நொய்டா - கிரேட்டர் நொய்டா விரைவுச்சாலையில் ஒரு இளம் ஜோடி மோட்டார் சைக்கிளில் சாகசம் செய்த வீடியோ தவறான காரணங்களுக்காக வைரலாகியுள்ளது. இந்தச் சம்பவம் சமூக வலைத்தளங்களில் பரவலான கண்டனத்தைப் பெற்று வருகிறது.
ஆங்கிலத்தில் படிக்க:
இந்தக் குறுகிய வீடியோ கிளிப்பில், ஒரு பெண் மோட்டார் சைக்கிளின் பெட்ரோல் டேங்கில் ஆபத்தான முறையில் அமர்ந்து, பைக் ஓட்டுபவரை முன்புறம் இருந்து அணைத்தவாறு வேகமாகச் செல்கிறார்கள். இருவருமே ஹெல்மெட் அணியாமல் பிஸியான சாலையில் பயணித்துள்ளனர்.
இந்த ஆபத்தான சாகசத்தை ஒரு காரில் பயணித்தவர் படம்பிடித்து ஆன்லைனில் பகிர்ந்துள்ளார். ஜூன் 15-ம் தேதி படம்பிடிக்கப்பட்ட இந்த 19 வினாடி வீடியோவில் மோட்டார் சைக்கிளின் பதிவு எண் தெளிவாகத் தெரிந்தது.
போக்குவரத்து விதிகளை அப்பட்டமாக மீறிய இந்த சாகசம் குறித்து சமூக வலைத்தளங்களில் நெட்டிசன்கள் கோபத்தில் கொந்தளித்த நிலையில், நொய்டா போக்குவரத்து காவல்துறை நடவடிக்கை எடுத்தது.
நொய்டா போக்குவரத்து காவல்துறை தங்கள் எக்ஸ் பக்கத்தில் இந்த நடவடிக்கை குறித்து உறுதிப்படுத்தியுள்ளது. “மேற்கண்ட புகார் குறித்து விசாரணை மேற்கொண்டு, போக்குவரத்து விதிகளை மீறிய சம்பந்தப்பட்ட வாகனத்திற்கு விதிமுறைகளின்படி இ-சலான் (ரூ. 53,500 அபராதம்) வழங்கப்பட்டு நடவடிக்கை எடுக்கப்பட்டுள்ளது” என்று குறிப்பிட்டிருந்தது.
கவுதம் புத்த நகர் துணை காவல் ஆணையர் (போக்குவரத்து) லக்கன் சிங் யாதவ், தி டைம்ஸ் ஆஃப் இந்தியாவிடம், "சமூக வலைத்தளங்கள் மூலம் ஒரு பையனும், அவருடன் பயணித்த ஒரு பெண்ணும் போக்குவரத்து விதிகளை மீறிய வீடியோ கவனத்திற்கு வந்தது. அதன்பிறகு, அவர்களுக்கு ரூ. 55,000 சலான் வழங்கப்பட்டுள்ளது," என்று தெரிவித்தார்.
இதுபோன்ற பொறுப்பற்ற செயல்களைத் தவிர்க்குமாறு பொதுமக்களை யாதவ் வலியுறுத்தினார். மேலும், போக்குவரத்து விதிகளை மீறுபவர்களுக்கு எதிராக கடுமையான அபராதங்கள் தொடர்ந்து விதிக்கப்படும் என்றும் எச்சரித்தார்.
இதுபோன்ற சாகசம் கவனம் பெறுவது இது முதல் முறையல்ல. பெங்களூரில் இதேபோன்ற ஒரு சம்பவம் வைரலாகி, ஒரு தம்பதி பிஸியான சாலையில் ஆபத்தான செயலைச் செய்ததை காட்டியது. அந்த வீடியோவில், ஒரு ஆண் ஹெல்மெட் அணியாமல் பரபரப்பான சர்பூர் மெயின் சாலையில் மோட்டார் சைக்கிள் ஓட்ட, பெண் டேங்கில் ஆபத்தான முறையில் அவரைப் பார்த்து அமர்ந்திருந்தார். தமிழ்நாட்டுப் பதிவு எண் கொண்ட அந்த மோட்டார் சைக்கிளை ஓட்டிய நபரின் வீடியோ ஆன்லைனில் கடும் விமர்சனத்திற்கு உள்ளானது. மக்கள் பொறுப்பற்ற தன்மையையும், சாலைப் பாதுகாப்புக்கு அதிகரித்து வரும் அலட்சியத்தையும் கண்டித்தனர்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/06/17/uaPLGzu7IaNoQQvggJvv.jpg)