ஆழ்ந்த உறக்கம்; ஆண்மை சிறக்கும்... பாலுடன் கொஞ்சம் கசகசா விழுது; இப்படி செய்து குடிங்க: டாக்டர் அன்பு கணபதி

ஆழ்ந்த, நிம்மதியான உறக்கம் என்பது உடல்நலத்திற்கும், மனநலத்திற்கும் அத்தியாவசியமானது. இன்றைய காலகட்டத்தில் பலருக்கும் பெரும் சவாலாக இருக்கும் உறக்கமின்மைக்கு, வீட்டுக்குறிப்பு மூலம் எளிய தீர்வுகளை டாக்டர் அன்பு கணபதி டாக்டர் பிளஸ் யூடியூப் பக்கத்திற்கு அளித்த பேட்டியில் கூறி இருக்கிறார். குறிப்பாக, கசகசாவுடன் பாலைச் சேர்த்துப் பயன்படுத்துவதன் மூலம் ஆழ்ந்த உறக்கத்தைப் பெறுவதுடன், ஆண்மை சிறக்கவும் முடியும் என்று அவர் வலியுறுத்துகிறார்.

டாக்டர் அன்பு கணபதி கூற்றுப்படி, ஆழ்ந்த உறக்கத்தைப் பெற, ஒரு மேசைக்கரண்டி கசகசாவை எடுத்து, அதனுடன் சிறிதளவு தண்ணீர் சேர்த்து விழுது போல நன்கு அரைக்க வேண்டும். இந்த விழுதை ஒரு கோப்பையில் வைத்துக் கொள்ள வேண்டும். பின்னர், நன்கு காய்ச்சிய பால் சற்று ஆறியதும், அந்தப் பாலுடன் அரைத்து வைத்துள்ள கசகசா விழுதைச் சேர்த்துக் கலந்து குடிக்க வேண்டும். இனிப்பு தேவைப்பட்டால், பனங்கற்கண்டு அல்லது தேன் சேர்த்துக் கொள்ளலாம். சர்க்கரை நோயாளிகள் இனிப்பு சேர்க்க வேண்டாம்.

இந்தக் கலவையை அருந்திய சுமார் அரை மணி நேரத்திற்குள் நல்ல உறக்கம் ஏற்படும் என்று டாக்டர் அன்பு கணபதி குறிப்பிடுகிறார். மேலும், கசகசா வெறும் உறக்கத்தை மட்டும் மேம்படுத்துவதில்லை, ஆண்மைக்கும் வீரியத்தையும் சேர்க்கும் ஒரு முக்கிய மூலிகையாகும் என்றும் அவர் சுட்டிக்காட்டுகிறார்.

ஆழ்ந்த உறக்கமின்மை, மன அழுத்தம், பதட்டம் போன்ற பிரச்சனைகளால் அவதியுறுபவர்கள், இந்த எளிய வீட்டுக்குறிப்பை பின்பற்றலாம்.

ஆழ்ந்த உறக்கம்: கசகசாவில் மனதை அமைதிப்படுத்தும் பண்புகள் உள்ளன. இது தூக்கமின்மை, மன அழுத்தம் மற்றும் பதட்டத்தைக் குறைக்க உதவும். பாலுடன் கசகசாவை சேர்த்து அருந்துவது நல்ல ஆழ்ந்த உறக்கத்தைப் பெற பெரிதும் உதவுகிறது.

ஆண்மை அதிகரிப்பு: பாரம்பரியமாக, கசகசா ஆண்மை சக்தியை அதிகரிக்கவும், இல்லற வாழ்வில் ஈடுபாட்டை மேம்படுத்தவும் பயன்படுத்தப்படுகிறது.  

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.