திருமண விழாவில் நடனமாடும்போது மயங்கி விழுந்து இளம் பெண் மரணம்: அதிர்ச்சி வீடியோ

மத்தியப் பிரதேச மாநிலம், விதிஷாவில் நடந்த ஒரு திருமண விழாவில் நடனமாடிக்கொண்டிருந்தபோது மயங்கி விழுந்து இறந்த ஒரு பெண்ணின் வீடியோ, இந்திய இளைஞர்களிடையே கவனத்தை ஈர்த்து வருகிறது. மேலும், மாரடைப்பு குறித்த விவாதத்தைத் தூண்டி வருகிறது. என்.டி.டிவி-யில் வந்த ஒரு செய்தியின்படி, 23 வயதான பரினிதா ஜெயின், இந்தூரில் வசித்து வந்தார், 200-க்கும் மேற்பட்டோர் கலந்து கொண்ட தனது உறவினரின் திருமணத்தில் நிகழ்ச்சியில் நடனம் ஆடினார்.

ஆங்கிலத்தில் படிக்க: Madhya Pradesh woman, 23, collapses while dancing at wedding function; dies

பரினிதா பாரம்பரிய உடை அணிந்து, பாலிவுட் ஹிட் பாடலான "ஷரரா ஷரரா" பாடலுக்கு நடனமாடுவதை இந்த வைரல் வீடியோ காட்டுகின்றன. அவரது நிகழ்ச்சி தொடங்கிய சில நொடிகளில், பரினிதா மேடையில் சரிந்து விழுந்தார்.

இந்த வீடியோவைப் பாருங்கள்:

मध्यप्रदेश के विदिशा में बहन की शादी में नाचते-नाचते लड़की गिर गई, तुरंत मौत हो गई

इसतरफ किसी का ध्यान नह़ी जा रहा है, और ना जाने कितनी मौतें होंगी, तब जागेगी सरकारpic.twitter.com/VKObjqfdda

— Nigar Parveen (@NigarNawab) February 9, 2025

இந்த வீடியோ விரைவாக பார்வையாளர்களை ஈர்த்து, சமூக ஊடக பயனர்களிடையே பரபரப்பை ஏற்படுத்தியது. "அந்த  பெண்ணுக்கு மாரடைப்பு ஏற்பட்டது போல் தெரிகிறது, அதிக ஒலி தான் அதைத் தூண்டியது" என்று ஒரு பயனர் எழுதினார்.  “பலருக்கு அவர்களின் பிறவி நோய்கள் தெரியாது” என்று மற்றொரு பயனர் கருத்து தெரிவித்தார்.

என்.டி.டிவி செய்தியின்படி, அங்கே அவர் குடும்பத்தில் உள்ள சில மருத்துவர்கள் சி.பி.ஆர் முதலுதவி மூலம் பரினிதாவை உயிர்ப்பிக்க முயன்றனர். ஆனால், அவருக்கு பலன் அளிக்கவில்லை. மேலும், அருகிலுள்ள மருத்துவமனைக்கு அழைத்துச் செல்லப்பட்ட அவர் இறந்துவிட்டதாக மருத்துவர்கள் அறிவித்தனர். பரினிதாவின் தம்பி 12 வயதில் மாரடைப்பால் பரிதாபமாக இறந்துவிட்டதாகவும் செய்தி கூறுகிறது.

கடந்த ஆண்டு ஏப்ரல் மாதம் இதேபோன்ற ஒரு சம்பவம் பதிவாகியுள்ளது. உத்தரபிரதேச மாநிலம் மீரட்டில் தனது சகோதரியின் திருமணத்திற்கு முந்தைய கொண்டாட்டத்தில் 18 வயது சிறுமி நடனமாடும்போது மயங்கி விழுந்து இறந்தார். அந்த வைரல் வீடியோவில், மார்பில் வலி ஏற்பட்டபோது, ​​அந்த சிறுமி தனது குடும்ப உறுப்பினர்களுடன் நடன அசைவுகளை பொருத்த முயற்சிப்பதைக் காட்டியது. அவள் அசௌகரியமாக உணர்ந்தாள், ஒரு பையனை அருகில் நடனமாட வைக்க முயற்சித்து, பின்னர் சரிந்தாள்.

மற்றொரு சம்பவத்தில், உத்தரகண்ட் மாநிலம் நைனிடாலில் திருமணத்திற்கு முந்தைய கொண்டாட்டங்களின் போது நடனமாடிக்கொண்டிருந்தபோது 28 வயது டெல்லி பெண் ஒருவர் உயிரிழந்தார்.