ஆர்.சி.பி.யா? சி.எஸ்.கே.வா? நூதன பந்தயம் கட்டிய காதல் ஜோடி: கடைசியில் நடந்த ட்விஸ்ட்; வைரல் போட்டோஸ்!

சென்னை சூப்பர் கிங்ஸ் - ராயல் சேலஞ்சர்ஸ் பெங்களூரு அணிகளுக்கு இடையிலான ஐ.பி.எல். போட்டி சனிக்கிழமை இரவு பெங்களூரு சின்னசாமி மைதானத்தில் நடைபெற்றது. பரபரப்பாக நடைபெற்ற இப்போட்டியில் ஆர்.சி.பி. அணி 2 ரன்கள் வித்தியாசத்தில் கடைசி பந்தில் வெற்றியை உறுதி செய்தது.

டாஸை சென்னை சூப்பர் கிங்ஸ் அணியின் கேப்டன் எம்எஸ் தோனி தான் வெற்றி பெற்றார். பெங்களூரு மைதானம் சிறியது என்பதால் சேஸிங் செய்யலாம் என நினைத்து பவுலிங்கை முதலில் தேர்வு செய்தார். அதன்படி ஆர்சிபி அணி முதலில் பேட்டிங் ஆடியது. 20 ஓவர்கள் முடிவில் ராயல் சேலஞ்சர்ஸ் பெங்களூரு அணி 5 விக்கெட் இழப்புக்கு 215 ரன்கள் குவித்தது. அந்த அணியில் சிறப்பாக ஆடிய விராட் கோலி 62 ரன்களும், ஜேக்கப் பெத்தல் 53 ரன்களும் குவித்தனர். 

கடைசி 2 ஓவர்களில் ஆர்.சி.பி. அணியின் ரோமாரியோ ஷெப்பர்டு பேட்டிங்கில் ருத்ரதாண்டவம் ஆடினார். பேட்டில் பட்ட பந்துகள் எல்லாம் சிக்சர் பவுண்டரிகளுமாக பறக்க 13 பந்தில் அரைசதம் அடித்தார். மொத்தம் 14 பந்துகள் மட்டுமே ஆடிய ஷெப்பர்டு 6 சிக்சர்களும், 4 பவுண்டரிகளும் விளாசி 53 ரன்கள் குவித்தார். அதாவது சிஎஸ்கே அணி கடைசி 2 ஓவர்களில் 53 ரன்களை விட்டுக்கொடுத்தது. இதன்பிறகு பேட்டிங் ஆடிய சென்னை சூப்பர் கிங்ஸ் அணியும் பதிலடி கொடுத்தது. ஆயுஷ் மான்ரே 93 ரன்களும், ரவீந்திர ஜடேஜா 77 ரன்களும் எடுக்க சென்னை அணி வெற்றிக்கு மிக அருகில் வந்தது. 20 ஓவர்களில் 211 ரன்கள் எடுத்து வெறும் 2 ரன்கள் வித்தியாசத்தில் சி.எஸ்.கே அணி தோல்வி அடைந்தது. . இதன்மூலம், இந்த தொடரில் 9-ஆவது தோல்வியை சென்னை சூப்பர் கிங்ஸ் தழுவியுள்ளது. புள்ளிப்பட்டியலில் கடைசி இடத்தையும் தொடர்ந்து தக்க வைத்துக் கொண்டுள்ளது!

சி.எஸ்.கே - ஆர்.சி.பி அணிகளுக்கு இடையிலான ஆட்டம் இரு அணிகளின் ரசிகர்களிடையே அதிகமாக எதிர்பார்க்கப்பட்ட போட்டியாகும். ஏனென்றால், ஐ.பி.எல். வரலாற்றில் ஆர்.சி.பி. அணி அதிகளவிலான தோல்விகளை சி.எஸ்.கே. அணியிடமே பெற்றிருக்கிறது. மறக்க முடியாத ஏராளமான தோல்விகளை ஆர்.சி.பி அணிக்கு சி.எஸ்.கே. அணி கொடுத்துள்ளது.