பிரதமர் கிசான் சம்மன் நிதி யோஜனா திட்டத்தின் 13வது தவணையை திங்கள்கிழமை வெளியிட்ட பிரதமர் மோடி, பயனாளிகளின் தனிப்பட்ட கணக்குகளுக்கு ரூ.16,000 கோடி மாற்றப்பட்டுள்ளதாக தெரிவித்தார். மேலும், பிரதமர் கிசான் சம்மன் நிதி திட்டத்தின் கீழ், ஒரே கிளிக்கில் கோடிக்கணக்கான விவசாயிகளின் கணக்கில் 16,000 கோடி ரூபாய் டெபாசிட் செய்யப்பட்டுள்ளது என்று பிரதமர் மோடி கூறினார்.
பிரதான் மந்திரி கிசான் சம்மன் நிதி (PM-KISAN) திட்டத்தின் கீழ் 13 வது தவணையில் மொத்த தொகையானது கர்நாடகாவின் பெலகாவியில் நடந்த நிகழ்ச்சியில் 80 மில்லியன் விவசாயிகளுக்கு மாற்றப்பட்டது. இந்த சமீபத்திய தவணை மூலம், பயனாளிகளுக்கு மாற்றப்பட்ட மொத்தத் தொகை ரூ.2.30 லட்சம் கோடியைத் தாண்டும் என்று எதிர்பார்க்கப்படுகிறது.
இதையும் படியுங்கள்: EPFO NEWS: அதிக பென்ஷன் விருப்பமா? தேர்வு செய்ய கடைசி தேதி அறிவிப்பு
PM kisan பயனாளிகளின் நிலையை எவ்வாறு சரிபார்க்கலாம்
பிரதமர் கிசான் யோஜனாவின் அதிகாரப்பூர்வ இணையதளமான http://www.pmkisan.gov.in ஐப் பார்வையிடவும்
பின் Farmer Corner சென்று Beneficiary Status டேப்பில் கிளிக் செய்யவும்.
உங்கள் மொபைல் எண் அல்லது பதிவு எண்ணைப் பயன்படுத்தி இந்த இரண்டில் ஏதேனும் ஒன்றின் மூலம் உங்கள் PM Kisan Yojana நிலையை ஆன்லைனில் சரிபார்க்கவும்.
பெட்டியில் உங்கள் மொபைல் எண் அல்லது பதிவு எண்ணை உள்ளிட்ட பிறகு, கேப்ட்சா குறியீட்டை உள்ளிட்ட பிறகு, நீங்கள் டேட்டாவைப் பெறுங்கள் என்ற பொத்தானைக் கிளிக் செய்ய வேண்டும்.
தரவைப் பெற, பொத்தானைக் கிளிக் செய்த பிறகு, PM கிசான் யோஜனாவின் ஆன்லைன் நிலை உங்கள் முன் தோன்றும்.
பிரதமர் கிசான் சம்மன் நிதி யோஜனா: பட்டியலில் பெயர் மற்றும் கணக்கில் பணம் வந்துள்ளதை எவ்வாறு சரிபார்ப்பது
https://pmkisan.gov.in/ க்குச் செல்லவும்
Payment Success தாவலின் கீழ், நீங்கள் இந்தியாவின் வரைபடத்தைப் பார்ப்பீர்கள்
வலது பக்கத்தில் உள்ள ‘டாஷ்போர்டு’ எனப்படும் மஞ்சள் நிற தாவலைச் சரிபார்க்கவும்.
‘டாஷ்போர்டை’ கிளிக் செய்யவும்
இப்போது, நீங்கள் ஒரு புதிய பக்கத்திற்கு அழைத்துச் செல்லப்படுவீர்கள்.
கிராம டாஷ்போர்டு தாவலில் உங்கள் விவரங்களை நிரப்பவும்
உங்கள் மாநிலம், மாவட்டம், துணை மாவட்டம் மற்றும் பஞ்சாயத்தை தேர்ந்தெடுக்கவும்
பின்னர் ஷோ பட்டனை கிளிக் செய்யவும்
இப்போது, நீங்கள் உங்கள் விவரங்களை தேர்வு செய்யலாம். இதில் உங்கள் பெயர் மற்றும், இந்த தவணைக்கு வரவு வைக்கப்பட்டுள்ள விவரங்களைத் தெரிந்துக் கொள்ளலாம்.
இதுதவிர பி.எம் கிசானில் இணைக்கப்பட்ட உங்கள் மொபைல் எண்ணிற்கு எஸ்.எம்.எஸ் வரும். மேலும் உங்கள் வங்கியில் வரவு வைக்கப்பட்டதற்கான எஸ்.எம்.எஸ், உங்கள் வங்கியிலிருந்து வரும். இதன் மூலமும் உங்கள் பணம் வந்துள்ளதை தெரிந்துக் கொள்ளலாம்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
