New Update
![Shane warne](https://img-cdn.thepublive.com/fit-in/1280x960/filters:format(webp)/indian-express-tamil/media/media_files/4LeknCiPLiJ1WSARvAsk.jpg)
Shane Warne
Shane Warne
1993 ஆம் ஆண்டு ஜூன் 4 ஆம் தேதி ஒரு இளம் ஆஸ்திரேலிய லெக் ஸ்பின்னர் இங்கிலாந்து பேட்ஸ்மேன் மைக் கேட்டிங்குக்கு வீசிய ஒரு பந்து, அவரது லெக் ஸ்டம்புக்கு வெளியே பிட்ச் ஆகி காற்றில் திரும்பி, பேட்ஸ்மேனின் ஆஃப் ஸ்டம்பை தகர்த்தது. அதன் பின்னர்தான் ஒட்டுமொத்த கிரிக்கெட் உலகமும் அந்த இளைஞனை கவனிக்க தொடங்கியது.
யாரும் அப்படி பந்து சுழன்று திரும்பியதை அதுவரை பார்த்ததில்லை. இப்போதும் கிரிக்கெட் வரலாற்றின் மிகச்சிறந்த பந்தாக அந்த பந்துவீச்சு கருதப்படுகிறது. அந்த பந்தை வீசியவர் ஷேன் வார்னே. அப்போது அவருக்கு வயது 23.
ஆஸ்திரேலியாவைச் சேர்ந்த ஷேன் வார்னே கிரிக்கெட் வரலாற்றிலேயே சிறந்த பந்துவீச்சாளர்களில் ஒருவராக கருதப்படுகிறார். டெஸ்ட் கிரிக்கெட் வரலாற்றில் முதல் முறையாக 700 விக்கெட் கைப்பற்றிய வீரர் வார்னே தான்.
2007-ம் ஆண்டு இங்கிலாந்துடனான டெஸ்ட் போட்டியுடன் ஓய்வு பெற்ற ஷேன் வார்னே அதன் பின்னர் டி20 லீக் தொடர்களில் விளையாடினார்.
2007 ஐபிஎல் சீசனில் ராஜஸ்தான் ராயல்ஸ் அணியை வழிநடத்தினார். தோனி தலைமையிலான சென்னை சூப்பர் கிங்ஸ் அணியை இறுதிப்போட்டியில் தோற்கடித்து முதல் ஐபிஎல் கோப்பையை வென்ற கேப்டன் ஆனார் ஷேன் வார்னே.
வார்னே விளைவு எதிரணியினரின் வாழ்க்கையிலும் எதிரொலித்தது.
பியூஷ் சாவ்லா தனது வாழ்க்கையில் 19 வயதை எட்டாத நிலையில், டி20 கிரிக்கெட்டுக்கு மாறுவது கடினமாக இருந்தது.
லெக்-ஸ்பின்னர் இந்தியாவுக்காக சில போட்டிகளில் விளையாடினார், 2007 டி20 உலகக் கோப்பை வென்ற அணியில் ஒரு பகுதியாக இருந்தார், ஆனால் ஐபிஎல்லில் கடினமான நேரத்தைக் கொண்டிருந்தார். முதல் ஆட்டத்திலேயே, அவர் பலம் வாய்ந்த சென்னை சூப்பர் கிங்ஸுக்கு எதிராக களமிறங்கினார். அந்த நேரத்தில்தான் அவரது கேப்டன் பஞ்சாப் கிங்ஸின் (அப்போது கிங்ஸ் லெவன் பஞ்சாப்) யுவராஜ் சிங் வார்னேவின் கதவைத் தட்டினார். அவர்கள் சொல்வது போல் மீதமுள்ளவை வரலாறு.
‘எங்கள் முதல் போட்டி CSK க்கு எதிராக இருந்தது, அவர்கள் 230-க்கும் மேற்பட்ட ரன்களை எடுத்தனர். இரண்டாவது போட்டிக்காக ஜெய்ப்பூரை அடைந்தோம். ராஜஸ்தான் ராயல்ஸுக்கு எதிரான போட்டியில் நாங்கள் முதலில் பேட்டிங் செய்தோம், நான் 11-12 பந்துகளில் 24 ரன்கள் எடுத்தேன்.
நான் பந்து வீச வந்தபோது, 2 ஓவரில் 30 ரன்களை விட்டுக் கொடுத்தேன். நான் என் அறைக்குச் சென்று, இந்த டி20 கிரிக்கெட் எனக்கானது அல்ல என்று நினைத்தேன். அப்போது எனக்கு 18 வயது, மிகவும் கவலையாக இருந்தது’, என்று 2 ஸ்லாக்கர்ஸ் போட்காஸ்டில் சாவ்லா கூறினார்.
யுவராஜ் வந்து, என்னை ஜாம்பவான் ஷேன் வார்னை சந்திக்க வைத்தார்.
நான் அவர் அறைக்குச் சென்று பேச ஆரம்பித்தேன். என்னால் ஆங்கிலம் அதிகம் பேச முடியவில்லை, அவர் சொல்வதை புரிந்துகொள்ள முடியவில்லை. ஆனால் என்னால் முடிந்ததை கொஞ்சம் புரிந்துகொண்டேன். 40 நிமிடங்களுக்குப் பிறகு, நான் அவருடைய அறையை விட்டு வெளியே வந்த போது, விளையாட்டுக்கு சொல்லவில்லை.. என்னை விட சிறந்த பந்து வீச்சாளர் யாரும் இல்லை என்று உணர்ந்தேன்.
அவர் என்னிடம் நிறைய விஷயங்களைச் சொன்னார், கிரிக்கெட் பற்றிய சிறிய விஷயங்களை எனக்குப் புரிய வைத்தார்.
பயிற்சியாளர் டாம் மூடி அடுத்த ஆட்டத்தில் வேறு சில சுழற்பந்து வீச்சாளர்களை முயற்சிக்க விரும்பினார், ஆனால் யுவராஜ் மற்றும் அணியைச் சேர்ந்த சில மூத்த வீரர்கள் அவரை சமாதானப்படுத்தினர்.
அடுத்த ஆட்டத்தில், சாவ்லா 2/19 என்ற ஸ்பெல் மூலம் தனது காலடியைக் கண்டுபிடித்தார். 17 ஆண்டுகளுக்குப் பிறகு, இதோ அவர், 192 ஐபிஎல் விக்கெட்டுகளை வீழ்த்திய மூத்த வீரர், இன்னும் வலுவாக இருக்கிறார்.
ஷேன் வார்ன் திறமையான பந்துவீச்சாளர் மட்டுமல்ல, ஒரு சிறந்த மனிதராகவும் இருந்தார். 2022 ஆம் ஆண்டு மார்ச் மாதம் 52 வயதில் உலகம் அவரை இழந்தது. ஆனால் அவரது பந்துவீச்சு, சாதனைகள், அவர் விட்டுச் சென்ற கதைகள் மற்றும் அவரது மரபு இன்னும் பல ஆண்டுகளாக நீடிக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.