தற்போதைய வாழ்க்கை முறையில், உடல் பருமன் மற்றும் தொப்பை ஒரு பெரும் பிரச்சனையாக உருவெடுத்துள்ளது. பலர் தொப்பையை குறைக்க பல்வேறு வழிகளை தேடுகின்றனர். ஜிம்முக்கு செல்ல நேரமில்லாதவர்கள், கடுமையான டயட்டுகளை பின்பற்ற முடியாதவர்களுக்கு ஒரு எளிய வழி இங்கே உள்ளது. வெறும் 30 நாட்களில் உங்கள் தொப்பையை குறைக்கும் ஒரு அற்புதமான ஜூஸை வீட்டிலேயே எப்படி தயாரிக்கலாம் என்று பார்ப்போம். இது நிச்சயம் உங்கள் உடலுக்கு ஆரோக்கியத்தையும், புத்துணர்வையும் தரும்.
தேவையான பொருட்கள்:
வெள்ளை பூசணிக்காய்,
சீரகம்,
கறிவேப்பிலை,
இஞ்சி,
உப்பு,
பச்சை மிளகாய் மற்றும்
தயிர்.
செய்முறை:
வெள்ளை பூசணிக்காயை தோல் சீவிய பின்னர், சிறிய துண்டுகளாக வெட்டி எடுத்துக் கொள்ள வேண்டும். இத்துடன் கொஞ்சமாக சீரகம், கறிவேப்பிலை, சிறிய துண்டு இஞ்சி, தேவையான அளவு உப்பு, சிறிது பச்சை மிளகாய் சேர்த்து மிக்ஸியில் அரைக்க வேண்டும். இதனை வடிகட்டி ஒரு ஸ்பூன் தயிருடன் கலந்து நாள்தோறும் வெறும் வயிற்றில் குடித்தால் தொப்பை குறையும்.
இந்த ஜூஸ் தொப்பையை குறைக்க உதவும் என்றாலும், ஆரோக்கியமான உணவு பழக்கம் மற்றும் மிதமான உடற்பயிற்சியும் தொப்பை குறைப்புக்கு அவசியம் என்பதை நினைவில் கொள்ளுங்கள். ஏதேனும் உடல்நல பிரச்சனை உள்ளவர்கள், இந்த ஜூஸை பருகுவதற்கு முன் மருத்துவரின் ஆலோசனையை பெறுவது தேவையற்ற சிக்கல்களை தவிர்க்க உதவும்.
பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/07/19/fat-burner-2025-07-19-21-23-02.jpg)