எந்த காய்கறியும் வேணாம்... டக்குன்னு ஒரு லஞ்ச்!

சோயா சங்ஸ் (Soya Chunks) என்பது சோயா பீன்ஸிலிருந்து தயாரிக்கப்படும் உணவுப் பொருள். இது ‘மீல் மேக்கர்’ என்றும் அழைக்கப்படுகிறது. இதில் அதிகப்படியான புரதம் உள்ளது. இறைச்சிக்கு பதிலாக சோயா சங்ஸ் பயன்படுத்தப்படுகிறது. சோயா சங்ஸ் பெரும்பாலும் சைவ உணவுகளில் சேர்க்கப்படுகிறது.

வெஜ் குருமா, வெஜ் பிரியாணி போன்ற உணவுகளில் சோயா சங்ஸ் சேர்க்கப்படுகிறது. இதேபோன்று வேர்க்கடலையிலும் அதிகப்படியான புரதம் உள்ளது. இது ஏழைகளின் பாதம் என்று அழைக்கப்படுகிறது. மனிதனின் வயிற்றை நீண்ட நேரம் நிறைவாக வைக்க வேர்க்கடலை பயன்படுத்தப்படுகிறது. இதை ஈவினிங் ஸ்நாக்ஸாகவும் பயன்படுத்துகின்றனர்.

 வேர்க்கடலையை வேகவைத்தோ, வறுத்தோ சாப்பிடலாம். இதை வைத்து வேர்க்கட்லை சட்னி, சுண்டல் குழம்பு போன்றவற்றையும் செய்யலாம். இப்படி புரதம் அதிகம் நிறைந்த சோயா சங்ஸ் மற்றும் வேர்க்கடலை வைத்து சோயா கீமா பீனட் ரைஸ் எப்படி செய்யலாம் என்று பார்க்கலாம்

தேவையான பொருட்கள்:

சோயா

கடலை பருப்பு

உளுத்தம் பருப்பு

நிலக்கடலை

வெள்ளை எள்

கடுகு

கறிவேப்பிலை

பூண்டு

வெங்காயம்

செய்முறை:

சோயாவை நன்றாக வேக வைத்து அரைத்து எடுத்துக் கொள்ளவும். ஒரு சட்டியில் கடலைப் பருப்பு, நிலக்கடலை, வெள்ளை எள் ஆகியவற்றை நன்றாக வறுக்க வேண்டும் . கலர் மாறி வாசனை வந்ததும் பொடித்து எடுத்துக் கொள்ள வேண்டும். 

மற்றொரு கடாயில் கடுகு, கறிவேப்பிலை, வெங்காயம் சேர்த்து நன்றாக வதக்க வேண்டும். அதனுடன் மிளகாய் பொடி மற்றும் அரைத்த சோயாவை சேர்த்து வதக்க வேண்டும்.  பின்னர் சாதம் மற்றும் பொடி செய்து வைத்த கலவையை சேர்த்து கிளறி எடுத்தால் சோயா கீமா பீனட் ரைஸ் ரெடியாகிவிடும்.