நிதீஷ் குமாரை கண்டித்து ஸ்டாலின் அறிக்கை விடுவாரா? நெட்டிசன்கள் காட்டம்

இந்தியா கூட்டணி கூட்டத்தில், ‘இந்தி தேசிய மொழி, அதை அனைவரும் தெரிந்திருக்க வேண்டும்’ என கூறிய நிதிஷ்குமாரைக் கண்டித்து தமிழக முதல்வர் மு.க. ஸ்டாலின் அறிக்கை விடுவாரா என்று நெட்டிசன்கள் காட்டமாக கேள்வி கேட்டு வருகின்றனர்.

பா.ஜ.க-வுக்கு எதிரான எதிர்க்கட்சிகளின் அணியான இந்தியா கூட்டணி கட்சிகளின் 4வது ஆலோசனைக் கூட்டம் டெல்லியில் செவ்வாய்க்கிழமை நடைபெற்றது. இந்தக் கூட்டத்தில், காங்கிரஸ் தலைவர்கள் சோனியா காந்தி, ராகுல் காந்தி, மல்லிகார்ஜுன கார்கே,  தி.மு.க தலைவர் மு.க.ஸ்டாலின், தி.மு.க பொருளாளர் டி.ஆர். பாலு, திரிணாமூல் காங்கிரஸ் தலைவர் மம்தா பானர்ஜி, ஐக்கிய ஜனதா தளம் கட்சித் தலைவர் நிதீஷ் குமார் உள்ளிட்டோர் கலந்துகொண்டனர்.

இந்தியா கூட்டணி கட்சிகளின் கூட்டத்தில் நிதீஷ் குமார் பேசியபோது, தி.மு.க பொருளாளர் டி.ஆர். பாலு ஆங்கிலத்தில் மொழிபெயர்க்க வேண்டும் என்று கேட்டுக் கொண்டார். இதனால், கோபமடைந்த நிதீஷ் குமார்,  “​நாம் நமது நாட்டை இந்துஸ்தான் என்றும், இந்தி நமது தேசிய மொழி என்றும் அழைக்கிறோம். நமக்கு அந்த மொழி தெரிந்திருக்க வேண்டும்” என்று ஆவேசமாகக் கூறி கொந்தளித்தார்.

மத்தியில் பா.ஜ.க அரசு இந்தி மொழி தொடர்பான திட்டங்களை, அறிவிப்புகளை வெளியிடும்போதெல்லாம், இந்தி திணிப்பு என்று தி.மு.க கடுமையாக எதிர்த்து வந்துள்ளது.

அண்மையில்கூட, கோவா விமான நிலையத்தில், தமிழ்நாட்டைச் சேர்ந்த பெண்ணை சி.ஐ.எஸ்.எஃப் வீரர் இந்தி கற்றுக்கொள்ள வேண்டும் என்று மிரட்டும் விதமாகக் கூறியதற்கு, முதலமைச்சர் மு.க. ஸ்டாலின், அமைச்சர் உதயநிதி ஸ்டாலின் கடும் கண்டனம் தெரிவித்தனர். ஆனால், இந்தியா கூட்டணியில் இடம்பெற்றுள்ள நிதீஷ் குமார்,  “இந்தி தேசிய மொழி, இந்தி மொழி தெரிந்திருக்க வேண்டும்” என்று கூறியதற்கு அமைதியாக இருந்தது குறித்து, நெட்டிசன்கள் பலரும் காட்டமாக விமர்சனம் செய்து வருகின்றானர்.   

இன்னைக்கு ஸ்டாலின்
நிதிஷ்குமார் கண்டித்து போராட்டம் நடத்துவாரா?

இல்லை

அறிக்கையாவது விடுவாரா 😀 pic.twitter.com/0eMDCSJyBz— Kavi arasu Trichy (@Kavi20861314) December 20, 2023

இது குறித்து கவி அரசு திருச்சி (Kavi arasu Trichy) தனது எக்ஸ் பக்கத்தில், “இன்னைக்கு ஸ்டாலின் நிதிஷ்குமார் கண்டித்து போராட்டம் நடத்துவாரா? இல்லை அறிக்கையாவது விடுவாரா?” என்று கேள்வி கேட்டுள்ளார்.

ஏர்போர்ட் செக்யூரிட்டி ஹிந்தி தெரியாதான்னு.. கேட்டா, தமிழ்நாடு அதிரும்ங்க! கனி மொழி கண்கலங்கிருவாங்க, நிதிஷ் குமார் கேட்டா..
டி ஆர் பாலு வாய மூடிட்டு ஒக்காந்து இருக்காருங்க! ஹிந்தி வேணாம் போடான்னு சொன்ன இவங்க! நிதீஷ் குமார் வேணாம் போயான்னு!! சொல்லுவாங்களா?
எல்லாமே நடிப்பூங்க! pic.twitter.com/VONMBRLYi0— Karu.Nagarajan (@KaruNagarajan) December 20, 2023

பா.ஜ.க மாநில துணை தலைவர் கரு. நாகராஜன் எக்ஸ் பக்கத்தில், “ஏர்போர்ட் செக்யூரிட்டி ஹிந்தி தெரியாதான்னு.. கேட்டா, தமிழ்நாடு அதிரும்ங்க! கனி மொழி கண்கலங்கிருவாங்க, நிதிஷ் குமார் கேட்டா..
 டி ஆர் பாலு வாய மூடிட்டு ஒக்காந்து இருக்காருங்க! ஹிந்தி வேணாம் போடான்னு சொன்ன இவங்க!  நிதீஷ் குமார் வேணாம் போயான்னு!! சொல்லுவாங்களா?
எல்லாமே நடிப்பூங்க!” என்று சாடியுள்ளார்.

கழகக் காவலர் அண்ணன் நிதீஷ் குமார் கண்ணில் படும்வரை ஷேர் செய்யவும். pic.twitter.com/oEatxOUxR4— Anbalagan (@anbu) December 20, 2023

சென்னை விமான நிலையத்தில், 2021-ம் ஆண்டு தி.மு.க கனிமொழியை சி.ஐ.எஸ்.எஃப் வீரர் இந்தி கற்றுக்கொள்ள வேண்டும் என்று கூறியபோது, சினிமா பிரபலங்கள் பலரும், “இந்தி தெரியாது போடா’ என்ற டி சர்ட் அணிந்து புகைப்படத்தை சமூக வலைதளங்களில் பகிர்ந்து எதிர்ப்பு தெரிவித்தனர். இந்த புகைப்படங்களைப் பகிர்ந்து, அன்பழகன் (Anbalagan), “கழகக் காவலர் அண்ணன் நிதீஷ் குமார் கண்ணில் படும்வரை ஷேர் செய்யவும்” என்று குறிப்பிட்டுள்ளார்.

இந்தியா கூட்டணி கூட்டத்தில், தி.மு.க பொருளாளர் டி.ஆர். பாலு, நிதீஷ் குமாரின் பேச்சை மொழிபெயர்ப்பு செய்யக் கேட்டபோது,‘இந்தி தேசிய மொழி, அதை அனைவரும் தெரிந்திருக்க வேண்டும்’ என கூறிய நிதிஷ்குமாரைக் கண்டித்து தமிழக முதல்வர் மு.க. ஸ்டாலின் அறிக்கை விடுவாரா என்று நெட்டிசன்கள் காட்டமாக கேள்வி கேட்டு வருகின்றனர். நெட்டிசன்களின் காட்டமான பதிவுகளை இங்கே தொகுத்து தருகிறோம்.

திமுக வினர் ஹிந்தியை கற்க வேண்டும் என்று நிதீஷ்குமார் பேசிய பொழுது

சர்வாதிகாரி சகலமும் அடங்கி பல்லை இளித்துக்கொண்டு அமர்ந்து இருந்தாராம் 🤣🤣

அடுத்த கூட்டத்திற்கு ஹிந்தி தெரியாது போடா என்கிற t shirt அணிந்து செல்வார்களா இல்லை ஹிந்தி கத்துண்ணு போவாங்க போல😏 pic.twitter.com/RcUp8wrR23

— K.A.R.Paranthaman B.A..LL.B (@KarParanthaman) December 20, 2023

இந்தியா கூட்டணியில் மேடையிலேயே இந்தி திணிக்கப்பட்ட போது மேடையில் இருந்த திராவிட தலைவர்கள் ஏன் எதிர்ப்பு தெரிவிக்கவில்லை?

இந்தி தெரியாது போடா என்று நிதீஷ் குமார் முகத்திலேயே கூற முடியாமல் உங்களை தடுத்தது எது?

மொழியை விட பதவி முக்கியம்.

— Padmanabhan Nagarajan (@PadmanabhanNaga) December 20, 2023

தெற்கில் இருந்து வரும் அரசியல் தலைவர்களுக்கு ஹிந்தி தெரிந்து இருக்க வேண்டும்......
பீஹார் முதல்வர்
நிதீஷ்குமார் பேட்டி.......
பாலு எங்கே.......
ராசா எங்கே.......
கனிமொழி எங்கே......
ஸ்டாலின் எங்கே.....
உதயநிதி எங்கே......
உங்கள் ஹிந்தி எதிர்ப்புஇவ்வளவு தானா ?

— Sethuraman .B.J.P. (@ourbjp4ever) December 20, 2023

அண்ணே அது இருக்கட்டும் அண்ணே ட்ரான்ஸ்லேட் பண்ணுங்க என்று டி ஆர் பாலு கேட்டதுக்கு ஏன் இந்தி படிச்சா குறைஞ்சா போயிடுவீங்கன்னு நிதீஷ் குமார் கேட்டதுக்கு நம்ம தலைவர் என்னன்னே பதில் சொன்னாரு ஹிந்தி தெரியாது போடா சொன்னாரா.....

— 0 percentile =முட்டை! (@stalinthesigan) December 20, 2023

இந்தி நமது தேசிய மொழி அனைவரும் அதனை கத்துக்கணும்னு நிதிஷ்குமார் சொல்றாரு கவனிச்சியா...

அய்யோ... இது தெரிஞ்சா நம்ம தன்மானத்தமிழினத்தலிவரு கோவப்படுவாரே..

சொன்னதே தலிவர்கிட்டதான்டா.... pic.twitter.com/L26SbC6eMl

— SRINIVAS CHANDRAN🆗 (@SRINIVAS_Rajini) December 20, 2023

ஸ்டாலினைக் கேள்வி கேட்டு பா.ஜ.க, அ.தி.மு.க ஆதரவு நெட்டிசன்கள் கேள்வி எழுப்பி வரும் அதே நேரத்தில், நிதீஷ் குமார் இந்தியைத் திணிக்காதீர்கள் என்று தி.மு.க ஆதரவு நெட்டிசன்கள் குரல் கொடுத்து வருகின்றனர்.  

இந்துஸ்தான் அல்ல-இதுபல
மாநிலங்களின் கூட்டமைப்பு
அவரவர்களுக்கு மொழி
உணவு உடை கலாச்சாரம் பண்பாடு பழக்க வழக்கங்கள்
என்ற வேறுபாடுகள் உள்ளன
மற்றவர்கள் மீது எதையும்
திணிக்கக்கூடாது-பீகாரில்
சாராயக் கடைகளை மூடியதால்
வாழ்த்துக்கள் 🙏_ஆனால்
இந்தியைத்திணிக்காதீர்
நிதீஷ்குமார் அவர்களே!🙏

— JANAKAI V (@vaijanakai) December 20, 2023

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“