வங்க தேசத்தில் MBBS படிப்பு; தகுதி, கட்டணம் உள்ளிட்ட முழு விவரங்கள் இங்கே

NEET UG 2023: பங்களாதேஷ் அனைத்து இந்திய மாணவர்களுக்கும் விருப்பமான இடமாக இல்லை என்றாலும், தெற்காசியாவில் படிக்க விரும்பும் மருத்துவ மாணவர்களால் விரும்பப்படுகிறது. இந்திய அரசாங்கத்தால் வழங்கப்பட்ட தரவுகளின்படி, 2022 இல் வங்காளதேசத்தில் கிட்டத்தட்ட 9,308 இந்திய மாணவர்கள் படிக்கின்றனர்.

இந்த 9000 இந்திய மாணவர்களில், 922 பேர் வெளிநாட்டு மருத்துவ பட்டதாரி தேர்வை (FMGE) எழுதினர் மற்றும் 370 மாணவர்கள் 2021 இல் மருத்துவத் திரையிடல் தேர்வில் தேர்ச்சி பெற்றனர்.

இதையும் படியுங்கள்: NEET 2023: நீட் தேர்வில் அதிக மதிப்பெண் பெற பயாலஜி முக்கியம்; எப்படி தயாராவது? டிப்ஸ் இங்கே

தகுதி

12 ஆம் வகுப்பில் இயற்பியல், வேதியியல், உயிரியல் பாடங்களில் குறைந்தபட்சம் 50% மொத்த மதிப்பெண்

நீட் தகுதி (50 சதவீதம்)

எந்த தொற்று நோய்களுக்கும் எதிரான மருத்துவ அனுமதி

குறைந்தபட்ச வயது தேவை 17 ஆண்டுகள்

பாட அமைப்பு

பங்களாதேஷில் இளங்கலை மருத்துவம் மற்றும் இளங்கலை அறுவை சிகிச்சை (MBBS) படிப்பு ஒரு வருட இன்டர்ன்ஷிப்புடன் ஐந்து ஆண்டுகள் ஆகும். அனைத்து மருத்துவ மாணவர்களும் தங்களின் பட்டப்படிப்புச் சான்றிதழைப் பெற, அவர்களின் இன்டர்ன்ஷிப் ஆண்டை முடிக்க வேண்டும்.

சேர்க்கை செயல்முறை

பங்களாதேஷ் பல்கலைக்கழகங்களில் எம்.பி.பி.எஸ் படிப்பில் சேர, விண்ணப்பதாரர்கள் முதலில் ஒரு நிறுவனத்தைத் தேர்ந்தெடுத்து, குறிப்பிட்ட பல்கலைக்கழகத்திற்கான விண்ணப்பப் படிவத்தை நிரப்ப வேண்டும். NEET மதிப்பெண் கட்டாய தகுதி அளவுகோல் என்பதை விண்ணப்பதாரர்கள் கவனிக்க வேண்டும்.

தேர்ந்தெடுக்கப்பட்ட பல்கலைக்கழகம் நிபந்தனை அனுமதிக் கடிதத்தை வழங்கியவுடன், மாணவர்கள் அரசு படிவங்களை பூர்த்தி செய்து, பாஸ்போர்ட் நகல், கல்வி பட்டதாரி சான்றுகள், அடையாள சான்று, பல்கலைக்கழகத்தின் நிபந்தனை அனுமதி கடிதம் போன்ற தேவையான ஆவணங்களை இணைத்து படிப்பு விசாவிற்கு விண்ணப்பிக்கலாம்.

கல்வி கட்டணம்

MBBS பட்டப்படிப்பின் முழுநேரத் துறையில் உள்ள படிப்புகள், முழுப் பட்டப்படிப்புக்கும் தோராயமாக ரூ. 30 லட்சம் - 40 லட்சம் செலவாகும், இதில் பொதுவாக விடுதிக் கட்டணங்களும் அடங்கும்.

கற்பித்தல் மொழி

வழக்கமாக, வங்கதேசத்தில் உள்ள அனைத்து பல்கலைக்கழகங்களிலும் MBSS ஆங்கிலத்தில் கற்பிக்கப்படுகிறது. ஆங்கிலம் தவிர, நாட்டின் உள்ளூர் மொழியான பங்களா-விலும் கற்பிக்கப்படுகிறது.

அங்கீகரிக்கப்பட்ட கல்லூரிகள்

பங்களாதேஷில் பல பிரபலமான மருத்துவக் கல்லூரிகள் உள்ளன. பெரும்பாலான இந்திய மாணவர்கள் FMGE தேர்வில் தேர்ச்சி பெற்ற கல்லூரிகளில் சில, பயன்பாட்டு சுகாதார அறிவியல் நிறுவனம் (IAHS), பங்களாதேஷ் மருத்துவக் கல்லூரி (BMSRI), சமூக அடிப்படையிலான மருத்துவக் கல்லூரி பங்களாதேஷ் (Cbmcb), கிழக்கு மருத்துவக் கல்லூரி கொமிலா, குவாஜா யூனுஸ் அலி மருத்துவக் கல்லூரி, குமுதினி மகளிர் மருத்துவக் கல்லூரி, பிரைம் மருத்துவக் கல்லூரி, ரங்பூர் சமூக மருத்துவக் கல்லூரி, தைருன்னெசா நினைவு மருத்துவக் கல்லூரி மற்றும் மருத்துவமனை மற்றும் பல.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil