12-year-old girl punches tree with her bare knuckles in jaw-dropping video: வயது வலிமையைத் தீர்மானிப்பதில்லை, என்பதற்கு உதாரணமாக திகழ்கிறார் 12 வயது குத்துச்சண்டை வீரர் ஒருவர். ரஷ்யாவைச் சேர்ந்த எவ்னிகா சாத்வகாஸ் தனது குத்துச்சண்டை திறமைக்காக இணையத்தில் பிரபலமாகியுள்ளார். அவர் ஒரு மரத்தின் மீது குத்துகளை வீசி மரத்தை சிதறச் செய்யும் வீடியோக்கள் இணையத்தில் வைரலாகி வருகிறது.
எவ்னிகா சாத்வகாஸ் ஒரு தொழில்முறை குத்துச்சண்டை பயிற்சியாளராக இருக்கும் அவரது தந்தை ருஸ்ட்ராம் சாத்வகாஸ் என்பவரால் பயிற்சி பெற்றவர். அவர் தனது மகளின் திறமையையும் குத்துச்சண்டையில் ஆர்வத்தையும் அவளுக்கு நான்கு வயதாக இருந்தபோது அடையாளம் கண்டுகொண்டதாக கூறப்படுகிறது. தனது மகளின் திறமை குறித்து ஊடகங்களிடம் பேசிய ருஸ்ட்ராம் சாத்வகாஸ், “எவ்னிகாவுக்கு நான்கு வயதாக இருந்தபோது, அவர் இந்த அழகான அசைவுகளை வெளிப்படுத்தியதை நான் கவனித்தேன். அவள் மிகவும் கவனமாகவும் கடின உழைப்பாளியாகவும் இருந்தாள். இது ஒரு நல்ல குணாதிசயம். நான் உருவாக்க வேண்டியவற்றின் முதல் தீப்பொறியைக் கண்டேன் என்று கூறியுள்ளார்.
Evnika இப்போது ரஷ்யாவின் Voronezh பகுதியில் வாரத்திற்கு ஐந்து முறை தனது ஏழு உடன்பிறப்புகள் மற்றும் தந்தையுடன் குத்துச் சண்டை பயிற்சி பெறுகிறார். அவரது தாயார், அனியா சாத்வகாஸ், ஒரு முன்னாள் ஜிம்னாஸ்ட் மற்றும் குடும்பத்தில் குத்துச்சண்டை வீரர் அல்லாத ஒருவர்.
2020 ஆம் ஆண்டில், ஏழு வயது ரோரி வான் உல்ஃப்ட் தனது 80 கிலோகிராம் எடையைத் தூக்கும் திறனால் உலகை அதிர்ச்சிக்குள்ளாக்கினார். யுஎஸ்ஏ பளு தூக்குதல் இளைஞர் தேசிய சாம்பியன்ஷிப்பை வென்ற இளைய நபராக ரோரி வான் உல்ஃப்ட் ஆனார்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil