானி தனது உரையைத் தொடங்கினார். இந்த திட்டத்திற்காக தனது தாயார் ஒரு நெசவாளர் போல் பணிபுரிந்ததைப் பகிர்ந்து கொண்ட ஆனந்த் அம்பானி, “இவை அனைத்தும் என் அம்மாவால் உருவாக்கப்பட்டது, வேறு யாரும் இல்லை. என் அம்மா கடந்த நான்கு மாதங்களாக வெளியே சென்று, ஒரு நாளைக்கு 18-19 மணி நேரம் வேலை செய்தார், நான் அம்மாவுக்கு மிகவும் நன்றியுள்ளவனாக இருக்கிறேன்,” என்று கூறினார்.
அவரது உடல்நிலை குறித்து பேசிய ஆனந்த் அம்பானி, குழந்தை பருவத்திலிருந்தே தனது உடல்நலப் பிரச்சினைகளால் தனது வாழ்க்கை ஒருபோதும் ரோஜாக்களின் படுக்கையாக இருந்ததில்லை என்று பகிர்ந்து கொண்டார். “சிறுவயதிலிருந்தே நான் பல உடல்நல நெருக்கடிகளை எதிர்கொண்டேன், ஆனால் என் அப்பாவும் அம்மாவும் அதை உணர விடவில்லை. அவர்கள் எப்போதும் எனக்கு ஆதரவாக நிற்கிறார்கள், என் அப்பாவும் அம்மாவும் எப்போதும் நான் நினைத்தால் அதைச் செய்ய முடியும் என்ற உணர்வை எனக்கு ஏற்படுத்தியிருக்கிறார்கள். அதைத்தான் என் அப்பாவும் அம்மாவும் எனக்கு அர்த்தப்படுத்துகிறார்கள் என்று நான் நினைக்கிறேன், நான் எப்போதும் நன்றியுள்ளவனாக இருக்கிறேன்,” என்று ஆனந்த் அம்பானி கூறினார்.
மகனின் பேச்சின் போது, முகேஷ் அம்பானி கண்ணீர் விட்டு அழுதது கேமராவில் பதிவாகியுள்ளது.
ஆனந்த் அம்பானி மற்றும் ராதிகா மெர்ச்சன்ட் ஜனவரி 19, 2023 அன்று நிச்சயதார்த்தம் செய்து கொண்டனர். திருமணத்திற்கு முந்தைய விழாக்கள் மார்ச் 1 ஆம் தேதி தொடங்கி மார்ச் 3 ஆம் தேதி நிறைவடையும். ரிஹானா முதல் மார்ச் ஜுக்கர்பெர்க், மகேந்திர சிங் தோனி வரை பல்துறைகளைச் சேர்ந்த முன்னணி பிரபலங்கள் கலந்துக் கொள்ளும் இந்த நிகழ்வில் எண்ணற்ற நிகழ்ச்சிகள் நடந்தன. திருமணத்திற்கு முந்தைய நிகழ்ச்சியைத் தொடர்ந்து, ஜூலை 12ஆம் தேதி திருமணம் நடைபெறவுள்ளது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/cUXgc51oZJk8xossamWv.jpg)