பாகற்காய் ஜூஸ், வெந்தய தண்ணீர் நோ யூஸ்; சுகர் பேஷன்ட்ஸ் நோட் பண்ணுங்க: டாக்டர் நிஷா

சர்க்கரை நோய் என்பது இன்றைய உலகில் பலரை பாதிக்கும் ஒரு பொதுவான உடல்நலப் பிரச்சினை. இதனை திறம்பட நிர்வகிப்பதற்கான வழிகள் குறித்து பல தவறான தகவல்கள் பரவி வருகின்றன. கசப்பு பாகற்காய் சாறு அல்லது வெந்தய நீர் போன்ற சில பானங்களை அருந்துவது, அல்லது தினசரி நடைப்பயிற்சி மேற்கொள்வது மட்டுமே சர்க்கரை நோயைக் கட்டுப்படுத்த போதுமானது என்ற நம்பிக்கை பலரிடம் உள்ளது. ஆனால், இவை மட்டுமே முழுமையான தீர்வைத் தராது. அதற்கு முழுமையான தீர்வு என்னவென்று டாக்டர் நிஷா க்லேர்வேதாயூர் தமிழ் யூடியூப் பக்கத்தில் கூறியிருப்பது பற்றி பார்ப்போம்.

உண்மையில், சர்க்கரை நோயை வெற்றிகரமாகக் கட்டுப்படுத்த மிக முக்கியமானது, சீரான மற்றும் குறைவான கார்போஹைட்ரேட் கொண்ட உணவு முறைதான். இட்லி, தோசை, பூரி போன்ற அதிக கார்போஹைட்ரேட் உள்ள உணவுகள், இரத்த சர்க்கரை அளவை வேகமாக அதிகரிக்கச் செய்யும். இத்தகைய உணவுகளைத் தவிர்ப்பது அவசியம்.

மாறாக, பழங்கள், காய்கறிகள், சூப்கள், புரதங்கள் மற்றும் ஆரோக்கியமான கொழுப்புகள் நிறைந்த உணவுகளை நம் தினசரி உணவில் சேர்த்துக்கொள்ள வேண்டும். பாதாம், தேங்காய் மற்றும் முட்டை போன்ற உணவுகள் சர்க்கரை நோயாளிகளுக்கு மிகுந்த நன்மை பயக்கும் என்கிறார் டாக்டர் நிஷா.

சரியான உணவு முறையுடன், வலுவான மன உறுதியும் இணைந்தால் மட்டுமே சர்க்கரை நோயை முழுமையாகக் கட்டுப்படுத்த முடியும். மருந்துகளை மட்டும் நம்பி இருப்பது, அல்லது குறிப்பிட்ட ஜூஸ் குடிப்பது போன்ற எளிய வழிமுறைகள் நிரந்தரத் தீர்வைத் தராது. ஒரு ஆரோக்கியமான வாழ்க்கை முறையைத் தேர்ந்தெடுத்து, அதை உறுதியுடன் பின்பற்றுவதுதான் சர்க்கரை நோயை நிர்வகிக்கவும், ஆரோக்கியமான வாழ்க்கையை வாழவும் உதவும் என்றும் அவர் கூறுகிறார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.