அதிகாரிகள் கூறுகையில், அந்த விமானம் கிட்டத்தட்ட இரண்டு நாட்களாக காணாமல் போயிருந்தது. அது அமேசான் பகுதியில் உள்ள இடானோமாஸ் நதிக்கு அருகே உள்ளூர் மீனவர்களால் கண்டுபிடிக்கப்பட்டது.
ஆங்கிலத்தில் படிக்க:
விமானி பாப்லோ ஆண்ட்ரேஸ் வெலார்டே, இயந்திரக் கோளாறு காரணமாக ஒரு ஆறுக்கு அருகிலுள்ள சதுப்பு நிலத்தில் அவசரமாக தரையிறங்க வேண்டியதாயிற்று என்று கூறினார்.
தொலைதூர அமேசான் சதுப்பு நிலத்தில், ஊர்வன விலங்குகளால் சூழப்பட்ட விபத்துக்குள்ளான விமானத்தின் மீது 36 மணி நேரம் திகிலூட்டும் வகையில் உயிர் பிழைத்த 5 பேர் மீட்கப்பட்டுள்ளனர். பொலிவியாவின் பெனி துறையில் இந்த வியத்தகு மீட்பு நடவடிக்கை நிகழ்ந்துள்ளது. பௌரெஸிலிருந்து டிரினிடாட் நோக்கிச் சென்ற சிறிய விமானம் ரேடாரிலிருந்து மறைந்ததை அடுத்து இந்த சம்பவம் நிகழ்ந்தது என்று பிபிசி செய்தி வெளியிட்டுள்ளது.
அதிகாரிகள் கூறுகையில், அந்த விமானம் கிட்டத்தட்ட 2 நாட்களாக காணாமல் போயிருந்தது. மேலும், வெள்ளிக்கிழமை அன்று அமேசான் பகுதியில் உள்ள இடானோமாஸ் நதிக்கு அருகே உள்ளூர் மீனவர்களால் கண்டுபிடிக்கப்பட்டது. வியாழக்கிழமை தொடங்கப்பட்ட தேடல் மற்றும் மீட்பு நடவடிக்கையில் உயிர் பிழைத்தவர்கள் - 3 பெண்கள், 1 குழந்தை மற்றும் 29 வயது விமானி - கண்டுபிடிக்கப்பட்டனர். அவர்கள் அனைவரும் "நல்ல நிலையில்" இருப்பதாக பெனி துறையின் அவசர நடவடிக்கைகளின் மையத் தலைவர் வில்சன் அவிலா தெரிவித்தார்.
விமானி பாப்லோ ஆண்ட்ரேஸ் வெலார்டே டிரினிடாட்டில் உள்ள தனது மருத்துவமனை படுக்கையில் இருந்து அந்த திகிலூட்டும் அனுபவத்தை விவரித்தார். இயந்திரக் கோளாறு காரணமாக ஒரு ஆறுக்கு அருகிலுள்ள சதுப்பு நிலத்தில் அவசரமாக தரையிறங்க வேண்டியதாயிற்று என்று அவர் கூறினார்.
“விமானம் திடீரென உயரத்தை இழக்கத் தொடங்கியது. அதை கீழே கொண்டு வருவதைத் தவிர எனக்கு வேறு வழியில்லை.” என்று வெலார்டே கூறினார்.
மூழ்கிய விமானத்தின் கூரையில் சிக்கியிருந்த ஐந்து பயணிகளும் முதலைகள் மற்றும் பாம்புகள் உட்பட வனவிலங்குகள் நிறைந்த அடர்ந்த காட்டு நீர்நிலைகளால் சூழப்பட்டிருந்தனர். “எங்களை மூன்று மீட்டர் தூரத்திற்குள் வந்த முதலைகளால் சூழப்பட்டிருந்தோம்” என்று வெலார்டே அசோசியேட்டட் பிரஸ்ஸிடம் கூறினார். “எங்களால் தண்ணீர் குடிக்க முடியவில்லை, முதலைகள் இருந்ததால் எங்களால் வேறு எங்கும் செல்ல முடியவில்லை.” என்று கூறினார்.
விமானத்திலிருந்து கசிந்த எரிபொருள் தற்செயலாக அவர்களைப் பாதுகாத்திருக்கலாம் என்று அவர் ஊகித்தார். “விமானத்திலிருந்து கசிந்த பெட்ரோலின் வாடைதான் அவற்றைத் தள்ளி வைத்தது என்று நினைக்கிறேன்” என்று அவர் கூறினார். இருப்பினும், ஜெட் எரிபொருள் முதலைகளை விரட்டும் என்பதற்கு அறிவியல் பூர்வமான ஆதாரம் எதுவும் இல்லை என்பதை அவர் ஒப்புக்கொண்டார்.
இங்கே வீடியோவைப் பாருங்கள்:
திகிலூட்டும் வகையில், அந்த குழு தண்ணீரில் ஒரு பெரிய மலைப்பாம்பையும் கண்டதாக வெலார்டே கூறினார். உணவு அல்லது சுத்தமான நீர் கிடைக்காத நிலையில், பயணிகள் ஒருவர் கொண்டு வந்த மரவள்ளிக்கிழங்கு மாவினைப் பங்கிட்டு அவர்கள் உயிர் பிழைத்தனர்.
“கொசுக்கள் எங்களை தூங்க விடவில்லை” என்று அவர் நினைவு கூர்ந்தார். “முதலைகளும் பாம்புகளும் இரவு முழுவதும் எங்களைப் பார்த்துக் கொண்டிருந்தன, ஆனால், அவை நெருங்கவில்லை.” என்று கூறினார்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/05/04/iQzteXFI1X835gTjNK5P.jpg)