இவன் எப்ப? இவருக்கு முன்னாடி இவருக்கு பின்னாடி.. கியூட் ஏ.ஐ. வெர்ஷனில் வடிவேலுவின் காமெடி!

தமிழ் சினிமாவின் காமெடி சக்கரவர்த்தி வடிவேலுவின் வசனங்களும், முகபாவனைகளும் காலம் கடந்தும் ரசிக்கப்படுபவை. அவரது கிளாசிக் காமெடி காட்சிகள் சமூக வலைத்தளங்களில் மீம்ஸ்களாகவும், ரீல்களாகவும் தொடர்ந்து வலம்வந்துகொண்டே இருக்கின்றன. இந்த வரிசையில், தற்போது செயற்கை நுண்ணறிவு (AI) தொழில்நுட்பத்தைப் பயன்படுத்தி, 'மருதமலை' படத்தில் வடிவேலுவின் பிரபலமான காமெடி காட்சிகளை "குழந்தை வெர்ஷனாக" மாற்றி புதிய ட்ரெண்ட் வீடியோ இணையத்தில் வைரலாகி வருகிறது. 'பேபி வெர்சன் ஏ.ஐ.' (Baby Version AI) என்ற இன்ஸ்டாகிராம் பக்கத்தில் பகிரப்பட்ட வீடியோ, ரசிகர்களை வெகுவாகக் கவர்ந்துள்ளது. வடிவேலுவின் நடிப்பில் வெளியான 'மருதமலை' திரைப்படத்தில் இடம்பெற்ற, திருமணக் காட்சி காமெடிதான்.

View this post on Instagram

A post shared by Babyversion AI (@babyversion_ai)

'மருதமலை' படத்தில், வடிவேலு இளம்ஜோடிக்கு திருமண நடத்தி வைக்கும் கலாட்டாக்கள், இவன் எப்ப? அட சிரிக்கி மக சிரிக்கி போன்ற வசனங்கள் கலகலப்பை ஏற்படுத்துகின்றன. அனைவரையும் AI மூலம் கியூட்டான குழந்தைகளாக மாற்றியுள்ளனர். வடிவேலுவின் அதே முக பாவனைகள், உடல்மொழி, வசனங்கள் அனைத்தும் குழந்தை வடிவில் பார்க்கும்போது, வழக்கமான காமெடியை விடப் பல மடங்கு ரசிக்கக் கூடியதாகவும், புன்னகையை வரவழைப்பதாகவும் அமைந்துள்ளது. குழந்தைப் பருவத்தின் வெகுளித்தனம், வடிவேலுவின் காமெடிக்கு மேலும் மெருகூட்டி, பார்ப்பவர்களை மீண்டும் மீண்டும் பார்க்கத் தூண்டுகிறது.

ஏன் இந்த AI வெர்ஷன்கள் ரசிக்கப்படுகின்றன?

பிடித்தமான காட்சிகளைப் புதிய கோணத்தில், அதுவும் AI தொழில்நுட்பத்தைப் பயன்படுத்தி பார்ப்பது ரசிகர்களுக்கு ஒரு புதிய அனுபவத்தைத் தருகிறது. குழந்தைகள் என்றாலே தனி அழகு. வடிவேலுவின் காமெடி கதாபாத்திரங்கள் குழந்தைகளாக மாறும்போது, அது பார்ப்பவர்களுக்கு ஒருவித அன்பையும், கியூட்னெஸையும் ஏற்படுத்துகிறது. ஏற்கனவே ரசித்த ஒரு காட்சியை, இந்த புதிய வடிவில் பார்க்கும்போது, அதன் நகைச் சுவை இன்னும் அதிகமாகிறது. இந்த வகையான வீடியோக்கள் எளிதில் வைரலாகி, நண்பர்கள் மற்றும் குடும்பத்தினருடன் பகிரப்பட்டு, நேர்மறையான பொழுதுபோக்கை உருவாக்குகின்றன.

'பேபி வெர்சன் ஏ.ஐ.' போன்ற இன்ஸ்டாகிராம் பக்கங்கள், வடிவேலுவின் காமெடிக்கு ஒரு புதிய பரிமாணத்தைக் கொடுத்துள்ளன. இது, தொழில்நுட்பம் பொழுதுபோக்குத் துறையில் எப்படிப் புதிய சாத்தியக்கூறுகளை உருவாக்குகிறது என்பதற்கு ஒரு சிறந்த எடுத்துக்காட்டு. இந்த 'கியூட்' வெர்ஷன் வடிவேலுவின் காமெடி, இனி வரும் காலங்களில் இன்னும் பல காட்சிகளிலும் தொடரும் என எதிர்பார்க்கலாம்!