நடிகர் சங்கத் தேர்தல்: உறுப்பினர்கள் நீக்கம் தொடர்பான நடைமுறைகள் முறையாக பின்பற்றப்பட்டுள்ளது - நீதிபதி

நடிகர் சங்கம்: தேர்தல் ரத்தை எதிர்த்து விஷால் அணியினர் சென்னை உயர் நீதிமன்றத்தில் மேல்முறையீடு

சரியும் விஷால் சாம்ராஜ்யம்? நடிகர் சங்கத்தில் என்ன தான் நடக்கிறது?

ஆளுநரை சந்தித்துவிட்டு வந்த சுவாமி சங்கர தாஸ் அணியின் ஐசரி கணேஷ் செய்தியாளர்களை சந்தித்தார். அப்போது, “நடிகர் சங்கத்தின் பிளவுக்கு விஷால் மட்டும் காரணமல்ல, நாசர், கார்த்தி ஆகியோரும் தான் காரணம். விஷால் அணியினர் ஆளுநரை சந்தித்ததால் நாங்களும் சந்தித்தோம். நடிகர் சங்கத் தேர்தல் நிறுத்தப்பட்டது குறித்து ஆளுநரிடம் புகார் மனு அளித்துள்ளோம்” என்றார். 

நடிகர் சங்க உறுப்பினர்கள் நீக்கம் தொடர்பான ஆவணங்களை பிற்பகலில் தாக்கல் செய்ய சென்னை உயர்நீதிமன்றம் உத்தரவு பிறப்பித்துள்ளது. அதோடு நீக்கப்பட்ட உறுப்பினர்கள் அனைவரும் போலியானவர்கள் என்றால், கடந்தத் தேர்தலில் அவர்கள் எப்படி வாக்களித்தார்கள் என்ற கேள்வியையும் நடிகர் சங்கத்திடம், உயர் நீதிமன்றம் எழுப்பியுள்ளது. 

நடிகர் சங்கத்திலிருந்து 53 உறுப்பினர்களை எப்படி நீக்கினீர்கள், என நடிகர் சங்கத்திடம் சென்னை உயர் நீதிமன்ற நீதிபதி கேள்வி எழுப்பினார். அதற்கு, சந்தா செலுத்தாததால் 53 பேரை நீக்கி விட்டோம். தவிர 52 பேர் இறந்து விட்டனர் என நடிகர் சங்கம் சார்பில் பதிலளிக்கப்பட்டுள்ளது. 

தமிழக ஆளுநர் பன்வாரிலால் புரோகித்துடன் சுவாமி சங்கரதாஸ் அணியினர் சந்திப்பில் ஈடுபட்டு வருகிறார்கள். இந்த அணியின் சார்பில் ஐசரி கணேஷ், கே.பாக்யராஜ், குட்டி பத்மினி, பிரசாந்த், சங்கீதா உள்ளிட்டோர் ஆளுநரை சந்தித்துக் கொண்டிருக்கிறார்கள். 

விஷால் அணியினர் நேற்று ஆளுநரை சந்தித்த நிலையில்  இன்று சுவாமி சங்கரதாஸ் அணியினரும் ஆளுநரை சந்திக்கின்றனர். இந்நிலையில் தற்போது சென்னை கிண்டி ஆளுநர் மாளிகைக்கு ஐசரி கணேஷ் அணி வருகை புரிந்துள்ளார். 

நடிகர் சங்கத் தேர்தலை ரத்து செய்து, சங்கங்களின் பதிவாளர் நேற்று உத்தரவிட்ட நிலையில், நடிகர் சங்கத் தேர்தல் நிறுத்தப்பட்டதை எதிர்த்து விஷால் தலைமையிலான அணி சென்னை உயர்நீதிமன்றத்தில் முறையீடு செய்துள்ளது. 

நேற்று விஷாலின் ‘பாண்டவர் அணி’ ஆளுநரை சந்தித்து தங்களது பிரச்னைகளை விவரித்தனர். இதற்கிடையே இன்று பாக்யராஜ் தலைமையிலான ‘சுவாமி சங்கர தாஸ்’ அணி ஆளுநரை சந்திக்கிறது.