இன்று மத்திய அமைச்சர்... அன்று மிஸ் இந்தியா போட்டியாளர்! ஸ்மிரிதி இரானி வீடியோ

மத்திய ஜவுளித்துறை அமைச்சர் ஸ்மிரிதி இரானி 21 ஆண்டுகளுக்கு முன்பு மிஸ் இந்தியா அழகிப் போட்டியில் கலந்துகொண்ட வீடியோவை தயாரிப்பாளர் பகிர்ந்து நினைவுபடுத்தியுள்ளார். இந்த வீடியோ சமூக ஊடகங்களில் வைரலாகி வருகிறது.

பாஜகவின் முக்கிய தலைவர்களில் ஒருவராகவும் தற்போது மத்திய ஜவுளித்துறை அமைச்சராகவும் உள்ளார் ஸ்மிரிதி இரானி. இவர் அரசியலுக்கு வருவதற்கு முன்பு தொலைக்காட்சிகளில் நடித்துள்ளார். மாடலாக இருந்துள்ளார். ஆனால், பலருக்கும் தெரியாத அல்லது அந்த அளவுக்கு அறியப்படாத ஒரு செய்தி தற்போது தெரிய வந்துள்ளது. ஸ்மிரிதி இரானி 1998-ம் ஆண்டு நடைபெற்ற மிஸ் இந்தியா போட்டியில் பங்கேற்றவர் என்பதுதான் அந்த செய்தி.

மத்திய அமைச்சர் ஸ்மிரிதி இரானி 21 ஆண்டுகளுக்கு முன்பு மிஸ் இந்தியா போட்டியில் கலந்துகொண்ட வீடியோவை தொலைக்காட்சி நிகழ்ச்சி தயாரிப்பாளர் ஏக்தா கபூர் தனது இன்ஸ்டாகிராம் பக்கத்தில் வெளியிட்டுள்ளார். இந்த வீடியோ சமூக ஊடகங்களிலும் இணையத்திலும் வைரலாகி வருகிறது.

 

View this post on Instagram

 

Appreciation Post for my friend Smriti Irani who started off not winning Miss India but went on to become a household name. This is for people who think that success comes easy...it is tough, it is hard but it comes to all those who work hard. Smriti became a household name, today is a minister. Her whole persona has changed into a powerful yet humble politician. But when she started off, she was a meek, shy, simple girl who had walked into Balaji...and we knew her smile would win hearts. Recently, a colleague of hers, who hasn't worked with her, called her up for help, she immediately helped that person. That shows, even today she maintains relations with people who were working with her once. This humility and this attachment to her roots, makes her a fantastic person. So proud of you my friend! @smritiiraniofficial

A post shared by Erk❤️rek (@ektarkapoor) on Jun 26, 2020 at 1:08am PDT

ஸ்மிரிதி இரானி மிஸ் இந்தியா போட்டியில் பங்கேற்ற வீடியோ குறித்து ஏக்தா கபூர் குறிப்பிடுகையில், “வெற்றியை எளிதாக பெற்றுவிடலாம் என்று நினைபவர்களுக்காக இந்த வீடியோவை பதிவு செய்கிறேன். ஸ்மிரிதி இரானி குடும்ப பெண்ணாக இருந்து தற்போது சக்திவாய்ந்த அரசியல்வாதியாக உருவெடுத்துள்ளார். ஆரம்பத்தில் சாந்தமான, கூச்ச சுபாவமுள்ள எளிமையான பெண்ணாக இருந்தார். அவரது புன்னகை அனைவரது இதயங்களையும் வென்று விடும்.

சமீபத்தில்கூட அவருடன் பணியாற்றிய சக ஊழியர் ஒருவர் அவரிடம் உதவி கேட்டார். உடனடியாக அவருக்கு தேவையான உதவிகளை செய்து கொடுத்தார். இன்றும்கூட தன்னுடன் பணியாற்றிய ஒரு பெண்ணின் உறவை மதித்து வருகிறார். அவருடைய திறந்த மனம் அவரை இன்னும் பெருமைப்படுத்துகிறது. உங்களை எண்ணி மிகவும் பெருமை கொள்கிறேன்“என்று குறிபிட்டுள்ளார்.