உங்க PF அக்கவுன்டில் ஓனர் பணம் செலுத்த லேட் ஆனால்... சுப்ரீம் கோர்ட் முக்கிய உத்தரவு

Employer obligated to pay damages for delay in payment of EPF contribution: Supreme Court: ஒரு பணியாளரின் பணியாளர் வருங்கால வைப்பு நிதி (இபிஎஃப்) செலுத்துவதில் தாமதம் ஏற்பட்டால், இழப்பீட்டுத் தொகையைச் செலுத்த சம்பந்தப்பட்ட நிறுவனம் கடமைப்பட்டிருக்கிறது என்று உச்ச நீதிமன்றம் புதன்கிழமை கூறியுள்ளது.

நீதிபதிகள் அஜய் ரஸ்தோகி மற்றும் அபய் எஸ் ஓகா ஆகியோர் அடங்கிய பெஞ்ச், ஊழியர் வருங்கால வைப்பு நிதி மற்றும் இதர விதிகள் சட்டம் என்பது எந்தவொரு நிறுவனத்திலும் பணிபுரியும் மற்றும் 20 அல்லது அதற்கு மேற்பட்ட நபர்களை ஈடுபடுத்துவதற்கான சமூகப் பாதுகாப்பை வழங்குவதற்கான சட்டமாகும்.

வருங்கால வைப்பு நிதிக்கான கட்டாயப் பிடித்தம் செய்வது மற்றும் அதனை EPF அலுவலகத்தில் உள்ள தொழிலாளர்களின் கணக்கில் வைப்புச் செய்ய வேண்டிய கட்டாயத்தை நிறுவனத்தின் மீது சட்டம் சுமத்துகிறது என்று உச்ச நீதிமன்றம் கூறியது.

இதையும் படியுங்கள்: Post Office Scheme: PF அக்கவுண்ட் இல்லாதவங்க இதை யூஸ் பண்ணுங்க; Bank FD-யை விட அதிக வட்டி!

“சட்டத்தின் கீழ் நிறுவனத்தால் EPF பங்களிப்பை செலுத்துவதில் ஏதேனும் தவறு அல்லது தாமதம் ஏற்பட்டால், அது சட்டம் 1952 இன் பிரிவு 14B இன் கீழ் நஷ்டஈடு விதிக்கப்படாது என்று நாங்கள் கருதுகிறோம், சிவில் கடமைகள்/பொறுப்புகளை மீறியதற்காக அபராதம்/சேதங்கள் விதிப்பதற்கு mens rea அல்லது Actus reus இன்றியமையாத அம்சம் அல்ல” என்று பெஞ்ச் கூறியது.

EPF-ன் பங்களிப்பை செலுத்தத் தவறினால், நிறுவனம் நஷ்டஈடு செலுத்த வேண்டும் என்ற கர்நாடக உயர் நீதிமன்றத்தின் தீர்ப்பை எதிர்த்து தாக்கல் செய்யப்பட்ட மேல்முறையீட்டு மனுவை விசாரித்த உச்ச நீதிமன்றம் இவ்வாறு கூறியுள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil