scorecardresearch

டென்னிஸ் பந்தில் கிரிக்கெட்லாம் ரொம்ப பழசு பாஸ்… அதிரடி காட்டும் சூப்பர் கேம் இது – வைரல் வீடியோ

ஸ்காட்லாந்து கிரிக்கெட் ஏ பிரிவு அணியினரும் எடின்பர்க் நேப்பியர் பல்கலைக்கழகத்தில் படித்து வரும் மாணவர்களும் கிரிக்கெட் மட்டையில் டென்னிஸ் ஆடும் இந்த காட்சிகள் சமூக வலைதளங்களில் வைரலாக பரவி வருகிறது.

Viral video of men playing tennis: கிரிக்கெட்டுக்கும், டென்னிஸ்க்கும் ஒரு குழந்தை பொறந்தா? இப்படி ஒரு கேப்சனில் ஒரு வீடியோ. என்னடா என்று கவனித்தால் நான்கு நபர்கள், உள்விளையாட்டு அரங்கம் ஒன்றில் வலைகளுக்கு பதிலாக இருக்கைகளை வைத்து பிரித்து, இந்த பக்கம் இரண்டு பேர், அந்த பக்கம் இரண்டு பேர் என டென்னிஸ் விளையாடிக் கொண்டிருக்கிறார்கள். இதில் என்ன ஆச்சரியரியம் இருக்கிறது என்று கேட்கின்றீர்களா? அப்படி என்றால் உங்களுக்கு தான் இந்த வீடியோ.

கலப்பு இரட்டையர்களின் டென்னிஸ் போட்டிகள் போன்று நான்கு பேரும் கிரிக்கெட் மட்டையில் டென்னிஸ் விளையாடிக் கொண்டிருக்கின்றனர். இந்த வீடியோ சமூக வலைதளங்களில் வைரலாக பரவி வருகிறது. கிரிக்கெட் வர்ணனையாளர் ஆட்டிஃப் நவாஸ் வெளியிட்டிருக்கும் இந்த வீடியோவை இதுவரை 2.5 லட்சத்திற்கும் அதிகமானோர் பார்வையிட்டுள்ளனர். சானியா மிர்சா – சோயப் மாலிக் தம்பதியினரின் குழந்தை விளையாட சரியான விளையாட்டு இது தான் என்றும் சிலர் கமெண்ட் தெரிவித்துள்ளனர்.

ஸ்காட்லாந்து கிரிக்கெட் அணி தேர்வரும் பயிற்சியாளருமான டோபி பெய்லி எடுத்த இந்த வீடியோவை நவாஸ் பதிவிட்டார். ஸ்காட்லாந்து கிரிக்கெட் ஏ பிரிவு அணியினரும் எடின்பர்க் நேப்பியர் பல்கலைக்கழகத்தில் படித்து வரும் மாணவர்களும் கிரிக்கெட் மட்டையில் டென்னிஸ் ஆடும் இந்த காட்சிகள் சமூக வலைதளங்களில் வைரலாக பரவி வருகிறது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Viral news download Indian Express Tamil App.

Web Title: Viral video of men playing tennis with cricket bats