குழம்பே வேணாம்... இந்த தொக்கு ஒண்ணு போதும்; தட்டு சோறு காலி!

கொத்தமல்லியில் வைட்டமின் கே மற்றும் வைட்டமின் சி அதிகம் உள்ளது. இவை நோய் எதிர்ப்பு சக்தியை அதிகரிக்கிறது. இதில் இரும்புச்சத்து, மாங்கனீசு மற்றும் பொட்டாசியம் போன்ற அத்தியாவசியமானஎ மினரல்களும் உள்ளன.

கொத்தமல்லி செரிமான நொதிகளைத் தூண்டி, உணவை எளிதாக செரிக்க உதவுகிறது. இது வாயு போன்ற பிரச்சனைகளைக் குறைக்கவும் உதவுகிறது. மேலும், கெட்ட கொழுப்பை குறைத்து நல்ல கொழுப்பை அதிகரிக்க உதவுகிறது.

கொத்தமல்லியில் உள்ள வைட்டமின் சி மற்றும் ஆண்டிஆக்ஸிடென்ட்கள், நோய் எதிர்ப்பு மண்டலத்தை வலுப்படுத்தி உடலில் உள்ள நோய்த்தொற்றுகளை எதிர்த்துப் போராட உதவுகின்றன. இப்படி பல நன்மைகளை தரக் கூடிய கொத்தமல்லியை வைத்து எப்படி தொக்கு செய்யலாம் என்று இந்த பதிவில் பார்க்கலாம்

தேவையான பொருட்கள்

கொத்தமல்லி விதை

கடுகு

சீரகம்

வெந்தயம்

கொத்தமல்லி இலை

புளி

செய்முறை 

ஒரு கடாயில் தனியா, கடுகு, சீரகம், வெந்தயம் ஆகியவற்றை நன்றாக வறுத்து பொடியாக எடுத்துக் கொள்ள வேண்டும். பின்னர் கொத்தமல்லி இலை மற்றும் புளி ஆகியவற்றை ஒன்றாக வதக்கி எடுத்துக் கொள்ளவும்.

பின்னர் ஒரு கடாயில் எண்ணெய் உற்றி கடுகு, பூண்டு ஆகியவற்றை வதக்கி எடுத்துக் கொள்ளவும் இதனுடன் மிளகாய் பொடி, அரைத்த கொத்தமல்லி இலை விழுது மற்றும் சீரகம், வெந்தயம் பொடி ஆகியவற்றை சேர்த்து நன்கு வதக்கவும்.

கொத்தமல்லி தொக்கை எண்ணெய் பிரிந்து வரும் வரை மிதமான தீயில் கொதிக்க வைக்க வேண்டும். பின்னர் சூடான சாப்பாடு, கொத்தமல்லி தொக்கு, அப்பளம் வைத்து சாப்பிட்டால் சுவை அடி தூளாக இருக்கும்.