20 மனைவிகள், 104 குழந்தைகள், 144 பேரக்குழந்தைகள்... ‘குடும்பத்தைப் விரிவுபடுத்தக் கூறிய தந்தை; அதற்காக இப்படியா?

தான்சானியாவைச் சேர்ந்த ஒருவர் 20 பெண்களை மணந்து, தற்போது தனது 16 மனைவிகளுடன் வசித்து வருகிறார், அவர்களில் 7 பேர் ஒரே குடும்பத்தைச் சகோதரிகள், 104 குழந்தைகள் மற்றும் 144 பேரக்குழந்தைகள் என ஒரு சிறிய கிராமத்தில் வசித்து வருவதாக பல்ஸ் ஆப்பிரிக்கா தெரிவித்துள்ளது. எம்ஸி எர்னஸ்டோ முயினுச்சி கபிங்காவின் மனைவிகளில் 4 பேர் இறந்துவிட்டதாக கூறப்படுகிறது. அவரது வீடு ஒரு சிறிய கிராமத்தைப் போன்றது, ஒவ்வொரு மனைவிக்கும் தனித்தனி வீடு, மக்கள் பரபரப்பாக வேலைகளைச் செய்து டஜன் கணக்கான குழந்தைகளைப் பராமரித்து வருகின்றனர் என்று செய்தி கூறுகிறது.

ஆங்கிலத்தில் படிக்க:

சமீபத்தில் Afrimax உடனான ஒரு நேர்காணலில், கபிங்கா தனது குடும்பத்தை விரிவுபடுத்தும் பயணம் தனது தந்தையின் வேண்டுகோளின் பேரில் தான் மேற்கொண்டதாக வெளிப்படுத்தினார். அவர் 1961-ல் தனது முதல் மனைவியை மணந்து ஒரு வருடம் கழித்து தனது முதல் குழந்தையைப் பெற்றார். ஆனால், அவரது தந்தை அவரை மேலும் மனைவிகளை எடுக்கத் தூண்டினார். வரதட்சணை கொடுக்க முன்வந்த அவரது தந்தை, தனது குடும்பத்தை வளர்க்கவும், அதிக குழந்தைகளைப் பெறவும் அவரை ஊக்குவித்தார்.

“நம்முடைய குலம் சிறியது, நீ அதை விரிவுபடுத்த வேண்டும் என்று நான் விரும்புகிறேன்” என்று கபிங்காவின் தந்தை அவரிடம் கூறியதாக கூறப்படுகிறது, இந்த சவாலை அவர் உடனடியாக ஏற்றுக்கொண்டார். அவரது தந்தை தனது முதல் 5 மனைவிகளுக்கான வரதட்சணைக்கு நிதியளித்தார், மேலும் அவர் மேலும் பெண்களை மணந்தார்.

“நான் எல்லாரையும் கட்டுப்படுத்துகிறேன் என்று மக்கள் நினைக்கிறார்கள். ஆனால், உண்மை என்னவென்றால், பெண்கள் இந்த குடும்பத்தை ஒன்றாக வைத்திருக்கிறார்கள். அவர்களை வழிநடத்த மட்டுமே நான் இங்கே இருக்கிறேன்” என்று கபிங்கா கூறினார் என்று பல்ஸ் ஆப்பிரிக்கா தெரிவித்துள்ளது.

ஆட்டிட்டி செண்ட்ரல் குறிப்பிட்டுள்ளபடி, அவரது மனைவிகளில் ஒருவர் கபிங்காவுடன் தான் பகிர்ந்து கொண்ட நல்ல வாழ்க்கையைப் பற்றிப் பாராட்டினார். மேலும், அதைப் பற்றி தனது சகோதரிகளிடம் கூறினார். இந்த யோசனையால் ஈர்க்கப்பட்ட சகோதரிகள், அதே வாழ்க்கையை அனுபவிக்க விரும்புவதாக முடிவு செய்தனர். இறுதியில், ஏழு சகோதரிகளும் கபிங்காவை மணந்து ஒற்றுமையாக வாழ்கின்றனர்.