முதியோர் இல்லத்தில் 95 வயது மூதாட்டி... ‘ஓ ரசிக்கும் சீமானே’ பாட்டுக்கு சூப்பர் டான்ஸ்; வைரல் வீடியோ!

சென்னையில் உள்ள ஒரு தனியார் முதியோர் இல்லத்தில் 95 வயது மூதாட்டி ஒருவர் ‘ஓ ரசிக்கும் சீமானே’ என்ற பாடலுக்கு அழகாக நடனமானௌம் வீடியோ சமூக வலைதளங்களில் வைரலாகி வருகிறது

ஆங்கிலத்தில் படிக்க: Woman, 95, gracefully dances to ‘Oh Rasikkum Seemane’ at old age home in Tamil Nadu, Internet reacts: ‘Utterly lovely’

திறமையையும் கலை ஆர்வத்தையும் வயதை வைத்து மதிப்பிட முடியாது, 95 வயது மூதாட்டி மிகவும் பிரபலமான  ‘ஓ ரசிக்கும் சீமானே’ பாடலுக்கு நடனமாடும் புதிய வீடியோ அதற்கு ஒரு நல்ல சான்று. சென்னையில் உள்ள விஷ்ராந்தி முதியோர் இல்லத்தில் ‘ஓ ரசிக்கும் சீமானே’ என்ற பாடலுக்கு ஒரு மூதாட்டி மிகவும் அழகாகநடனம் ஆடிய வைரல் வீடியோ பார்வையாளர்களை ஈர்த்து வருகிறது.

அந்த மூதாட்டி 1940-களில் கலாஷேத்ரா அறக்கட்டளையின் மாணவியாக இருந்ததாகவும், ‘சந்திரலேகா’ போன்ற படங்களில் பின்னணி நடனக் கலைஞராக இருந்ததாகவும் கூறப்படுகிறது.

இந்திய ரயில்வே கணக்கு சேவை (IRAS) அதிகாரி ஆனந்த் ரூபனகுடி தனது எக்ஸ் பக்கத்தில் ஒரு வீடியோவைப் பகிர்ந்து எழுதியுள்ளார், “விஷ்ராந்தி முதியோர் இல்லத்தில், 95 வயதான இந்த பெண்மணி, ஒரு நிகழ்ச்சியில் இந்த பழைய தமிழ் பாடலுக்கு நடனமாடினார். அவர் 1940-களில் கலாக்ஷேத்ரா அறக்கட்டளையின் மாணவியாக இருந்ததாகவும், சந்திரலேகா (1948) போன்ற படங்களில் நடனமாடியதாகவும் கூறப்படுகிறது.

At Vishranthi Home for the Aged, this lady, aged 95, danced for this old Tamil number during a programme. She is believed to have been a student of Kalakshetra Foundation in the 1940s and is said to have danced in movies like Chandralekha (1948). #respect #seniorcitizens pic.twitter.com/SJNwQIiiuL

— Ananth Rupanagudi (@Ananth_IRAS) June 23, 2024

எக்ஸ் சமூக வலைதளத்தில் ஜூன் 23 அன்று பகிரப்பட்ட இந்த வீடியோ 1,52,700 பார்வைகளைப் பெறுள்ளது. இந்த வீடியோ பார்ப்பவர்களின் இதயங்களை கவர்ந்து வருகிறது. வீடியோவைப் பார்த்த எக்ஸ் பயனர் ஒருவர், “என்ன ஒரு அற்புதமான செயல்திறன். பாட்டிக்கு மரியாதை. அவரிடமிருந்து கற்றுக்கொள்ள நிறைய இருக்கிறது. ”… மற்றொரு பயனர் எழுதினார்,  “இத்தகைய திறமை அங்கீகாரத்திற்கும் மரியாதைக்கும் தகுதியானது, அவர்கள் எதிர்கால சந்ததியினருக்கு நல்ல ஆசிரியர்களாக திறம்பட பங்களிக்க முடியும்.” என்று பதிவிட்டுள்ளார்.

பத்திரிக்கையாளர் பர்கா தத்,   “எவ்வளவு அழகாக இருக்கிறது” என்று கமெண்ட் செய்துள்ளார். “அவர் மிகவும் உத்வேகம் தருகிறார்! அற்புதமான வெளிப்பாடுகள், கை அசைவுகள் மற்றும் கால் வேலைகள் - இந்த வயதில்,” என்று மற்றொரு பயனர் மூதாட்டியைப் புழந்துள்ளார்.

மார்ச் மாதம், ஒரு பயணக் கப்பலில் நடனம் எதிர்கொள்ளும் போட்டியில் வயதான பெண் ஒருவரின் வீடியோ சமூக ஊடகங்களில் பரவியது. வைரலான வீடியோவில், 'பாட்டி' சவாலில் இணைந்தபோது, ​​​​திரளான மக்கள் அவரை உற்சாகப்படுத்தினர். அவரது நேர்த்தியான நடனம் பார்வையாளர்களை ஆச்சரியத்தில் ஆழ்த்தியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“