85 வயதிலும் நீச்சல் குளத்தில் யோகா செய்து அசத்திய ராமதாஸ்!

பா.ம.க., நிறுவனர் ராமதாசுக்கும், அவரது மகன் அன்புமணிக்கும் மனக்கசப்பு உள்ள நிலையில், பா.ம.க., நிறுவனர் ராமதாஸ், திண்டிவனம் அடுத்த தைலாபுரம் தோட்டத்தில், கடந்த 16-ம் தேதி பா.ம.க., மாவட்ட செயலர்கள் கூட்டத்தைகூட்டினார். அடுத்த நாள் 17ம் தேதி மகளிர் அணி, இளைஞரணி அணி கூட்டத்தையும், கடந்த 19ம் தேதி மாநில வன்னியர் சங்க கூட்டத்தையும் கூட்டினார். இந்தக் கூட்டத்துக்கு கட்சி தலைவரும், ராமதாஸின் மகனுமான அன்புமணி அவருடைய ஆதரவாளர்கள் கலந்து கொள்ளாமல் புறக்கணித்தனர். இதனால், கட்சியே இரண்டாக பிளவு பட்டிருக்கிறதோ, என தொண்டர்கள் மத்தியில் அச்சத்தை ஏற்படுத்தியது.

இதற்கிடையில் ராமதாஸ் மற்றும் அன்புமணி ஆகிய இருவரிடையே சுமுகமான உறவை ஏற்படுத்திட தான் முயன்று வருவதாகவும், விரைவில் இரு தரப்புக்கும் இடையே நிலவும் கசப்புகள் மறையும் என்றும் கட்சியின் கவுரவத் தலைவர் ஜி.கே.மணி கூறியிருந்தார்.