குடியரசுத் தலைவரை சந்தித்து ஆட்சியமைக்க உரிமை கோரினார் நரேந்திர மோடி!

டெல்லியில் குடியரசுத் தலைவர் ராம்நாத் கோவிந்தை சந்தித்து ஆட்சியமைக்க உரிமை கோரினார் நரேந்திர மோடி. என்டிஏ கூட்டணி எம்.பி.க்களின் ஆதரவு கடிதத்தை குடியரசுத் தலைவரிடம் அமித் ஷா வழங்கினார். வரும் 30ம் தேதி 2வது முறையாக பிரதமராக பதவியேற்கிறார் மோடி.

கமல்ஹாசனுக்கு கிடைத்த வாக்கு சதவிகிதம் அவருடைய ரசிகர்கள் கூட்டத்தால் கிடைத்தது; அவருடைய கட்சியின் கொள்கைக்காக கிடைத்தது அல்ல - க.பொன்முடி

ஸ்டாலின் சிறப்பாக செயல்பட்டால் அடுத்த சட்டசபை கூட்டத்தொடரில் அ.தி.மு.க ஆட்சி கவிழும் - அ.ம.மு.கவின் வெற்றிவேல்

புதிய கடமைகளை முழுமையாக நிறைவேற்ற தயாராக உள்ளோம்

யார் சேவை செய்வார்கள் என்பதை அறிந்து மக்கள் எங்களை தேர்ந்தெடுத்துள்ளனர்

- நரேந்திர மோடி #NarendraModi#BJPpic.twitter.com/VcVZnUOOYX

— PuthiyathalaimuraiTV (@PTTVOnlineNews) 25 May 2019

திமுக மக்களவை குழுத் தலைவராக டி.ஆர்.பாலு தேர்வு. இதர நிர்வாகிகள் தேர்வு குறித்த முழு தகவலையும் அறிய இங்கே க்ளிக் செய்யவும்

சென்னை அசோக் நகரில் உள்ள தலைமையகத்தில் டிடிவி தினகரன் தலைமையில், ஜூன் 1ம் தேதி காலை 10 மணிக்கு அமமுக நிர்வாகிகள் ஆலோசனை கூட்டம் நடைபெறுகிறது.

மாவட்ட செயலாளர்கள், நாடாளுமன்ற, சட்டமன்ற தொகுதி வேட்பாளர்கள் பங்கேற்க வேண்டும் என அமமுக தரப்பில் தெரிவிக்கப்பட்டுள்ளது.

மக்களவை தேர்தலில் வெற்றிப் பெற்ற திமுக எம்.பி.க்களின் கூட்டம் சென்னை அண்ணா அறிவாலயத்தில் திமுக தலைவர் மு.க.ஸ்டாலின் தலைமையில் தொடங்கியது; திமுக நாடாளுமன்ற குழு தலைவர், துணைத்தலைவர் உள்ளிட்ட பல பொறுப்புகளில் யார் யாரை நியமிப்பது என்பது பற்றி ஆலோசனை.

டெல்லியில் பாஜக கூட்டணி கட்சிகளின் எம்.பி.க்கள் கூட்டம் நடைபெற்று வருகிறது; அமைச்சரவையில் யாரெல்லாம் இடம்பெறுவார்கள் என்பது பற்றி விவாதிக்கப்படலாம் என தெரிகிறது.

பாஜக தலைவர் அமித்ஷா, மூத்த தலைவர் அத்வானி, முரளிமனோகர் ஜோஷி உள்ளிட்டோர் பங்கேற்பு.

நாளை காலை 10 மணிக்கு அமமுக பொதுச் செயலாளர் டிடிவி தினகரன் செய்தியாளர்களை சந்திக்கிறார்.

ராகுல் காந்தி பதவியை ராஜினாமா செய்ய முன்வந்தார்; ஆனால் ராகுல் காந்தியின் முடிவை காங். காரிய கமிட்டி ஒருமனதாக நிராகரித்தது - காங்கிரஸ் செய்தித் தொடர்பாளர்

காங்கிரஸ் தலைவராக ராகுல் காந்தியே நீடிப்பார் என காங்கிரஸ் செயற்குழு கூட்டத்தில் முடிவு எடுக்கப்பட்டுள்ளது. கட்சியில் அனைத்து முடிவுகளையும் எடுக்கும் அதிகாரத்தை ராகுலுக்கு வழங்கி தீர்மானம் நிறைவேற்றப்பட்டுள்ளது.

மத்தியில் ஆட்சி அமைக்க கோருவது தொடர்பாக, ஜனாதிபதி ராம்நாத் கோவிந்தை, பிரதமர் மோடி இன்று (25ம் தேதி) இரவு 8 மணிக்கு சந்தித்து பேச உள்ளார்.

டில்லியில், ஜனாதிபதி ராம்நாத் கோவிந்தை, தலைமை தேர்தல் ஆணையர் சுனில் அரோரா சந்தித்துப் பேசினார்.  மக்களவை தேர்தலில் வெற்றி பெற்றவர்களின் பட்டியலை, சுனில் அரோரா, ஜனாதிபதியிடம் வழங்கினார்.

கட்சி தொடங்கிய சிறிது காலத்திலேயே, தேர்தலை சந்தித்து கணிசமான வாக்குகளை பெற்றுள்ள கமல், மிகுந்த வரவேற்பை பெறுவார் என நடிகர் பிரகாஷ் ராஜ் பாராட்டு தெரிவித்துள்ளார்.

16வது லோக்சபாவை கலைத்து ஜனாதிபதி ராம்நாத் கோவிந்த் உத்தரவு.

மத்திய அமைச்சரவை, லோக்சபாவை கலைத்து நிறைவேற்றிய தீர்மானத்தையடுத்து ஜனாதிபதி உத்தரவு

காங்கிரஸ் தலைவர் பதவியில் இருந்து ராகுல் காந்தி ராஜினாமா செய்துவிட்டதாக ANI  செய்தி வெளியிட்டிருந்தது. இந்த செய்திக்கு காங்கிரஸ் கட்சி மறுப்பு தெரிவித்துள்ளது. இதுதொடர்பாக, காங்கிரஸ் கட்சியின் செய்தித்தொடர்பாளர் ரந்தீப் சிங் சுர்ஜ்வாலா, ராகுல் ராஜினாமா என்ற செய்தியில் உண்மையில்லை. கட்சி செயற்குழு கூட்டம் நடைபெற்று கொண்டிருக்கிறது என்று தெரிவித்துள்ளார்.

சென்னை அண்ணா அறிவாலயத்தில் திமுக தலைவர் ஸ்டாலினை ,  மதிமுக பொதுச்செயலாளர் வைகோ, ஈரோடு தொகுதி எம்.பி கணேசமூர்த்தி ஆகியோர் சந்தித்து தேர்தல் வெற்றிக்கு வாழ்த்து தெரிவித்தனர்.

லோக்சபா தேர்தல் தோல்வி குறித்து விவாதிக்கும் பொருட்டு, காங்கிரஸ் கட்சியின் செயற்குழு கூட்டம், கட்சி தலைவர் ராகுல் காந்தி தலைமையில் துவங்கியது.  இந்த கூட்டத்தில், சோனியா காந்தி, மன்மோகன் சிங், பிரியங்கா காந்தி, மல்லிகார்ஜூனா கார்கே உள்ளிட்டோர் கலந்துகொண்டுள்ளனர்.

பிரதமர் பதவியை இரண்டாவது முறையாக ஏற்க உள்ள மோடிக்கு, பாட்டாளி மக்கள் கட்சி நிறுவனர் ராமதாஸ் வாழ்த்து தெரிவித்துள்ளார்.

குருவின் நினைவு தினத்தையொட்டி திண்டிவனம் கோனேரிகுப்பத்தில் அமைந்துள்ள அவரது சிலைக்கு,  ராமதாஸ், அன்புமணி ஆகியோர் மரியாதை செலுத்தினர்.

மக்களவை தேர்தல் வெற்றியை தொடர்ந்து, நாளை மாலை குஜராத் சென்று தனது தாயாரிடம் வாழ்த்து பெறுகிறார் பிரதமர் மோடி

திங்கட்கிழமை, வாரணாசி தொகுதிக்கு சென்று வாக்காளர்களுக்கு நன்றி தெரிவிக்கிறார்.

சென்னை மெரினாவில் உள்ள அண்ணா நினைவிடத்தில் மலர் வளையம் வைத்து திமுக தலைவர் ஸ்டாலின் மரியாதை. 

டி.ஆர்.பாலு, ஆ.ராசா, தயாநிதி மாறன், கனிமொழி உள்ளிட்ட முக்கிய நிர்வாகிகளும் மரியாதை செலுத்தினர்.

மக்களவை மற்றும் சட்டமன்ற இடைத்தேர்தலில் திமுக சார்பில் போட்டியிட்டு வெற்றி பெற்றவர்களும், கருணாநிதி நினைவிடத்தில் மரியாதை செலுத்தினர்.

முதல்வர் பழனிசாமி, துணை முதலமைச்சர் பன்னீர்செல்வம் மற்றும் தேனி தொகுதி எம்.பி ரவீந்திரநாத் ஆகியோர் சென்னையில் இருந்து விமானம் மூலம் டெல்லி புறப்பட்டு சென்றனர்.

சென்னை கிரீன்வேஸ் இல்லத்தில் முதலமைச்சர் பழனிசாமியை நேரில் சந்தித்து, வாழ்த்து பெற்றார் ஓபிஎஸ் மகன் ரவீந்திரநாத்.

திமுக தலைவர் ஸ்டாலின் அண்ணா அறிவாலயம் வருகை

சென்னை சி.ஐ.டி காலனி இல்லம் சென்று ராஜாத்தி அம்மாளிடம் ஆசி பெற்றார் ஸ்டாலின்