கான்ஸ் திரைப்பட விழாவில் 'மோடி நெக்லஸ்' அணிந்து கவனம் ஈர்த்த இந்தி நடிகை: யார் இந்த ருச்சி குஜ்ஜார்?

ருச்சி இந்திய பொழுதுபோக்கு துறையில் தடம் பதிக்க போராடிவரும் ஒரு இளம் நடிகை. ஜெய்ப்பூரில் உள்ள மகாராணி கல்லூரியில் படித்த அவர், சினிமா கனவுகளைத் தேடி மும்பைக்கு குடியேறியிருக்கிறார். ஜப் து மேரி நா ரஹி மற்றும் ஹெலி மே சோர் போன்ற மியூசிக் வீடியோக்களில் தோன்றியுள்ள இவர், 2023 மிஸ் ஹரியானாவும் கூட. குஜ்ஜார் குடும்பங்கள் மிகவும் கட்டுப்பாடு மிக்கவை என்றும், சமூக தடைகளை உடைத்து சாதிக்க விரும்புவதாகவும் ருச்சி கூறியுள்ளார். "எங்கள் சமூகத்தில் இருந்து பாலிவுட்டில் இவ்வளவு தூரம் வந்த ஒரே பெண் நான்தான். பாலிவுட்டில் இருக்கும் பெண்களைப் பற்றி மக்கள் சிந்தனையில் இருப்பதை மாற்ற முடியாது. ஆனால் மக்களின் எண்ணங்களுக்கு எதிராக போராடிய பெண்ணாக எங்கள் சமூக பெண்களுக்கு உத்வேகமாக இருக்க விரும்புகிறேன்" என்று கூறியுள்ளார். “தென்னிந்திய திரைப்படங்களில் நான் பணியாற்ற விரும்புகிறேன், ஏனெனில் அந்த படங்களை ரசிகர்கள் மிகவும் நேசிக்கிறார்கள்,” என்று அவர் கூறினார்.