பேரீச்சம் பழம், நெல்லிக்காய், உலர் திரட்டை ஆகிய பழங்களை குளிர்காலத்தில் காலையில் வெறும் வயிற்றில் சாப்பிட வேண்டும் என்று உணவியல் நிபுணர்கள் கூறுகிறார்கள். ஏன் தெரியுமா? அதில் அவ்வளவு ஆரோக்கிய நன்மை இருக்கிறது.
குடல் ஆரோக்கியம் தொடர்பான பிரச்சனைகளைத் தவிர்க்க, குளிர்காலத்தில் உணவை மாற்றியமைக்க வேண்டும். நார்ச்சத்து, மூலிகைகள் மற்றும் மசாலாப் பொருட்கள், நல்ல கொழுப்பு மற்றும் பருவகால பழங்கள் மற்றும் காய்கறிகள் ஆகியவற்றைச் சேர்ப்பது முக்கியம் என்கிறார்கள்.
குடல் இயக்கம் சீராக இருப்பவர்களுக்கும் குளிர்காலத்தில் மலச்சிக்கல் ஏற்படுவது சகஜம். மலச்சிக்கல் ஒரு நபருக்கு வாரத்திற்கு குறைந்தது மூன்று முறை மலம் கழிக்கும் போது, கடினமான மலம் அல்லது மலம் கழிப்பதில் சிரமம் ஏற்படலாம். எனவே, கோடைகாலத்துடன் ஒப்பிடும்போது குளிர்காலத்தில் மலச்சிக்கல் அதிகமாக ஏற்படுவது ஏன் என்றால், அது நமது அன்றாட பழக்க வழக்கங்களில் ஏற்பட்ட மாற்றத்தால் இருக்கலாம்.
குளிர்காலத்தில் வெப்பநிலை குளிர்ச்சியாக இருப்பதால், நமக்கு தாகம் ஏற்படாததால் தண்ணீர் குறைவாக குடிப்பதால் இது ஏற்படுகிறது. காலை நேரம் பொதுவாக குளிர்ச்சியாக இருப்பதாலும், வழக்கத்தை விட அதிகமாக தேநீர் மற்றும் காபி குடிப்பதாலும், நம் உடலை சூடேற்றுவதற்காக கதகதப்பாக வைத்துக்க்கொள்கிறோம். நாம் சூடான உணவுகளை விரும்புவதால் சாலடுகள் போன்ற மூல உணவுகளின் நுகர்வு குறைகிறது. மொத்தத்தில், குறைவாக தண்ணீர் குடிப்பது, குறைவான உடற்பயிற்சி செய்தல், டீ மற்றும் காபி நிறைய குடிப்பது மற்றும் போதுமான அளவு நார்ச்சத்துள்ள உணவுகளை சாப்பிடாமல் இருப்பது மலச்சிக்கலுக்கு வழிவகுக்கிறது. மலச்சிக்கலைப் போக்க காலை முதல் இரவு வரை நீங்கள் சாப்பிட வேண்டியவை இதுதான். அதிலும், பேரீச்சம் பழம், நெல்லிக்காய், உலர் திராட்சை அந்த பட்டியலில் கட்டாயம் இடம்பிடிக்கிறது.
குளிர்காலத்தில் நமது உணவை மாற்றி குடல் ஆரோக்கியம் தொடர்பான பிரச்சினைகளைத் தவிர்க்க, நார்ச்சத்து, மூலிகைகள் மற்றும் மசாலாப் பொருட்கள், நல்ல கொழுப்பு மற்றும் பருவகால பழங்கள் மற்றும் காய்கறிகளை அதில் சேர்த்துக் கொள்வது அவசியம்.
மலச்சிக்கல் முக்கியமாக வாத தோஷத்தால் (குறிப்பாக அபான வாயு) சமநிலையின்மை (அதிகரிப்பு) காரணமாக ஏற்படுகிறது. அதற்கு சாப்பிடாமல் இருப்பது, உலர்ந்த, குளிர்ந்த, காரமான, வறுத்த மற்றும் துரித உணவுகளை அதிகமாக உட்கொள்வது, போதுமான அளவு குடிக்காதது உள்ளிட்ட பல காரணங்கள் இருக்கலாம். தண்ணீர் குறைவாக குடிப்பது, உணவில் நார்ச்சத்து குறைவாக எடுத்துக்கொள்வது, மோசமான வளர்சிதை மாற்றம், சரியான தூக்கமின்மை, இரவு உணவை தாமதமாக சாப்பிடுதல், உடல் உழைப்பு வேலை செய்யாமல் உட்கார்ந்து கொண்டே வேலை செய்வதால் ஏற்படுகிறது என்று ஆயுர்வேத நிபுணர் டாக்டர் டிக்ஸா பவ்சர் தனது சமீபத்திய இன்ஸ்டாகிராம் பதிவில் கூறுகிறார்.
மலமிளக்கியை உட்கொள்வது மலச்சிக்கலுக்கு நிரந்தர தீர்வு அல்ல என்றும், அதை எதிர்த்துப் போராட உதவும் சில உணவுகளை உணவில் சேர்த்துக் கொள்ள வேண்டும் என்றும் டாக்டர் பாவ்சர் கூறுகிறார்.
மலச்சிக்கலைப் போக்க காலையில் வெறும் வயிற்றில் இந்த பேரிச்சம் பழம், நெல்லிக்காய், உலர் திராட்சை ஆகிய பழங்கள் பரிந்துரைக்கப்படுகின்றன.
- பேரீச்சம் பழம்
பேரீச்சம் பழம் இயற்கையாகவே இனிப்பானது. குளிர்ச்சியானது. மலச்சிக்கல், அதிக அமிலத்தன்மை, மூட்டு வலி, பதட்டம், முடி உதிர்தல் மற்றும் குறைந்த ஆற்றல் ஆகியவற்றால் பாதிக்கப்பட்டவர்களுக்கு வாதம் மற்றும் பித்தத்தை சமநிலைப்படுத்த உதவுகிறது.
காலையில் வெறும் வயிற்றில் 2-3 பேரிச்சம் பழங்களை வெந்நீரில் ஊறவைத்து சாப்பிடுங்கள்.
2. வெந்தயம்
1 டீஸ்பூன் வெந்தயத்தை இரவு முழுவதும் ஊறவைத்து, காலையில் வெறும் வயிற்றில் சாப்பிடலாம். வெந்தயத்தை தூள் செய்யலாம் மற்றும் படுக்கைக்கு முன் வெதுவெதுப்பான நீரில் 1 டீஸ்பூன் சாப்பிடலாம். அதிகப்படியான வாதம், பித்தம் உள்ளவர்களுக்கு இது சிறந்தது. அதிக வாதம் (உடல் சூடு பிரச்சனைகள்) உள்ளவர்கள் இதை தவிர்க்க வேண்டும்.
- பசு நெய்
பசு நெய் உங்கள் வளர்சிதை மாற்றத்தை மேம்படுத்துகிறது. வைட்டமின் ஏ, டி, ஈ மற்றும் கே போன்ற கொழுப்பில் கரையக்கூடிய வைட்டமின்களை உறிஞ்சுவதற்கு தேவையான ஆரோக்கியமான கொழுப்பை உடலில் பராமரிக்க உதவுகிறது. 1 டீஸ்பூன் பசு நெய்யை ஒரு கிளாஸ் வெதுவெதுப்பான பசும்பால் சேர்த்து குடிப்பது நாள்பட்ட மலச்சிக்கலை சரி செய்ய உதவும்.
4. நெல்லிக்காய்
நெல்லிக்காய் ஒரு அற்புதமான மலமிளக்கி. காலையில் வெறும் வயிற்றில் தவறாமல் சாப்பிடும்போது முடி உதிர்தல், நரை முடி, உடல் எடை குறைவு மற்றும் பல உடல்நலப் பிரச்சினைகளுக்கும் உதவுகிறது. குளிர்காலத்தில், 1 டீஸ்பூன் நெல்லிக்காய் தூள் அல்லது 3 புதிய நெல்லிக்காய்களின் சாறு குடிக்கலாம்.
- இரவு முழுவதும் ஊறவைத்த உலர் திராட்சைகள்
கருப்பு திராட்சைகளில் நார்ச்சத்து நிறைந்துள்ளது. இது மலத்தை மொத்தமாக வெளியேற்றுவதோடு சீரான இயக்கத்திற்கு உதவுகிறது. உலர் பழங்கள், உலர் உணவுகள் வாத தோஷத்தை மோசமாக்கும் மற்றும் இரைப்பை பிரச்சினைகளை ஏற்படுத்தக்கூடும் என்பதால் திராட்சையை ஊறவைப்பது அவசியம். ஊறவைத்தால் அவை எளிதில் ஜீரணமாகும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
