புலிகளைப் போல் தனித்துவமாகவும், யானைகளைப் போல் புத்திசாலிகளாகவும் இருங்கள் என ஐ.ஏ.எஸ் அதிகாரி சுப்ரியா சாஹூ கூறியுள்ளார்.
2022 ஆம் ஆண்டு நிறைவடைய உள்ள நிலையில், 2023 ஆம் ஆண்டில் எடுக்க வேண்டிய தீர்மானங்கள் குறித்து பலரும் பலவிதமாக யோசித்து வருகின்றனர். இந்த நிலையில், இந்திய நிர்வாக சேவை (IAS) அதிகாரியான சுப்ரியா சாஹூ, புலிகள் மற்றும் யானைகளிடமிருந்து தான் தேடிய வாழ்க்கைப் பாடங்களையும், காட்டில் உள்ள இந்த விலங்குகளின் சில அன்பான வீடியோக்களையும் ட்விட்டர் பகிர்ந்துள்ளார். இவற்றின் மூலம் கற்றுக் கொள்ள வேண்டிய பாடங்களையும் அவர் பட்டியலிட்டுள்ளார்.
புலிகளிடம் இருந்து கற்றுக் கொள்ள வேண்டிய புத்தாண்டு பாடங்கள்:
1. தனித்துவமாகவும், உள்ளபடியே நீங்களாகவும் இருங்கள்,
2. உலகம் உங்களுக்குச் சொந்தமானது போல் நடந்து கொள்ளுங்கள்,
3. சுறுசுறுப்பு, ஆற்றல் மற்றும் உயிர்வாழும் தைரியம்,
4. பசியாக இருக்கும்போது மட்டும் சாப்பிடுங்கள், சக்தி காட்டிக்கொள்ள கொல்லாதீர்கள்,
5. பொறுமை, விடாமுயற்சி பலனளிக்கிறது, என்று பதிவிட்டுள்ளார்.
மேலும், ஐ.ஏ.எஸ் அதிகாரி சுப்ரியா சாஹூ தனது சமீபத்திய ட்வீட்டில், யானைகளிடமிருந்து ஒருவர் கற்றுக்கொள்ளக்கூடிய வாழ்க்கைப் பாடங்களையும் பகிர்ந்துள்ளார்.
யானைகளிடம் இருந்து கற்றுக் கொள்ள வேண்டிய புத்தாண்டு பாடங்கள்:
1. அதிக எடை, ஆனால் எடையை தூக்கி எறிய வேண்டாம்,
2. புத்திசாலி, ஆனால் வெளியில் காட்ட வேண்டாம்,
3. சக்தி வாய்ந்தவை ஆனால் தூண்டப்படும் வரை கட்டுப்படுத்தப்பட்டவை,
4. சேற்றில் உருளும், நீண்ட குளியல் போடும்
5. நினைத்தப்படி சாப்பிடுங்கள், ஆனால் நீண்ட தூரம் நடங்கள்
இவ்வாறு இரண்டு வீடியோக்களைப் பகிர்ந்துகொண்டு ஐ.ஏ.எஸ் சுப்ரியா சாஹு பதிவிட்டுள்ளார்.
இந்தப் பதிவுகள் சமூக வலைதளங்களில் பெரிய வரவேற்பைப் பெற்றுள்ளன. பலரும் இது தொடர்பாக தங்கள் கருத்துக்களை பதிவிட்டு வருகின்றனர்.
“குடும்பமே முதன்மையானது” என்று IFS பர்வீன் கஸ்வான் பதிவிட்டுள்ளார். “பின்தொடர வேண்டிய சிறந்த பாடங்கள். நன்றி” என ஒரு இணையவாசி பதிவிட்டுள்ளார்.
“அவர்கள் பசியாக இல்லாவிட்டால் அல்லது உங்களை அச்சுறுத்தலாகப் பார்க்காவிட்டால் அவர்கள் ஒருபோதும் உங்களைத் தாக்க மாட்டார்கள். அவர்கள் தங்கள் சொந்த உலகில் மகிழ்ச்சியாக இருக்கிறார்கள். ஒருவர் அவர்களைப் பின்தொடரவோ அல்லது மிக அருகில் செல்லவோ முயற்சிக்கக்கூடாது. அவர்கள் காட்டு விலங்குகள், உங்கள் வீடு அல்ல. செல்லம்,” என்று ஒரு நபர் பதிவிட்டுள்ளார்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
