தமிழக தேர்தல் களம் ஹைலைட்ஸ்: தமிழக தேர்தல் ஆணையத்தின் புதிய ஆணையர் இன்று பொறுப்பேற்பு!

பாலியல் புகாரில் சிக்கிய அமமுக வேட்பாளர் கதிர் காமு முன்ஜாமீன்  கோரி உயர்நீதிமன்ற மதுரைகிளையில்   மனுதாக்கல் செய்துள்ளார்.   

The Election Commission has stalled the release of biopic of PM @narendramodi https://t.co/lyg2krBQ6Q

— The Indian Express (@IndianExpress) April 10, 2019

பி.எம்.நரேந்திர மோடி படத்தை வெளியிட தடைவிதித்தது தேர்தல் ஆணையம் உத்தரவிட்டுள்ளது. 

திமுக பொருளாளர் துரைமுருகனின் மகன் கதிர் ஆனந்த் மீது தவறான பிரமாணப்பத்திரம் தாக்கல் என்ற பிரிவில் காட்பாடி போலீசார் வழக்குப்பதிவு   செய்துள்ளனர். வருமான வரித்துறை சோதனை தொடர்பாக லஞ்சம் கொடுக்க முயற்சி உள்ளிட்ட 2 பிரிவுகளின் கீழ் சீனிவாசன், தாமோதரன் ஆகியோர் மீதும் வழக்குப்பதிவு செய்யப்பட்டுள்ளது. 

கடந்த  வாரம் வேலூரில் உள்ள திமுக பொருளாளர் துரை முருகன் மற்றும் அவரது மகன் வீட்டில்  வருமான வரித்துறையினர் சோதனை நடத்தினர்.  இந்த சோதனையின் முடிவில் பணம் பறிமுதல் செய்யப்பட்டதாக தகவல் வெளியானது. இந்நிலையில், இந்த வருமான வரித்துறை சோதனை குறித்து வேலூர் காட்பாடி காவல் நிலையத்தில் புகார் பதிவு செய்யப்பட்டுள்ளதாக தமிழக தலைமை தேர்தல் அதிகாரி சத்யபிரதா சாஹூ தெரிவித்துள்ளார். 

தூத்துக்குடியில்   வேட்பாளராக களம் இறங்கியுள்ள திமுக எம்பி கனிமொழிக்கு ஆதரவாக திமுக  தலைவர் ஸ்டாலின் பிரச்சாரம்  மேற்கொண்டு வருகிறார்.   பொதுமக்களிடம் பேசிய அவர், கவிஞர், சமூக போராளி உள்பட பல்வேறு முகங்களை கொண்ட பார்லிமெண்ட் டைகர் கனிமொழி என்று குறிப்பிட்டார்.  ஸ்டாலினின் இந்த பேச்சுக்கு  மக்களிடையே  பலத்த வரவேற்பு. 

வாரணாசி மக்களவை தொகுதியில் போட்டியிட பிரதமர் மோடி வரும் 25ஆம் தேதி வேட்புமனு தாக்கல் செய்ய இருப்பதாக தகவல் வெளியாகியுள்ளது.

விடுதலைச் சிறுத்தைகள் கட்சி நிர்வாகிகள் உஷா ராணி, தலித் மலர் ஆகியோர் மீது சென்னையில் வழக்குப்பதிவு செய்யப்பட்டுள்ளது. பொள்ளாச்சி சம்பவத்தை  கண்டித்து மார்ச் 15-ல் நடந்த போராட்டத்தில் அரசு பற்றி அவதூறு பேசியதாக புகார் கலவரத்தை தூண்டும் வகையில் பேசுதல் உள்ளிட்ட 2 பிரிவுகளில் போலீசார் வழக்குப்பதிவு செய்துள்ளனர். 

பாசிச பாஜக அரசை அகற்றிட
ஊழல் மலிந்த அதிமுக அரசை அகற்றிட

12 ஏப்ரல் 2019 அன்று தமிழகம் வருகிறார் இளம் தலைவர் திரு @RahulGandhi #TNWelcomesRahulGandhi pic.twitter.com/JrDFSX9IvE

— Tamil Nadu Congress Committee (@INCTamilNadu) 9 April 2019

மக்களவவைத் தேர்தலில் வயநாடு, அமேதி தொகுதிகளில் போட்டியிடும் காங்கிரஸ் தலைவர் ராகுல் காந்தி, அமேதி தொகுதியில் இன்று தனது வேட்பு மனுவை தாக்கல் செய்கிறார்.