ரத்தத்தை சுத்தம் செய்து முகத்தை பொலிவாக்கும்… காலையில் இந்த ஜூஸ் குடிங்க; டாக்டர் நித்யா

இரத்தத்தை சுத்திகரிப்பது முகப்பொலிவுக்கு முக்கியம். துவர்ப்புச் சுவையுள்ள உணவுகள் இரத்தத்தில் உள்ள நச்சுக்களை அகற்ற உதவுவதாக டாக்டர் நித்யா டாக்டர் ப்ளஸ் யூடியூப் பக்கத்தில் கூறி இருக்கிறார். 

இரத்தத்தில் இயற்கையாகவோ அல்லது வெளிப்புற காரணிகளாலோ சேரும் தீங்கு விளைவிக்கும் கழிவுப் பொருட்கள் மற்றும் நச்சுக்கள் "இரத்த டாக்சின்கள்" என குறிப்பிடப்படுகின்றன.  சோர்வு, தோல் பிரச்சனைகள் (பருக்கள், அரிப்பு), செரிமான கோளாறுகள், தலைவலி, நோய் எதிர்ப்பு சக்தி குறைபாடு போன்றவை சில அறிகுறிகளாக இருக்கலாம். 

உடலில் இரத்த டாக்சின்களின் அளவை கட்டுக்குள் வைத்திருக்க இயற்கையான சுத்திகரிப்பு முறைகள் உதவுகின்றன. அந்த வகையில் பீர்க்கங்காய் இரத்தத்தை சுத்தம் செய்வதில் முக்கிய பங்கு வகிக்கிறது. பீர்க்கங்காயை எலுமிச்சை சாறு மற்றும் புதினாவோடு சேர்த்து அரைத்து 200 மில்லி அளவு தினமும் குடிப்பதால் இரத்தத்தில் உள்ள டாக்ஸின்கள் அழிக்கப்பட்டு, இரத்தம் சுத்தமாகிறது. இதன் மூலம் முகத்திற்கு பொலிவு கிடைக்கிறது.

சருமம் பளபளப்பாகவும், ஆரோக்கியமாகவும் இருக்க உடலில் இருந்து நச்சுக்களை வெளியேற்றுவது அவசியம். பீர்க்கங்காய் இயற்கையான சுத்திகரிப்பு பண்புகளைக் கொண்டுள்ளது. இது இரத்தத்தை சுத்தப்படுத்தவும், கல்லீரல் செயல்பாட்டை மேம்படுத்தவும் உதவுகிறது. எலுமிச்சை சாற்றில் உள்ள வைட்டமின் சி மற்றும் ஆன்டிஆக்சிடன்ட்கள் சருமத்திற்கு கூடுதல் பளபளப்பைத் தருகின்றன. புதினா சருமத்தை அமைதிப்படுத்தவும், புத்துணர்ச்சியூட்டவும் உதவுகிறது.

இந்த மூன்று பொருட்களையும் ஒன்றாகச் சேர்த்து ஜூஸாக குடிப்பதால், உடலின் நச்சுக்கள் வெளியேற்றப்பட்டு, இரத்தம் சுத்திகரிக்கப்படுகிறது. இதன் விளைவாக, முகத்தில் பருக்கள், கரும்புள்ளிகள் போன்ற பிரச்சனைகள் குறைந்து, முகம் பொலிவாகவும், தெளிவாகவும் மாறும். இந்த ஜூஸை தினமும் உட்கொள்வது ஒட்டுமொத்த ஆரோக்கியத்திற்கும் நல்லது.  

எனவே, ஒட்டுமொத்த ஆரோக்கியத்தையும், குறிப்பாக சரும ஆரோக்கியத்தையும் பேணிக்காக்க இரத்தத்தில் டாக்சின்கள் சேராமல் பார்த்துக்கொள்வது அவசியம் என நித்யா கூறுகிறார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.