Kamal Haasan’s Indian 2: இயக்குநர் ஷங்கரின் இந்தியன் 2 திரைப்படம் 2017-ம் ஆண்டு அறிவிக்கப்பட்டது.
முதல் பாகம் மாபெரும் வெற்றி பெற்றதையடுத்து, 23 வருடம் கழித்து மீண்டும் கமல் ஹாசன் – ஷங்கர் கூட்டணி இணைவதால் ரசிகர்கள் மிகுந்த மகிழ்ச்சியடைந்தனர். லைகா புரடக்ஷன் தயாரிக்கும் இந்தப் படத்திற்கு இசை அனிருத் எனவும் அறிவிக்கப்பட்டது. முக்கிய வேடத்தில் காஜல் அகர்வால் ஒப்பந்தம் செய்யப்பட்டு, ஃபோட்டோ ஷூட் நடத்தப்பட்டு, 2 கட்ட படபிடிப்புகளும் நடத்தப்பட்டன. பின்னர் அரசியலில் கமல் பிஸியாகிவிட்டதால், ப்ராஜெக்ட் ஹோல்ட் செய்யப்பட்டது.
ஐஸ்வர்யா ராஜேஷ் – பிரியா பவானி சங்கர்[/caption]
இந்நிலையில் தற்போது மீண்டும் 2 முக்கிய நடிகைகள் ஒப்பந்தம் செய்யப்பட்டுள்ளதாக நெருங்கிய வட்டாரங்கள் தெரிவிக்கின்றன. முக்கியத்துவம் வாய்ந்த கதைகளை தேர்ந்தெடுத்து நடிக்கும் ஐஸ்வர்யா ராஜேஷ் மற்றும் பிரியா பவானி சங்கர் ஆகிய இருவரும், இந்தியன் 2 படத்தில் அழுத்தமான கதாபாத்திரங்களில் நடிக்கிறார்களாம்.
தலைவன் இருக்கின்றான்: கமலுடன் இணைந்த ஏ.ஆர்.ரஹ்மான்!
அதோடு இந்தியன் 2 படபிடிப்பை மீண்டும் ஆகஸ்டில் துவங்க இருக்கிறாராம் கமல். அதில் கமல், காஜல், ஐஸ்வர்யா ராஜேஷ், பிரியா பவானி சங்கர் ஆகியோர் சம்பந்தப்பட்ட காட்சிகள் படமாக்கப்படவிருக்கிறதாம்.
