காலை உணவுக்குப் பின் இந்த பழம் சாப்பிடுங்க... குழந்தைகளுக்கு ரொம்ப நல்லது – மருத்துவர் சிவராமன்

ஊட்டச்சத்து குறைபாடு, உடல் எடை இழப்பு மற்றும் குழந்தைகள் உடல் மெலிந்து போதல் என்பது இன்றைய சூழலில் சாதாரண ஒன்றாகும். அப்படி இருக்கும் போது தினமும் காலையில் குழந்தைகளுக்கு மருத்துவர் சிவராமன் கூறும் இந்த ஒரு பழத்தை கட்டாயம் சாப்பிட கொடுக்க வேண்டும். 

காலை உணவுக்கு பின் தினமும் ஒரு வாழைப்பழம் எடுத்தாலே போதும் உடலுக்கு அவ்வளவு ஆரோக்கியமாக இருக்கும்.

வாழைப்பழத்தில் பொட்டாசியம், மெக்னீசியம் போன்ற பல முக்கிய சத்துக்கள் உள்ளன. அதுமட்டுமின்றி வாழைப்பழத்தில் ரத்த சர்க்கரை அளவை  கட்டுப்படுத்தும் ஊட்டச்சத்துக்களும் உள்ளன.

வாழைப்பழம் செரிமானத்தை மேம்படுத்தும், இதயத்திற்கு நல்லது. பசியை கட்டுப்படுத்தவும் உதவும். இப்படி பல நன்மைகள் கொண்ட வாழைப்பழத்தை காலையில் உணவுக்கு பின் எடுத்து கொள்வது குறித்து மருத்துவர் சிவராமன் விளக்கி கூறுவது பற்றி பார்ப்போம்.

தினமும் காலையில் தொடர்ந்து ஒரு வாழைப்பழம் சாப்பிட வேண்டும். வளரக்கூடிய குழந்தைகளுக்கு தினமும் ஒரு வாழைப்பழம் மிக மிக அவசியம். உடலுக்கு கூடுதல் ஆற்றல் கொடுக்கும்.

அதிலும் உடல் மெலிந்த குழந்தைகளுக்கு செவ்வாழை கொடுக்கலாம். காலையில் நேந்திரம் வாழைப்பழமும் சாப்பிட கொடுக்கலாம். அது உடல் ஆரோக்கியத்தை கூட்டும். உடல் வளர்ச்சிக்கும் உதவும்.

காலை உணவுக்கு பின் சாப்பிட வேண்டிய பழம் | Dr.Sivaraman speech on banana

மனதை சாந்தமாக வைத்துக் கொள்வதற்கும் உடல் ஆரோக்கியமாக உற்சாகமாக வைத்துக் கொள்வதுக்கும் வாழைப்பழம் மிக அவசியம்.

அதுமட்டுமின்றி மூளை திறனை மேம்படுத்தவும் உதவும். எனவே வளரும் குழந்தைகளுக்கு தினமும் காலை உணவுக்கு பின் ஒரு வாழைப்பழம் கொடுப்பது அவ்வளவு நல்லது.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“